呢兩日同陳教授講烏克蘭，大家評評我亮劍的政治立場係親中定親歐美！
陳博士⋯⋯樹欲靜而風不止，呢一幕係日本仔撩交打在先，但中國亦唔使怕，因為佢行緊大運，烏克蘭呢一鑊嘢幫中國唔少，俄羅斯要是同歐美反枱，咁應該有人好唔得閒，到時就是係繼911、伊拉克同阿富汗之後，圍堵中國又再一次臨尾香！
呢次歐盟喺烏克蘭呢度，真是食人一隻車，輸了整盤棋呀，希望中國領導吸取教訓，唔好學歐洲佬「咁望能夠」呀，記得小不忍則亂大謀呀！
現在俄羅斯擺明俾人落面，強悍嘅普京應該幾難下得呢啖氣。
小弟愚見佢最少都給點顏色你歐盟看，「烏克蘭一分為二，或陷入內戰嘅機會」，絕對唔細。
要是有呢一日，你歐美等國跟還是唔跟普京齊齊發癲？
跟⋯⋯鷸蚌相爭，那中國魚人得利，呢幾日習總應該會心情開朗，開心到震！
唔跟⋯⋯烏克蘭再次被俄羅斯控制，那麼迫走前總統亞老嗰班友，今次大檸樂了，而你歐美呢劑唔單止冇曬面，從今以後仲有冇人聽佢支笛？
美國奧巴馬盤棋行到呢度，真是進退兩難，而時間現在係中國嘅朋友，我們自己中國人應利用佢，等待日本呢隻癲狗自己發癲做錯嘢。再等美俄互相烧銀紙喺烏克蘭呢度，中國就可爭取多十年八年時間韜光養晦。
到時此消彼長，美日同謀對中國大國崛起的阻撓，就變得軟弱無力！
歐美日呢鑊係多行不義必自斃，中國唔使急於一時三刻。
陳教授-----你話『乌克兰乱局可能给中国一点时间，但相信美俄之间会很快妥协』？？
但我睇成件事嘅重點係【黑海艦隊基地控制權嘅問題】！！
在2005年-2006年俄羅斯和烏克蘭天然氣爭議中烏克蘭曾經考慮提高黑海艦隊租金。
俄羅斯總統梅德韋傑夫和烏克蘭總統亞努科維奇於2010年4月21日在烏東部城市哈爾科夫舉行會談，雙方在天然氣價格和黑海艦隊駐紮等一系列問題上達成重要協議。根據兩國總統在會談後簽署的協議，俄羅斯同意在原合同價格基礎上降價約30%向烏克蘭出售天然氣，而烏克蘭同意把俄羅斯黑海艦隊在烏境內駐紮的期限延長25年，並且在該期限屆滿後雙方有權選擇是否再延長5年。
普京的強悍作風，源於俄羅斯對烏克蘭地緣戰略的倚重，因為一旦烏克蘭由親西方政黨當家，勢將成為俄羅斯心腹大患。加之俄羅斯本有黑海艦隊長駐烏克蘭，倘烏克蘭新政府刻意留難不許駐紮，以後中東或地中海發生事端，黑海艦隊無法南下，從歐洲調動北方艦隊已是太遲。
加上烏克蘭位處俄羅斯噬喉之地，要是烏克蘭新政府加入北約，就會受歐美各國直接軍事保護，這對俄羅斯來說，是夢魘、是雙重打擊！
因此，普京對烏克蘭示以武力壓迫，從維護俄羅斯利益來說，幾乎是唯一選擇。
美國和歐盟在這場博弈，憑與烏克蘭親歐派的關係佔了先手，德國總理默克爾更會晤烏克蘭反對派領袖，公開以示支持，這就自揭美歐底牌。
因此，其後亞努科維奇下野，反對派上台，莫斯科因為看到美歐的烏克蘭戰略，遂發出演習軍令甚至傳出入侵烏克蘭，美歐的計謀即成泡影——美歐此刻不可能為烏克蘭與俄羅斯開戰，若然只是調動部隊「演習」，結下的樑子將會是長期對峙！
烏克蘭克里米亞局勢持續緊張，俄羅斯承認黑海艦隊裝甲部隊已進入當地，以保護艦隊駐紮地。需然美國總統奧巴馬警告，俄羅斯軍事介入烏克蘭局勢要付出代價，但普京睬佢都傻。
呢幾日在克里米亞首府辛菲羅波爾機場，仍被大批身穿軍服、沒有表明身份的武裝人員佔據。
通往機場的道路泊了多輛軍車，軍車上清楚看到俄羅斯國旗圖案、以及軍隊的徽章，美聯社報道指是俄羅斯黑海艦隊標記。
克里米亞另一城市塞瓦斯托波爾，軍用機場周五亦被佔據。有烏克蘭官員指責，多架俄羅斯運輸機及直升機相繼飛入克里米亞，形容是非法入侵。
烏克蘭代總統圖爾奇諾夫，敦促俄羅斯總統普京立即停止在克里米亞的挑釁，撤走在當地的俄軍。
俄羅斯外交部就發表聲明，表示位於塞瓦斯托波爾附近，黑海艦隊的裝甲部隊已經進入克里米亞，目的是保護艦隊的駐紮地。俄羅斯說已通知烏克蘭政府，又認為舉動符合兩國就黑海艦隊問題所簽訂的基礎協議。
美國總統奧巴馬警告俄羅斯，軍事介入烏克蘭就要付出代價，但奧巴馬見記者時沒表明「代價」確實會是甚麼。
有華府高層官員透露，確定俄羅斯軍事介入烏克蘭局勢的話，奧巴馬及多名歐洲領袖，會考慮抵制六月在俄羅斯索契舉行的八國集團峰會，美國亦會暫停與俄羅斯關於加深雙邊經貿關係的磋商。
一句講曬，普京呢次就係玩【霸王硬上弓】！
0.31 % 
1.18 % 