今日有平果講，美國波士頓諮詢公司（BCG）前天（30/5/2013）發表一年一度的全球財富報告，香港百萬富豪人數總共 23.1萬個。而中國百萬富豪戶數目，係130.4萬個，(同香港私樓總數差不多，但過多一年就唔夠)！
報告所指「1 M私人財富」，係以美元計，包括現金、證券和其他在岸和離岸資產，但不包括自己經營的公司、自住物業和其他奢侈品。
如將門檻提高至私人財富超過1億美元（7.8億港元），全球億萬富豪戶密度最高是香港，每10萬戶有13個。瑞士每10萬戶有10戶排第2。
億萬富豪戶總數則仍是美國最多，有3,016個，英國1,001個第2，中國851個第3，香港323個排第11。
CY及其團隊應該知道，現在香港有一半私樓，係喺一班 40幾到 50幾嘅 60後中產人仕手上。
呢班人大多生於196X年，這是香港人口出生高峰期，加上 197X年開始，香港教育有長足發展，他們無論學歷、社會地位、影響力、揾錢能力、聚積嘅財富速度及實質資產等，都非同小可！
如果以正常嘅人生歷程來計，呢班 60 後唔使蓋棺已可論定：-
粗略計算約四成人可以入住公屋，咁拒哋起碼三餐唔使愁，醒少少者仲可以買翻間私樓或居屋，執倒呢幾拾年少少資產增值嘅甜頭。
再醒啲嘅、或有計劃啲嘅 60 後，三十歲前後實現叁仔或四仔者(屋仔、老婆／公仔、細路仔加車仔) 如江河之鰂，今時埋單計數，就算拒哋仔女未畢業、層樓未真正供完(換過幾間或買多一兩間投資) ，都應達曬標，到達目的地，只差十年八年而矣！
CY 及政府高層唔好再屈埋喺金鐘政總閉門造車，現在起碼有數以拾萬計嘅 60 後家庭，拒哋喺有足夠首期、供款能力及實際需要：-
1) 更換大啲嘅樓宇。
2) 買多間近自己屋企嘅 2 手樓俾啲細路用。
3) 買多一兩間屋收租，以作退休之用(我哋真係俾啲股票及基金玩到殘啦)！
但睇CY 您嘅思路好似當我們呢班人(最少係23.1萬個呀)透咗明一樣！整咗或整緊啲房屋政策，唔與人方便不特止，當然更無想過點招呼我哋呢班人(重新講多次係23.1萬個呀)，起啲切合我哋需要嘅樓去換、去買及去投資！
唔通人哋惡啲，你就睇人台戲？
我哋唔出聲，就可將我哋玩殘？
咋日財政司又出口術，話要再出招打遏樓市,自從兩年幾前開始，政府不時出招，在3 D睇過之後，今次招數可能咁玩：
。徵收按揭利息稅 1%
。將額外印花稅延長至 5 年
如果以上措施推出，相信地代唔食榖種、唔去遊行都唔得！！
徵收按揭利息稅 1%
如果沒有理解錯誤...假如你現在買樓，供款利率由 2.15%，之後就收 3.15%，而多出的 1% 用作交稅。
老老實實...很多早兩年買樓，正享受 H+0.65% 超低息的業主，若然賣樓、再買、再做按揭要 2.15%，這個差距已經令他們很肉痛，很多業主朋友都不願賣樓，若果加到 3.15%，他們肯定更不捨得賣樓，供應又再進一步短缺。
將額外印花稅延長至 5 年
上次推出加辣 SSD ，樓價都老神在在無乜跌，現在竟然還會有人提出，將 SSD 延長至 5 年！！賣樓、再買...要鎖住 5 年，你賣唔賣？？？現在市場已經全城缺盤，一個中型屋苑隨時只有一兩條鎖匙，再鎖多幾年...咪即係連一兩條鎖匙都收起埋？到時點可能唔升呢？
最恐佈的是...挾升的又是上車盤！
收緊按揭，徵收按揭稅...即是借錢供樓難度大增，原本你有能力買一個中價大單位，現在買不起了，只能買一個細單位。SSD 再延長幾年...原本諗住買大單位投資的，都會分散風險，買兩個細單位。細價樓、上車盤又再急升。政府不是說要幫中產置業嗎？如何做到？甚麼時候才明白，現在樓價急升的問題是來自供應少、缺盤？單單壓抑需求又有甚麼用？
都唔知政府做乜嘢，唯有到時7.1 見！！！
