有道失敗乃成功之母，咁請問在 1997 年初，提出海量建屋計劃算唔算失敗？

另一方面，在 2003 年初，將所有房屋及做地計劃急凍又算唔算失敗？

現在樓市狂飆，CY被迫發癲啦，就來要做錯事，係度玩土地供應順週期都敢死！

從上述兩個關鍵時刻政府應做或唔應做嘅例子得出教訓，97 年唔應該做嘅係增加土地供應，反而應該做嘅係收縮按揭，由其是對那些實力不足嘅上車客，或連三成首期都無又炒幾間嘅人，更應是重點針對及打擊的對象！

而 03 年應該係做嘅係開始計劃開闢土地，以便數年後增加各式各樣樓宇供應，而對有固定收入嘅人仕，就鼓勵他們低吸上車安居咁先係正路！

但現在 CY 完全無吸收到 97 年教訓，仲四周圍發掘土地起樓，咁幾年後當呢個樓市循環完左，請問你點收科？更加衰嘅係仲唔叫停九成按揭保險，咁同推人落火坑或接高價火棒有乜分別？我哋放眼望去，睇吓過幾年有幾多人，會因你 CY 今日這錯誤房屋政策付出代價。

我唔客氣都要講，你無從人哋或你自己嘅失敗經歷中吸取教訓，真係對唔住你呀媽，因為呢一句失敗乃成功之母---真係好應好應！

保險嘅原意，是一種分攤風險嘅工具，例如一間保險公司受左一百條船嘅保險，無理由一百隻船齊齊沉曬咁黑仔掛，如果真係有日黑成咁，呢間保險公司都抵執啦！

但按揭保險就唔係咁講啦，市道好樓價升，每個個案淨執緊係開心到震，但到樓市大跌嗰陣會點？

美國两房係點死俾倒完整答案，通常要動用到按揭保險嘅情況都唔會係細單嘢，樓市大跌亦唔會一年半載就會完，仲有唔會係單一事件咁致惨！

大圍樓市大跌五成，沙田第一城要跌六成，咁太古城會唔會無事仲有得升？

樓市失速狂跌，阿水來買樓？無買家就形成惡性循環，加埋SSD 焗人輸多啲，經濟仲唔死直、薪金仲唔大跌、失業率仲唔升到爸爸声？

先先就十單八單要麻煩按保公司，玩玩吓日日成幢快勞等着開工處理，賠都賠到你失魂！

睇吓兩房瀨屎瀨尿要美國政府拯救，就知按保係幾咁兒戲，幾咁揾笨！

唔好忘記美國樓市只係跌幾成咋，都可以咁大鑊，換作美樓好似香港咁跌七成，真係無眼睇！

唔好唔記得港樓七成止跌仲係阿爺幫忙先係呢個價，否則-----

現在要買按保嘅買家，只要放低一成就可成為業主，風險大到無倫，而香港樓市跌一成真係閒過立秋，隨時一個月同你超額完成！

現在按保公司仲喺度輸送彈藥，俾啲唔夠實力嘅買家去燈蛾摸火；去做炮灰真係衰到無朋友，加埋直接同間接吹大樓市泡沫，兩罪齊犯罪名成立，係咪要推呢班友出午門斬首，為民除害？

市場既然無樓可炒，就快快轉場炒股票囉，大把水位，一年內恆指破３００００點！

各位聰明仔：快人一步，理想達到！

多謝晒ＣＹ涼，我手頭既爛廠實比班炒家搶貨！坐定定等過萬蚊呎先放！！

工廠大廈變金旦大廈！

多謝CY,

CY份人係順我者生,逆我者亡,做事不擇手段(睇佢點對付唐豬),政府吹晒風要推低樓價.你地日日玩破頂成交,佢唔郁你顏面何存.由QE3出台至今,有成個月俾你揀客玩追價,走唔切唔好怪人喇!(連博士都轉晒口風啦)

我就剛剛以超高價沽出大部份物業(剩番自住個間),而家坐定定係度,乜都唔使做,等個市跌執平貨.....呢舖真係多謝CY,嘻嘻!