奧柏‧御峯幾乎一 Q 清袋，加上長實投倒嘅嘉咸街(呢條街係露天街市)發展項目，証明只要係市區新樓，話之你係邊處、樓下幾污糟邋遢或啲樓幾迷你，地產發展商都可以將嗰啲買賣價 Mark 上過萬俾你睇！

但北角地王招標條款，無視港島市區過千呎海景新樓嚴重短缺呢個現實，仲加上呢個無厘頭嘅「限量最少七百個」，真係唔炳拒都唔得！

本來呢塊地有咁大幅，政府好應該俾嗰班發展商自由發揮，你估拒哋唔劃 5 種不同大細嘅則出來？

政府咁樣攪法可以叫做「阿戊整餅」，明益發展商！

北角地王俾政府咁攪一攪，肯定俾嗰啲有本事買地嘅大發展商借題發揮，壓價少過弍拾億當我輸！

立此存照，幾年之後呢個盤開售，一定有啲單位係幾百呎以下嘅蚊型單位，而睇倒全海景嘅單位最少千伍呎起錶，以合乎政府呢個「限量最少七百個」嘅要求，而樓價當然係貴到飛起，一般換樓客都要望而卻步啦！

如果我估計無錯，政府會收少弍拾億，以交換發展商起弍佰個「市區超豪割房」出來，主事官員真係要寫個「服」字俾你先得！！

有道理!政府在近來的土地供應上,多採取招標的形式出售,透明度極低,而發展商出價都甚為保守,但在拍賣場上,發展商出價就較勇。因此,政府在近期的賣地上都以招標形式出售珍貴的土地,實屬不智。

另外,曾特首正 "不該",你看他們文職公務員5天上班,而搵命博的消防員就每周54小時,以5日上班計算,每日約10.8小時,你說他是否真的 "不該"

九龍灣牛頭角下邨呢個重建項目地盆，睇黎都係俾房委會用來起公屋居多，住係左右嘅德福及淘大兩房住户，你哋想係屋企附近換三房新樓？請等一等先！

只可用 "昂胶" 嚟形容700个限量地，林郑唔識就企埋一边，北角村塊地攞去限呎、限量，到时向海就会係超大、超豪嘅单位，呎价2.X - 3 万起；

但係，向南楼景就会係D 300 - 400 、不大过500呎嘅 mini 豪宅；形品係明苑西街條陰森大斜路、山腳頂位置、后街景都賣 $12000 - $13000 / 呎﹔北角村又近地铁、巴士站、生活起居、飲食、交通方便，到时一定会有大量需求，个頭300呎 D 唐楼 apartment 仔租金都要过万元 。和富道莊士维港轩10年楼、 460 呎、7成实用，低层都要$406万成交，租金都要12000 - 13000 ，重要经常冇盤。

到時D发展商一定可以賣個滿堂红，价量齐飛，但係今日加入限量條款，发展商一定" 扌禁" 您地价，到時佢地都一样可以賺到笑，為何点解唔取消限量絛款、增加庫房收入??  ....  点解唔可以俾市场自由決定??  林郑真低B

幅地咁靚，緊係用嚟起公屋喇！

又或者一半起公屋，一半起私樓豪宅。賣豪宅地賺既錢用嚟補貼起公屋，咁就公平啦！