|
1. 聯儲局話 2013-09-19 09:36:14 |
|
|
|
2. 滿足一部份人的心態.......... 2013-09-19 09:40:51 |
|
樓價下跌一半的意思 ..........滿足一部份人的心態..........唔再嘈......... |
|
3. 掹車邊80後 2013-09-19 09:45:12 |
|
我都係相信樓價中長期會升, 短期會跌
但最近睇到一個論調, 幾值得參考下: 就係城市發展步伐放緩 人口增長慢，產業外流 (似陸東), 就業機會減少, 會唔會到時起完樓, 但大部份都係低增值居民, 甚至失業呢......跟住逐個產業諗埋落去, 真係幾得人驚, 因為個個行業都好似夕陽緊咁樣 (重心唔再係香港) |
|
4. 亮劍 2013-09-19 10:05:22 |
|
以下文章係本人愚見，寫於 8 月 24 日------- 現在香港私樓步入調整期應無懸念，但在跌到乜嘢位先反彈呢，咁就有天壤之別，有人話要調你四五成，而我就話只是現水平跌一成有找！ 好多人看好看淡，都無逆向思維，佢哋大多只預設答案，然後將利己因素無限擴大，又將不利己因素貶低或忽略！ 例如淡友希望樓市大冧最少四成，咁佢哋就將美國退市，新盤供應大增，資金撤離亞洲，樓市有嚴重泡沫等不利因素擴大！ 美國要退市？ 如果美國經濟仲係唔掂，失業率仲高企，通脹率仲係喺低位----請問退條毛、加乜嘢息先？ 利息升、樓就跌，表面上好合理，但你哋可有實例支持？ 反之實際情況係加息週期開始嗰陣，樓市仲繼續升嘅例子就大把！ 這是因為加息原因不離-----經濟過熱、貨幣增長過快、匯價下跌過急及資產價格有泡沫化傾向！ 所以如供樓利息增加，但工資(通脹)同步或更快地上升，形成負利率，咁樓價再上一啲都唔奇！ 打後半年新樓會大增？ 打房政策全面開展，地產商使唔使從新規劃佢哋賣樓步伐？ 本來朝三暮四，現在就焗住朝二暮四，甚至朝二暮三囉，而剩下嗰壹或兩件，等變現樓先來食，請問是否犯法？ DSD 及新預售樓花政策，根本就係迫地產商要大幅調整賣樓時間表，始作俑者請面對後遺症帶來嘅後果！ 資金撤離亞洲？ 熱錢撤離新興市場，會收埋喺床下底嗎？合理預測係咪去翻歐美或其他仲有得炒嘅新興市場先！ 熱錢返回歐美，咁佢哋嘅債息會下降，間接幫助他們經濟復甦唔講，而香港經濟環境相對其他亞洲經濟體，尚算唔錯係無可否認嘅，起碼我哋股票市場無泡，政府仲有大把盈餘，加上港元同美金掛起鉤匯率相對穩健，咁隨時係印度及東南亞之失，可能係香港之得都唔定！ 樓市有嚴重泡沫？ 都唔知係唔係奸有奸輸，呢幾年政府嘅打房政策，效果就係幾乎把所有水份及泡沫擠曬出來，拒將任何把持不定、心大心細、無實力嘅人用鐵掃帚打走！ 實際後果係最有實力、最有錢同最有決心嘅人先入場繼續玩，呢啲人得享低息之助，再受樓市步步高升優惠，而且佢哋仲因銀行嚴格審核制度所限，做唔倒高槓桿，所以按揭成數處於極低水平，平均只係借嗰叁成多，啲貨幾乎入曬強者手，請問啲泡喺邊度？ 或者車位同白居 2有少少掛！ |
|
5. 大虎 2013-09-19 10:31:05 |
|
哈，睇死美國佬吸開毒，點會戒呢？陸生賣咗樓，買唔返嘞。 |
|
6. K 仔 2013-09-19 10:33:40 |
|
是日休息。今日联储局议息，睇完真係得啖笑。半年前，伯南克話要考慮退市。今日又话復甦未稳，继续買债。
如果有留意，2012年8月QE3，金价急升，金价升至1900几，如果金价再升，D人對美金有可能失信心，然後边有人finance美国人的大花筒？然後，咁 arm 今年2月起经济又开始復甦，之後又将美金整强，熱$又回流美国，引发加息预期，十年期債息由4月的1.7%升至最高的3%。
但太强美元及債息急升会影响美国经济，當資金流向稳定後，又话经济復甦未稳，又继续買债850亿
上个月睇石sir文章講，美国大簫條後低息环境近15年，直至通胀超过双位数。今天美国通胀2%多DD，退市（未停止買債，不能加息）应有排 |
|
7. 冷眼 2013-09-19 10:35:00 |
|
楼价跌五成？痴线！跌5%差唔多，最多一成！
08年全球金融海啸，港楼只跌23%,依家全球无风无浪，歌舞升平，你班契弟话跌五成？读书读坏你个脑？9唔搭8！
以中国最强大的共产党都唔敢话要楼价跌三成，都唔知你班分析员点做野！
求其一个街市佬、街市婆分析都好过你班＂金玉其外，败絮其中＂的所谓＂专家＂！ |
|
8. 大虎 2013-09-19 10:40:01 |
|
| 12. 大虎 2013-09-01 13:16:41 |
| 之前講過自己間出租新界樓到期，只係做一個動作-就係加租一成二，因租客俾哂一年，租值稍低於市值，層樓可以養自己有突。而家講下所謂加息樓會跌尼個議題。
係加息係會令業主負擔重左，如有失業、等$駛、慳息..等賣樓等連鎖反應令樓價㝝。我想問：而家真係加息定係吹話會加息，我覺得因下列原因，有人幻象地覺得加息樓會跌：
1 財爺十陳總係過去三年係咁吹加息，吹又唔使負責，你因佢咁吹又話加息樓會跌，好軒強 如甘賣樓，更加關人？
2 事實上，按測要加三厘已有加息效果（新造）又唔見跌，只更加強有實力之士入巿，更加跌唔落。
3 美會退市係遲早事，不過退市不等同加息。如因佢會退巿等樓跌乜都唔做，即係我話人乜都唔使做，因為人一出世就肯定得一個結局一樣。
4 我就唔信美國會係三年內加息。吸開毒-量寛，正路只會繼續吸，因為仲有人俾毒品（日本，中國）點解要戒？
如我租客因上述幻象，覺得樓價會跌，租金跌，你話一年後我嘅贏面係幾多？
|
|
|
9. Ricky 2013-09-19 10:56:35 |
|
試問在正苦3D制度下,即使樓價確實會下跌3成,小業主會賣樓等執平貨嗎?當然少之有少啦!出入使費都2成幾.........隨非正苦明確表示樓價下跌3成即時徹招,相信好多小業主會改變主意. 因此要利誘小業主出貨,便要把樓價説成會下跌5成. |
|
10. biu 2013-09-19 11:38:57 |
|
以前新樓高開3成,以後樓價下調2成,加起來就有5成.唉香港人正一老嚫,圍繞身邊唔係地產,金融老千就係政治神棍. |
|
11. 撩交嗌 2013-09-19 11:50:30 |
|
亮劍, 好多人看好看淡，都無逆向思維，佢哋大多只預設答案，然後將利己因素無限擴大，又將不利己因素貶低或忽略！ 呢句野好似都話緊你自己. 你所有論述最後都係話樓價唔會跌. 不過, 可能你未聽過black swan event. 其實係度講多根本無謂, 無料既人先會係人地個blog度日日回應, 有料既就自己寫個blog,睇下有無人睇. BTW, 我希望各位快的插我, 浪費下各位既時間. |
|
12. 聯儲局拒收水 美股創新高 2013-09-19 11:54:45 |
|
聯儲局拒收水 美股創新高 【太陽報專訊】憂慮經濟前景不明，美國聯儲局結束一連兩日會議後，今日香港時間凌晨未有如預期宣布退市，每月購債規模維持每月850億美元，聯邦基金利率維持0至0.25厘不變，並重申失業率跌至6.5%或通脹不高於2.5%才考慮加息的承諾。主席伯南克在記者會上，表明購債計劃未有預設方向。 美股道指及標指齊創新高，金價及外幣應聲勁彈。道指大幅抽高151點，高見15,680點；標指升18點，至1,723點。美國十年期美債孳息報2.77厘，急跌8點子，本月五日曾高見2.999厘，較五月二十一日伯南克暗示退市前的1.93厘高出逾1厘。 港股ADR曾漲424點
美國聯儲局公布議息結果後，港股美國預託證券（ADR）尾段反彈，中移（00941）報87.976元，升0.626元，滙控（00005）報87.433元，升1.233元，按比例相當恒指漲424點至23,542點。 議息聲明提到，美國經濟繼續以溫和步伐擴張，就業市場近月來進一步改善，但失業率依然高企，當地家庭開支及企業固定投資增加，樓市進一步改善，然而，按息進一步上升及財政政策將限制增長。通脹方面，除了能源價格因素導致通脹低於當局目標，長期通脹仍然受控。 儘管經濟前景及就業市場風險自去年秋天以來下降，但提到金融市場環境近月來收緊，當局將觀察未來數據以決定調節購債計劃，並強調「沒有預設方向」。 調低今年經濟預測
聯儲局同時公布最新經濟預測，料今年增長介乎2至2.3%，較六月時估計2.3至2.6%為低，亦首次公布一六年預測介乎2.5至3.3%。另外，預期一五年底失業率，由六月時估計的5.8至6.2%，轉為5.9至6.2%，仍然觸及當局的加息門檻，而美國八月份失業率微跌0.1個百分點至7.3%。至於聯儲局重視的通脹指標─個人消費開支（PCE）核心指數今年第四季的預測調高至1.1至1.2%。 息口預測方面，料一五年恢復加息的聯邦公開市場委員會（FOMC）成員數目有12人，估計一六及一四年加息的人數分別為3及2人。至於一六年底聯邦基金利率的預測中位數為2厘，低過被當局視為全民就業和物價穩定的4厘。德銀之前報告估計，加息周期會於結束買債後約一年，即一五年中展開，一五年及一六年料合共加息4.5厘。 市場一般認為，聯儲局今次按兵不動，反映近期數據轉弱，包括上月的非農業職位以及各項樓市指標，其中昨日公布的八月份新屋動工按月升0.9%至以年率計89.1萬間，少過預期的91.7萬間，期內建築批核更大跌3.8%至91.8萬間，遠少過預期的95萬間。 聯儲局議息重點
每月買債規模維持850億美元。 大部分委員料2015年才開始加息。 聯邦基金利率維持不變。 因應就業及通脹調整買債計劃。 續將回籠資金購買國債及按證。 2016年失業率料5.4至5.9%。 2016年經濟增長料2.5至3.3%。 2016年通脹率料1.7至2.0%。 |
|
13. 路人丙 2013-09-19 13:02:42 |
|
To 11樓，唔夠人講響度發爛炸，失敗者 |
|
14. pat pat 2013-09-19 13:07:51 |
|
回11/F 撩交嗌，
回您边使亮剑，用 pat pat 都做低你啦。我寫包單，除非地震、瘟疫、打仗、暴動香港要死1/3人厘种滅絶危机等，一般外地经济危机唔会係香港隻黑天鹅，因为香港人好有$、擁有大量儲蓄及低負債水平，就算好似海嘯咁大碌，3个月欄腰V型反弹，冇钱係手低位点買货。08年時有大量储蓄，今曰仍然係咁，唔识可以去金管局 check 吓先講？
撩交嗌前做下功课先，对付你何需用剑，pat pat 都夠做低你，儍仔
|
|
15. 亮劍 2013-09-19 13:08:29 |
|
我兩叄年前路過呢處，見倒湯文亮竟然喺度敎人玩樓，原先我都認為，佢揸住成手貨，那會講真話? 點知睇落佢唔單只知無不言，言無不盡，仲講親都中，咁我咪嘗試回應下囉。 本來呢度最初，係好淡爭鋒格局，但唔知點解，那些淡友整日喺度發白日夢，只識講樓價太貴，話要跌要插，完全無 point 無料到，就算有嘅，都係翻炒再翻炒，流口水到癲！ 這使我想起年幾前那個「浩氣長存」，你係本人敬佩嘅唯一淡友，起碼你有做功課，可使人認真地對答，因此浩兄如果你見字，請約出來齊齊把盞論市好嗎?
我自己有幾幾多料，自己知道就算，開blog?玩咩！冇謂獻醜啦！ |
|
16. 阿婆數 vs 分析師陸東 2013-09-19 13:45:42 |
|
以本人街坊阿婆數計,跌五成返2006价,唔容易! 2006年新界細價兩房收租$6000. 息口5.25% 2013年收租$12000,息口2.15%. 當即時完成退市息口有冇5.25% |
|
17. 周顯 2013-09-19 14:00:31 |
|
前天，李嘉誠特邀了一班友好傳媒去飯局，說了不少肺腑之言，其中對於投資者的最大啟示，當然是他對樓市的看法。如果大家相信李先生，還不快快沽樓！除非是﹕1.你認為他看錯市；2.你認為他講大話。不過，作為一個大型地產發展商，講大話唱好就話有，講大話唱衰，似乎是聞所未聞。 |
|
18. wham 2013-09-19 14:06:33 |
|
寫尼寫去三幅屁! |
|
19. 路人丙 2013-09-19 14:10:04 |
|
秋後算脹
今年一月，各大高手對股市樓市發表預測，過了大半年，看看誰的眼光準確
陸東認為，炒股好過買樓, 今年恒指合理值為27800點
湯文亮說，樓價向上或向下的幅度都不會太大，股市一上一落，回復舊觀 |
|
20. 調整完畢，樓價作勢再上 2013-09-19 14:13:27 |
|
期待了二個月的九月議息結果，讓全世界大跌眼鏡，美國不單冇退市，繼續量寬，而且仲開出明確期票，2015年底不會加超過一厘，到2016年底都唔加超過2厘，一句講晒3年最多加到2厘。
屈指一算，三年通漲水平都唔止2厘，人工加幅都唔止每年2厘，三年後咩世界，陶春大膽約略計算，今年借舊錢，3年後都貶值超過5%，就算3年後加到2厘又算點。按呢度好多朋友口頭禪，早買樓早貨款早享受，係冇錯。
早排樓市橫行，個別業主心急劈價，最主要原因預期九月宣布退市，係呢種心理壓力下，樓價有向下壓力，但今日一過，呢個擔心一掃而空，遊戲又回到兩年前，即過幾年先加息，到時先算啦，加上加個2厘，早被通漲和加人工拋離，更加冇人介意。
近日，大陸各城市最新消息，又係各大城市樓價又創新高，過去一年都升近18%，大陸打擊政策仲嚴厲，但都證明無效，香港個3D政策有叉用咩，大陸樓市炒風好快轉戰香港，陶春估計樓市今個月尾再轉身向上行。
陶春言無不中，大勢如此，要等跌，3年後先再傾！
|
|
21. 陸東：樓市面臨衝擊 2013-09-19 14:22:00 |
|
【本報訊】Look's Asset Management Limited董事總經理兼投資總監陸東昨晚在美聯物業舉辦樓市政策3D高峰會中表示：「因為辣招影響，最壞的情況是跌五成。」
陸東解釋，目前香港失業率3.3%，「最好啦，無得再好。」香港經濟靠三大支柱，包括貿易、金融、零售，「金融已經跛咗，我身受其中，貿易和零售都跛跛地。」當利息和失業率上升，樓市將面臨衝擊。他形容目前樓市要支付重稅，情況就如「賣樓要殺頭，一定無人敢賣！」他認為，政府應臨危勒馬，退出干預市場。
他指樓市最壞情況是跌五成，「息口低無可低」，純粹計數，只要利息些微上升，市民供樓負擔比率上升至六、七成，「樓價咪要就囉！」
他指，今日樓市的情況是以往幾屆政府「一個接一個錯誤而造成！」他續稱：「賴外來人、炒家造成樓市上升？我從未見過一個地方的樓市是靠外來人，好多時是本地人造成。現在基本上，是供求不平衡。」他希望政府撤銷辣招，因為用行政手段阻礙樓市，增加交易成本，可以有短期效益，但長遠會影響地產行業，對整個社會帶來後遺症。
|
|
22. 解讀伯南克 v2.0 2013-09-19 14:50:34 |
|
美國聯儲局經過一連兩天議息會議後，出乎意料地維持每月850億美元進度購買較長期美國國債及按揭抵押證券（MBS），意味押後退市，亦維持於0至0.25厘區間不變。今次議息聲明亦提到，失業率持續高企及政府削減開支，加上按揭息率上升，均成為經濟增長絆腳石。 (<== "退市" 推高長債息率, 為經濟增長絆腳石 ..... 幾時都係架喎  )
雖然經濟前景及勞工市場下滑風險減少，但近幾個月金融市場狀況正在收緊，若持續可能放緩經濟復蘇步伐，故儲局需要多數月時間去證明經濟正在改善。 (although .... but .... so ....... 退市? 等多幾多月先啦 .....)
儲局最新經濟預期是2015年開始上調聯邦基金利率，至該年底見約1厘，但估計至2016年底時仍會處於2厘或以下。(即係頂盡到 2016, 先有機會加 2厘 ....) 儲局有12位理事認為2015年是首次加息的合適時機，人數較早前增加兩名；另有兩人認為2016年才該加息。
儲局又重申，只要失業率高於6.5%，一至兩年內通脹預期不逾2.5%，較長期通脹預期受困，儲局就會維持息口於現水平不變。儲局又指資產購買計劃增減並沒有時間表 <==== No timetable!!!  ，會視乎經濟情況而變化。
此外，美國白宮官員稱，現任儲局副主席耶倫是極有機會接掌儲局的人選，而民主黨參議員舒默更促請總統奧巴馬提名耶倫為下任主席。<=== 一早話左係 Oh 班馬叫阿邊個邊個, 唔好同耶倫爭架啦!
我手上嗰份平果 B2 仲瀨埋嘢，出財經頭條係【儲局或小規模退市】 小標題係【每月料減買債 780 億 美股早段反覆】 爆 |
|
23. 亞媽你係得嘅! 2013-09-19 14:53:07 |
|
謝搏士, 大C, 六仔, 冬仔.........自稱乜家乜家, 都唔夠我九十幾歲亞媽叻, 佢幾十年前己經教我話: (亞仔, 喺边度跌低就一定要喺嗰度爬翻起身)
所以我估美國九月退市係假嘅, 今年年尾都唔得. 恆生指數年尾要衝上25000點. 樓市go go go! 樓淡大叫no no no!
因為08金融海嘯係因美國樓市崩盤而起, 秧及歐洲以至全世界, 美國要退市甚至要加息還看樓市, 最少穩定復甦之前嘅7成以上先至穩陣可行, 估計要等最少三年以上.
伯南克所謂以失業率6.5%, 通漲率2.5%作參巧點, 唔提樓市因素係放山埃化武煙幕, 謝搏士, 大C, 六仔, 冬仔.........大細樓淡專家全部中毒, 傷及咽喉出唔倒聲, 即送入ICU急救.
|
|
24. To 11/F 2013-09-19 15:00:49 |
|
|
|
25. LuLu 2013-09-19 15:05:25 |
|
經紀成日打來叫我賣樓 (西kln地段 / 7年樓年)，一開口就問要降價，撞鬼!! 我又不是炒家，又沒有經濟上的壓力，壓價去到連買個新界半新盤都不夠，還要補錢!! 不動不動!! 經紀說，舊樓不能與新樓的價比，再問經紀，甘太古城比我現居住的舊28年有多，按比例計算，太古城尺價應該在3 - 4千多啦! 大家真是要心水清，不要被那些經紀說話轉移視線。 |
|
26. 亮劍 2013-09-19 15:33:03 |
|
剛才得閒冇事做，我打去中銀問佢哋銀行定息做緊幾多，那位姐姐仔話：
3年 2.4厘 5年 2.65厘 7年 3.15厘
係人都知喺香港，你俾銀行搵笨周時有，但你可以搵倒佢哋笨嘅機會有幾何?
3年2.4厘定息，與現行H及P按相約。咁你估銀行計算錯誤，攪到倒貼俾你嘅機會有多少??
呢下真的要佩服揸數同計數嗰班，根本佢哋已經睇死你美國聯儲局喺呢兩叄年都加唔倒息，仲要係神早就知嗰隻！ 咁要是有任何一位仁兄，在O9～1O年借落H十，咁到16～17呢六七年間，佢已經可以話還咗兩成多按揭，就算打後啲樓俾政府㩒住無得升，亦無有怕！
聯儲局俾咗呢個指引出來，即是話呢兩年大家冇有怕，咁樓市跌五成如何成立? |
|
27. 失敗者聯盟 2013-09-19 16:01:07 |
|
其實大家有駛咩係到扮專家, 根本黎得留言都係失敗者聯盟, 有料呃到下人既就已經自已出書, 上電視. 再真係勁, 識搵錢既就唔會浪費人生係到留言. 黎得留言既大家知咩事, 其實個市唔係升就係跌, 你同我隨口噙都有50%中, 最攪笑既係一班失敗者又要攞數據又剩. 真係唔識比你嚇死, 識就比你笑死. PS, 我有時間係到留言, 當然亦係一失敗者 |
|
28. 路人丙 2013-09-19 16:15:11 |
|
to 27樓，
有料到出書? 上電視? 你聽多d上電視，出書果d分析員講啦，佢地好有料咖，08年開始年年話跌一半，信佢地賣自住樓啦，幫人供樓，功德無量。
再真係勁, 識搵錢既就唔會浪費人生? 呢度大把人過億身家，在這裡找知音人分享文流過日晨，唔好做井底之蛙，傻仔！ |
|
29. 離枱吧!!!! 2013-09-19 16:23:04 |
|
湯博士, 套用你的故事, 我是你的話, 一早離枱了, 這個政府,這個城市,這些市民, 你一生無憂了, 還犯得著嗎? |
|
30. 路人丙 2013-09-19 16:42:33 |
|
to 29樓，
你以為湯生日日出2篇文章，是貪那一百幾十的稿費嗎？ 身家夠食十世，一生無憂就要離檯？這是窮人的思想，你的層次未免太低了。 |
|
31. to 28/F 2013-09-19 16:45:34 |
|
呢度大把人過億身家，在這裡找知音人分享文流過日晨，唔好做井底之蛙，傻仔！ 哈哈, 你講出黎有人信先得架, 我話其實我係李家誠, 你夠我有錢? 傻仔！ |
|
32. To 27/F 2013-09-19 16:54:33 |
|
|
|
33. 港島區樓應起碼賣10萬一呎 2013-09-19 16:55:48 |
|
|
|
34. To 30 樓 2013-09-19 17:01:06 |
|
離枱是無聲抗議, 湯博士身家億計, 犯得著為你呢d 雞毛炒家日日受氣嗎? 這不是層次的問題, 你的問題同湯博士無關 |
|
35. 失敗者聯盟 2013-09-19 17:06:50 |
|
to 32/F 我指的失敗者聯盟是以在此留言的人. to 28/F, 你實在太睇少呢度的人既吹水能力, 你應該話呢度大把人過百億身家，而你就有過千億身家, 傻仔！ |
|
36. 怀旧 2013-09-19 17:25:40 |
|
|
|
37. 回32樓 2013-09-19 17:34:28 |
|
我都睇到呢段對話，個廢網阿頭跟住回應話……所以香港樓價應跌剩一成，笑咗。
|
|
38. LuLu 2013-09-19 18:36:30 |
|
美國搞甘多野，目的都是要當地房地產價升值，物業不升值，即是整體經濟不向好!! |
|
39. LuLu 2013-09-19 18:40:37 |
|
如果樓價掉剩一成，想像一下，整個香港會是什麼的社會，什麼的經濟!! |
|
40. mini 2013-09-19 18:45:46 |
|
See more advertising on this web site since established ...That's business more than you expected... |
|
41. 雲在青天水在瓶 2013-09-19 18:46:27 |
|
伯南克不減買債, 維持低息不變, 令大多數專家意外. 消息出來, 金股齊鳴, 匯息齊跌.
自鄧小平主政以後, 中國人就摸著石頭過河, 這個經驗現在被美國人借鑒. 美國人為渡過金融危機, 也嘗試用各種金融和財政手段去應對. 但現在依然是摸著石頭未過河, 奈何仍在水中央.
伯南克暫不退市, 並在中秋前夕發放出這一信息, 無疑是給香港業主最好的中秋禮物, 估計不久後, 123.66的前高位必破.
用蘇軾 "中秋見月和子由" 的兩句詩來形容此時的情形, 既應節, 也再恰當不過:
明月未出群山高, 瑞光千丈生白毫. 一杯未盡銀闕涌, 亂雲脫壞如崩濤.
祝博士中秋快樂! |
|
42. 給27樓 2013-09-19 19:28:19 |
|
你以為有料既人就可出書、上電視？
你個偶像陽痿膿每個月收入加加埋埋得嗰幾仟蚊美金，以前佢出D書基本上無人買，NOW財經台貪佢收得平先用佢，内部消息話如條粉腸繼續唱衰老細個老豆就郁佢，今期佢本書因得你班失敗者聯盟支持叫做賣得吓，佢就立即換部好D既二手車，但你知唔知而家佢醫保都唔敢買，遲D重要搬遠D、僻D，你想學佢…… |
|
43. mini 2013-09-19 19:39:41 |
|
See somany vechicles in Beijing, Your State Capital That's business... 新华网 >> 新华社区 >> 拍客 >> 正文 | |
| 2013年09月19日 06:00:00 | 责任编辑: 张轩 | 来源： 发展论坛 | 更多酷图>>> |  |
感谢【网友 京芒草】推荐 
9月17日是中秋节前尾号4、9限行的工作日，路上车多再加之降雨，曾被预测为最堵周中的最堵日，交通指数峰值将达到9以上。伴随着朦胧细雨，北京国贸桥主路成为“停车场”。 |
|
|
44. 香港市民 2013-09-19 20:15:53 |
|
這個真是中秋禮物，雖然沒有股票在手，也很開心，低息環境還有一段時間。現在供樓者很開心，有樓收租更快樂，持股票者也不錯，不過，也有人很不開心，你估一下？ |
|
45. 香港市民 2013-09-19 20:15:53 |
|
這個真是中秋禮物，雖然沒有股票在手，也很開心，低息環境還有一段時間。現在供樓者很開心，有樓收租更快樂，持股票者也不錯，不過，也有人很不開心，你估一下？ |
|
46. 你估一下??? 2013-09-19 22:19:16 |
|
|
|
47. 伯南克玩死博跌友 2013-09-19 22:23:55 |
|
伯南克玩死博跌友....... 聯儲局拒收水 美股創新高.......... 【太陽報專訊】憂慮經濟前景不明，美國聯儲局結束一連兩日會議後，今日香港時間凌晨未有如預期宣布退市，每月購債規模維持每月850億美元，聯邦基金利率維持0至0.25厘不變，並重申失業率跌至6.5%或通脹不高於2.5%才考慮加息的承諾。主席伯南克在記者會上，表明購債計劃未有預設方向。 |
|
48. 望樓價跌的樓淡長久計一定失望 2013-09-19 22:41:17 |
|
望樓價跌的樓淡長久計一定失望, 香港經歷三年八個月日治悲慘年代; 中國經歷八年抗戰, 文化大革命十年浩; 世界經歷两次世界大戰; 由亞爺個亞爺年代算起, 樓價升幅不可以用十倍, 百倍, 千倍計, 跌少少令樓淡歡喜過後, 又再升創新高再新高, 週而復始, 歷史為證, 樓淡自欺, 自我幻想而已! |
|
49. 笑笑 2013-09-19 22:59:37 |
|
過去二十年,物業連租金平均年回報七個巴仙咁大把.
如過果九七入市,平均年回報兩個巴仙. |
|
50. 大頭貓 2013-09-19 23:11:18 |
|
以港幣計價的港樓真的很貴嗎？我只知這十多年港幣兌人民幣己貶值超過四成。 |
|
51. 001 2013-09-20 02:33:50 |
|
估樓價下跌五成的人, 有否擔心到時人工都下跌五成。我驚驚。 如期都系估估下, 不要太盡吧。作為經濟專家, 不如講下香港經濟可以如何多方面發展好吾好。 |
|
52. 退市加乘咪講笑啦 2013-09-20 11:57:50 |
|
中國日本中東佬揸住咁多美國國債. 美國佬會真加息退市比佢地賺息賺匯價全身而退? 加息會影響出口和美國樓市, 對大選也會有影響. 咁多政治不正確都會做的嗎? |
|
53. Alan Pepper 2013-09-20 15:34:53 |
|
其實陸東，誠哥等等可能都係用心良苦，出口術想 CY 退市。但 CY 好似同地產商，小業主，甚至全港做生意的對着幹，為咗討好一班民粹主義的群眾及議員。好似有損香港的整體利益。我哋（小生意人及小業主）一向只顧住揾食，邊得閒去遊行呀？（利益申報，小弟2003年遊行一次，是次差點要走佬。但是天對我不薄，過了關）所以咪聽啲最大聲嘅人 lor。
|
|
54. 亮劍 2013-09-20 17:17:39 |
|
白藍黑一嘢退市未曾住，立即攪到世界股匯金債等市倒瀉鑼蟹！ 因為幾乎全世界識寫字嘅人，都預咗美國 9月會退巿，而有少少經濟常識嘅人，更喺個多月前就做定投資部署，想話借機搵翻筆，佢哋例如沽定美債；喺新興巿場度走資及空佢哋嘅貨幣；空定黃金股票同期指更係指定動作！ 但呢幾日假期，佢哋呢班醒目仔應該好忙碌，因為他們要計下蝕幾多、要調整中期策略、要反手做翻轉頭！ 呢一輪本人咪多次強調，『群眾永遠是錯』的道理嗎?呢下只是又再一次示範俾大家睇咋！ 現在我真係唔敢話俾識得嘅人知，本人乃亮劍，因為我發覺身邊唔少朋友，都喺呢陣做咗樓市淡友，空談理論點解啲樓咁叉貴嘅有～ 有埋實際行動沽咁一兩層者亦有～ 更有連自住樓都沽埋去租樓同你搏一鋪都有幾個！ 而睇好中短期後市者，可能只得我一條粉腸咋！
但在幾乎全面及一致睇淡嘅情況下，個樓巿竟然仲唔死得，仲喺CCL 12O 唔上唔落，係咪有鬼呢?！
李十X話到明睇唔通四五年後嘅樓市，而且做埋唔買地動作，現在睇下誠哥在佢退休後，呢個「李氏力場」仲掂唔掂啦！
〈利申：其實我都睇淡2O17年之後嘅樓市，因為香港每逢見7必出事〉 |
|
55. 阿伯拒收水 買樓速扑錘 2013-09-20 17:40:34 |
|
阿伯拒收水 買樓速扑錘 太陽報專訊】聯儲局主席伯南克決定暫不退市，不但令投資市場雀躍，亦掃除本港樓市不明朗因素，即時令二手樓亢奮起來。粉嶺昨日中午前至少錄約4宗二手買賣，當中大部分成交價較之前為高，其中牽晴間低層戶售316萬元，較早前同類成交價高約2%；同時，業主叫價亦回復信心，鰂魚涌康怡花園高層單位原先為減價放盤，但業主昨即時聯絡代理，轉軚要求加價40萬元，至640萬元放盤。 代理指出，受美國暫未退市消息帶動，不少在粉嶺區睇樓一段時間的準買家，昨突然加快入市，昨中午前區內錄至少4宗二手買賣，當中3宗成交價更出現回升；其中牽晴間5座低層D室，建築/實用面積532/393方呎，雖然原業主只減價4萬元，仍獲睇樓逾一星期睇樓客，以約316萬元購入，建築/實用呎價5,940/8,041元，早前同類更高層戶近一個月成交價僅約310萬元。 OL泓景獲追價15萬沽 同區花都廣場8座高層F室，市傳昨以328萬元售，建築/實用呎價約5,964/7,942元，較同類早前成交高約4%；相反，同區碧湖花園6座高層H室售273萬元，低市價約5%。 消息稱，長沙灣泓景臺5座單位，建築/實用面積669/492方呎，過去周六、日已獲準買家以560萬元洽購，但當時未達業主意向，雙方拉鋸，但因不退市消息，準買家恐樓價有機會再升，追價15萬元，至575萬元入市，建築/實用呎價約8,595/11,687元。 部分二手樓價未見回落。富誠地產稱，黃大仙龍暉閣低層A室，只減9.5萬元，以232.5萬元售，實用呎價約9,647元，創同類新高。另美聯稱，沙田第一城3座高層G室兩房戶，售價仍達約356萬元，實用呎價約10,887元。 康怡放盤加價40萬
至於業主叫價態度亦再度回升。中原楊文傑稱，康怡花園本月只錄約3宗買賣，其中B座高層放盤，建築/實用面積約600/497方呎，業主原先因市靜，調低叫價約50萬至600萬元，但昨突反價，將原已調低叫價再加40萬元，放盤現以約640萬元放售。 美聯稱，鰂魚涌南豐新邨11座中層G室，售價約493.8萬元，實用呎價約12,629元，扣除5%額外印花稅約24.7萬元，約一年仍賺約44.1萬元。 另租金下滑，中原表示，屯門瓏門1座中層D室以月租12,333元租出，較同類單位低近18%，實用呎租25.7元。 |
|
56. 估計不久後, 123.66的前高位必破. 2013-09-21 09:04:11 |
|
Sep 19, 2013 : 估計不久後, 123.66的前高位必破. Oct 19, 2013 : 115-118 Nov 19, 2013 : 110-115 Dec 19, 2013 : 105 I told you the third time, do you have in all ears? It topped out at 123.66 |
|
