呢排睇報紙話又有米芝蓮星級食肆被迫結業，原因當然又係業主狂加租，頂佢唔順。 關焯照你知否點解誠品有得打折租大商場賣書？剃刀門楣嘅商場東主怎會無端白事益人咁好死？講穿咪又係商業考慮！

咁大型商場攪「美食天堂」又得唔得呢？

大型商場業主可否同這些食肆老闆玩雙贏? 首先大發展商以巿值一半租出旗下商場，然後打埋本俾星級食肆老闆發大來玩。

如果對下一年呢啲食肆保星就免租半年，升埋級全年免交租，老闆淨係攪好食品質素，其他租金啲咁嘅雞毛蒜皮嘢免煩！

咁大業主個場因為有星級食店助威而點擊率大升又可門庭若市，小東主無後顧之憂又有得撈，香港旅遊業又可打着美食天堂而得益，隨時係叁贏方案都仲得！

引入星級食肆做旺個場先封蝕本門，大業主已經賺咗！

以免租期推動東主保持出品質素，又唔使啲東主驚越旺租越升嘅惡性循環，而因為呢啲食肆攞倒星先有免租期，所以大業主收唔倒租其實仲著數，在香港食肆係咁摘星仲唔爆到七彩？唔好忘記呢間食店大業主有股權！