在當前這類形勢下，投資者應有最壞打算，要預期自己的經常性收入會減少，要預自己可能急需要用現金，要預利息可能掉頭上升，要預租金會下跌，租客可能會遷出。不對最壞的情況預作打算，一旦身處逆境，就會變得非常被動。賺少一點，沒有所謂，最重要是不要令自己失去翻身能力。

在投資市場上，損失容易，追回損失困難。資產值跌去10%，只要多賺11%就可回本；但若果跌去50%，就得賺100%才能回本；若是跌掉90%，則要賺900%才能回本；幾近無法翻身。因此，投資者一定要避免陷入這樣的境地。

於 09 年 6 月 4 日，施永青係咁寫「「現時股市與樓市的反彈，並非反映於經濟已開始復甦，而只不過是原有財富的儲存模式出現較大規模的轉移吧了(由現金轉回去投資市場)。實體經濟的產能過剩問題，並未因而得到解決。」」

就「原有財富的儲存模式出現較大規模的轉移呢一點」，政府應該開一個腦震盪會議參審現行打擊樓市政策，是否與現實脫節！

CY及您嘅團隊應該知道，現在香港有一半私樓，喺係一班 40幾到 50幾嘅 60後中產人仕手上。

呢班人大多生於196X年，這是香港人口出生高峰期，加上 197X年開始，香港教育有長足發展，他們無論學歷、社會地位、影響力、揾錢能力、聚積嘅財富速度及實質資產等，都非同小可！

如果以正常嘅人生歷程來計，呢班 60 後唔使蓋棺已可論定：-

粗略計算約一半人可以入住公屋，咁拒哋起碼三餐唔使愁，醒少少者仲可以買翻間私樓或居屋，執倒少少資產增值嘅甜頭。

再醒啲嘅、或有計劃啲嘅 60 後，三十歲前後實現叁仔或四仔者(屋仔、老婆／公仔、細路仔加車仔) 如江河之鰂，今時埋單計數，就算拒哋仔女未畢業、層樓未真正供完(換過幾間或買多一兩間投資) ，都應達曬標，到達目的地，只差十年八年而矣！

CY 及政府高層唔好再屈埋喺金鐘政總閉門造車，現在起碼有數以拾萬計嘅 60 後家庭，拒哋喺有足夠首期、供款能力及實際需要：-

1) 更換大啲嘅樓宇。

2) 買多間近自己屋企嘅 2 手樓俾啲細路。

3) 買多间屋收租以作退休之用(我哋真係俾啲股票及基金玩到殘啦)！

但睇CY 您嘅思路好似當我們呢班人透左明一樣！整左或整緊啲房屋政策唔與人方便不特止，當然更無想過點招呼我哋呢班人，起啲切合我哋需要嘅樓去換、去買及去投資啦！

唔通 80 後惡啲？

廢柴梁粉惹的禍。　

【記者林于鈴報導】長遠房屋策略督導委員會成員、自稱「梁粉」的蔡涯棉連日倡議取消或削減啟德體育城用地，改為興建公屋及居屋，引起體育界強烈反彈。他昨日就自己的言論道歉，並把責任「獨攬」上身，強調構思純屬個人想法，否認為政府「放風」。不過，最離奇地是政府面對外界熱議此事，竟然沒有澄清蔡涯棉所述是否屬實，任由言論發酵。

　　蔡涯棉強調，本身絕對支持興建體育城，不過，由於本港房屋問題嚴峻，欠缺建屋土地，又必須儘快解決年輕人「上樓」難題，而啟德作為「熟地」，可短期內建到住宅，再加上同時間，有建議將體育城投至大嶼山欣澳，才萌生此想法，始料不及引起體育界強烈反彈，承認構思是「一廂情願」。他表示，若因此令市民不滿政府，上街抗議，造成社會分化，「這是我的錯」。

每日150名單程証調低至15名

公屋排隊取消18-26歲單身申請人(四肢健全者/不是長期病患)

事實香港本士公屋需求並不是如此誇張!!!!!!!

亮劍，你係CY你會點做? 我同意大單位有其需求，但而家最大既問題係冇地，如果有地的話，當然可以又起大單位又起細單位；冇地的話什麼單位也起不了。

現在香港樓價之高，連住喺非洲嘅土人都知道！

咁點解樓價高？小學 2 年班都知因為地價貴呀嗎！

點解地價貴？因為政府唔能夠將啲珍貴土地平賣囉！

點解平價賣地唔得？其一平賣會俾人話官商勾結、其二政府等開飯、其三嗰啲小業主會嘈！

咁地價唔平得，年青人如果無呀爸呀媽照住，咪唔使旨意買樓？拒哋隨時聚合起來攪事，天下大亂可期喎！

面對呢個情況，我呢度提出一個將部份土地(例如每年 5 千個 ) ，以分期支付地價方式 (Hire-purchase)，來取代現在要地產發展商一筆過購入地契年期內使用權方式(Pay in advance)，咁政府可以唔使上身，而用者自付不存任何補貼。

政府如推行此方案，有下列好處 –

香港嘅大型地產發展商都識得强化收租物業組合，以防每年盈利因售樓收益起落而大幅波動，咁政府用穩定收入來源已經攪掂好多議員把口！

年輕人點解未畢業就走去申請公屋？主因係拒哋恐怕成世都上唔倒車，臨老都過唔倒世，咁現在有條路，俾你十萬八萬就上倒車，係咪打定個底先！

而現在持有物業嘅小業主，呢個 (Hire-purchase) 方式對你哋嘅影響已經係最少，除非你持有大量中小型單位出租嘅包租公！

銀行同發展商因為免除左地價大幅波動風險，可以做到薄利多銷，而因為呢啲屋只係用來住，無投資價值，咁就唔驚同胞將這些住宅炒到反轉！

最重要嘅係，現在樓價已經喺高水平，無論你係發展商或小買家，如要入市嘅話，都面對好大風險！發展商唔係第一日出來做生意，風險大---咁就大大聲、細細注，唔好玩咁大囉！

咁本來可以做一萬個單位嘅胃納，都變成七千或六千啦！

升市本應增加供應，但地產商因為避險而減少供應，你話係咪攪笑呢？

但實行分期支付地價方式賣出土地，樓價升降風險由政府負責，咁發展商就可以有數圍！

打後樓市唔係升就係跌，睇吓對買左呢啲樓嘅業主有乜影響？

樓市兩年之後大跌，咁小業主就可以俾少啲分期付款(補地價金額) ！

樓市繼續上，咁因為補地價金額係同應課差餉租值掛左勾，理應同市民負擔能力有重大互動關連，就算租金要升，都升得無咁離譜！

CY 面對 CCL 個個星期係咁創新高，就快亂了方寸，我提出將部份土地(例如每年 5 千個 ) ，以分期支付地價方式 (Hire-purchase)，來取代現在要地產發展商一筆過購入地契年期內使用權方式(Pay in advance) ，有幾點補充！

如果大家求其捉一個香港人來問問，現在樓價貴唔貴？

答案好明顯，大比數勝出嘅係貴啦！

再問啲年青人想唔想上車？

答案好明顯，大比數勝出嘅喺想啦！

但再問一問嗰啲業主，如果政府以行政手段攪冧嗰樓市，好等年青人易啲上車，你又讚唔讚成呢？

答案好明顯，大比數勝出嘅唔讚成啦！

咁問題來啦，月入萬多元樓下有公屋呢個安全網，叁萬幾銀樓上嗰啲人自己有對策上車，但中間呢班人點算？

政府現在用嘅藥係居屋同置安心，之前仲有夾屋、首置及租者置其屋，但以上各式各樣嘅資助房屋計劃，都同樓價有某程度上掛勾！

即係樓價升，政府就加大現金及土地資助力度、放寬多啲受助人仕限制、加大折扣成數就嗰個市場價！

通常樓價升得急，就算無迫切需要嘅人，都會一窩蜂地走去買樓，但政府嘅各種資助置業計劃，又間接上同樓價相互追趕，咁樓市唔升就真係有鬼！

世界唔少樓市泡沫爆破嘅原因，是因為信貸政策過度寬鬆，這會使到那些之前唔夠首期及缺乏供款能力嘅人，都可以入倒市！

那些要政府幫手先可入市者，就係最後買家，咁連拒哋都出埋場，高位接曬火棒，購買力仲唔耗盡晒？

最惨呢班人因為實力不足，如果個市一回，拒哋唔少人會成為首批倒下來嘅犧牲者，攪得兩攪他們嘅物業會變成銀主盤，然後拖埋其他人落水，主政者愛你變成害你，世界就喺咁無可奈何！

任何一個負責任及有少少良心嘅政府，都要防止樓市狂飆暴跌，最好當然係人人有屋住，個個樂安居，地價以分期支付方式收取，就係防止實力不足嘅人摸頂入市累街坊！

考慮到要照顧香港各階層利益大前題之下，以分期支付地價方式賣出部份土地，係現在最佳藥方。

地係邊度來？

九龍城、新界一部份土地地積比加到六倍。

市區工業區改變用途。

港島堅尼地城到貝沙灣一帶填海。

小型水塘及其集水區一帶開發做住宅區(例子有陽明山莊)---

但係要攪掂班打著環保旗幟嘅政棍先做倒嘢！

亮劍先生, 多謝你的建議.

現市況實在難用傳統思維解決, 自覺傳統的 賣地+賣樓+按揭 這種模式不足以完全應付目前香港的私人樓市.

希望政府有人睇到閣下的建議再加以討論/考量. (依家仲興 諮詢 + 反對 + 反反對 + ...)

亮劍先生, 多謝你的建議.

現市況實在難用傳統思維解決, 自覺傳統的 賣地+賣樓+按揭 這種模式不足以完全應付目前香港的私人樓市.

希望政府有人睇到閣下的建議再加以討論/考量. (依家仲興 諮詢 + 反對 + 反反對 + ...)

你问问破坏派啦，这150个名额大部分是比香港的失败者返大陆找的农村老婆来香港团聚的。这是人道立场。

你要控制，就从源头开始，第一先禁止香港的综援汉返大陆结婚。