任何一個投資工具(樓宇係其中之一)，如要大跌，一定係有一個消耗性上升嘅階段作引子！
當市場陷於恐慌，好多人唔理性、無評估自身承受能力、不顧有無需要咁搶購，例如現在睇報紙，見倒有啲大哥唔睇樓，淨睇相就不問價咁買樓，仲做足九成按揭同叁拾幾年供款，喺拒哋眼中，好似當風險無到，當 CY 左右護法講嘅嘢係流一樣，真係俾呢班人玩死！
如果再多啲咁嘅個案，大市就應該離頂不遠，因為當最後買家已經出現埋，市場就再無下一位傻瓜出來接火棒，解脫式下跌肯定出現！
但好可惜現在還未係時候，CY 現在真係橫又死、掂又死！
唔落藥，無殼蝸牛就爆硬你廠！
落藥？一過龍嘅話，例如狂推私樓地，咁 2014 年打後就倒轉頭供過於求，如果當時加埋外圍加息，歐或美債分別或同時爆大鑊，中國政局或經濟動盪，咁現在實施嘅打房政策，隨時係一把直插入心臟嘅利劍！
樓價到今日嘅田地，嗰啲揾弍叁萬銀嘅家庭，唔該等多陣， CY 到此樓價水平，唔做嘢真係唔得！
人哋之前賺落，以樓換樓或一變二，數字遊戲咋，當玩大富翁，輸左最多係南柯一夢，但你做九成按、三十幾年供款及壓力測試到曬頂，咁個市回少少你都會變成負資產，一個唔好彩供唔掂層樓，係痛苦過你做無殼蝸牛十倍唔止！
唔少人睇見樓價咁高，完全脫離市場嘅購買力，點解仲未跌嘅！
其實拒哋忘記左一樣嘢，叫財迷心竅，當一個人用二百萬買左一層樓返來，現在變成一千萬，咁在扣除左拒嘅負債之後，拒就以為、錯覺、當係有成千個喺手，拒就會去做理應係有錢人先做嘅行為！
唔好睇少呢啲人嘅所作所為，隨着資產不斷上升，拒哋嘅胆會越大，投資會更大更勇更多，市場會因為咁反覆上升，直致拒哋呢班人乾晒塘為止，至死方休！
所以只係靠打份工儲蓄嘅小朋友，千萬唔好於現在同人混水摸魚，因為人哋啲錢係執返來，而你係要好辛苦咁儲返來嘅！
輸錢皆因贏錢起，現在香港嘅業主都享受財富效應嘅好處，手上樓宇係咁升，有人就借機向銀行加按，然後再入場去加注!
細看之前幾個泡沫爆破之前，都有上述現像，CY現在要做的事情，是阻止啲人預期樓巿升硬，令那些人唔好咁易喺巿場度取得信貸加注，最後那些按揭保險申請應要收緊，免得嗰啲人盲目喺這風起雲湧之時俾人割!
現在最有籌碼，將香港樓市推向泡沫邊緣嘅人，就係那些於五年前已買左樓嘅業主！如果 CY 阻止唔倒拒哋非理性入市，咁打後數年必有樓災！
而呢幾年香港嘅通貨膨脹必令低下階層，及上唔倒車嘅人發窮惡，政局將會非常動盪，任何一個熱愛香港嘅人都唔希望呢啲事發生！
