|
1. 亮劍 2013-10-24 10:23:44 |
|
好多時事情發展，都會有情理之中、意料之外！
例如SSD本是阻撓萬惡嘅炒家入市，點知因為美國係咁QE，按息持續低企，你攪到嗰啲炒家焗長揸，原來迫人執深啲，仲益咗佢哋！
又例如BSD原本係阻撓大把銭嘅大陸客入市搶貴曬啲貨，但最近筲箕灣「遇刀」收樓，俾大家見到發展商點食盡溢價唔益人嘅一面，兩年幾前嘅CCL當100啦，比對現在係120，即升咗兩成啦！但手持「遇刀」嘅小業主，呢次打和要偷笑、要還神呀！喺大陸客來講，你CY呢個 BSB，來得正合時，否則他們就會接曬嗰啲什麼「地庫海灣」「癲曬」「屙屎癲」⋯⋯嘅火棒！現在呢啲盤「定價」變得合理，SD又有得打折，隨時送埋乜乜物物，BSD之前那些大陸客係水魚，現在係上賓，係兩碼子的事情！於國家層面來看，你呢個CY「好事多為」，保障國人免於被港商欺負，功在國家。
最後 DSD 本來想阻撓投資客入多間，但係人都知，美國收硬水，現在只是睇係後年、大後年或大大後年發生啫！又唔係無瓦遮頭，買樓收租只是求利，犯𣎴着去火中取栗，儲定人仔等待2017年出現跌市嗰陣才入囉！
呢個政府「愛民如子」，由其是對有＄人咁照顧、咁關照，等我俾個「讚」佢哋先！ |
|
2. 朗睛 2013-10-24 11:13:13 |
|
應升不準升，咁之後係咪應跌不能跌？ 做開收舊楼重建嘅發展商，現在企晒喺度，DSD要你先科水等重建先執得翻，以前收到七七八八就可賣俾下家去發展，但家陣要俾15%，即係要你焗做，那些资金不多唯有少做！ 被扭曲的市場變得買賣兩閒，小業主叫價那肯大幅回落？那些高價收左一半嗰啲，呢鑊真係半天吊，去又死唔去又死！ 总之新加坡同上海會好感謝思歪，因為你令到香港嘅时間停頓咗，好讓他們從後趕上！ |
|
3. Dora 2013-10-24 11:17:34 |
|
係人都知美國收硬水, 但唔係每個人都知道收水可能發生在20或30年後, 日本就是一個好例子,如果儲定人仔等待2033或2043才入市買樓, 到時D樓可能要30萬1尺,或者儲定D錢只夠買一卷衛生紙, 想下想下,如果當我30年後退休,我的手只持有一卷廁紙, it is really scary ^.^
|
|
4. 強搶民產 2013-10-24 12:22:01 |
|
當日陳+強宣佈呢條惡招時一臉得意, 仲笑笑口說政府大把子彈係袋云云, 當時已經對佢非常反感. 呢個係一個惡策, 他沒有可能不知道, 是為難的決定, 還笑得出? 樓價老虎雖惡, 但唔係食枇霜去杜架 ! 有做樓按的律師朋友生意慘淡過沙士, 都唔知捱得幾耐... 適度有為, 發展新產業, 幾好聽呀... 但直到呢一刻, 產業就誅殺左好多啦, 不少人為左佢既"有為"而犠牲了, 仲要全港百幾萬小業主割讓身家幾成才罷手??!! 為了滿足他的長官意志和民粹, 陷香港前途和經濟於不顧 !!!! 高地價其實便是重稅, 向"有能者"徵收然後用於建設, 教育, 醫療和基層福利, 政府及基層其實是最大得益者 ! 政府非但不給業主們一個正面說法, 更反過來打擊, 斬殺和妖魔化他們, 這公道嗎 ???!!! 政府收左錢而後又去弄死你, 呢D正正便是電影內強盜的行為! 我們呢個"正義"政府竟然光天化日之下強搶民產 ! 還有天理 ?? 真金白銀在香港置業的小業主, 才是真真正正的香港發展基礎 ! 政府為了一批永不置業者, 眼紅民粹者, 外國機會主義者而日夜威嚇我們呢班克勤克儉的小業主, 這班廢柴官員是真心建設香港還是破壞香港 ? |
|
5. 回應4樓 強搶民意 2013-10-24 13:19:16 |
|
這等如有間名私校，課程出咗名深，但有個怪獸家長就係要迫個女入來呢間學校嗰度讀！ 校長好人收咗佢個女，但返學不久，呢件怪獸就嘈人學費收得貴不特止（人哋神早上曬網站話收幾多錢學费喎）！ 仲話學校課程太深佢個女跟唔上（但全級個個八九十分，係得她女兒唔合格）！ 又話冇老師放學之後留低幫同學補習（人人都80幾分以上，補乜Q習）！
怪獸家長教出廢青為禍人間！ |
|
6. 立法會議員的酬金 2013-10-24 14:25:12 |
|
香港的高地價施政,大量稅收被三大社群瓜分: 香港高官僚/公務員體系,議員體系,綜援社群體系/半綜援社群公屋體系吃掉了???? 立會議員加薪3.5%月入8.7萬 (綜合報道)(星島日報報道)立法會議員由本月一日起又再加薪，由現時的每月近八萬四千五百元，增百分之三點五至八萬七千四百五十元。他們的醫療津貼，以及支付辦事處營運開支的工作開支償還款額，都會增百分之三點五分，分別至每年逾三萬和不超過二百二十四萬多。 立法會議員的酬金、醫療津貼和工作開支償還款額上限，在每年十月都會按丙類消費物價指數的變動而調整。立法會昨日宣布，今年的調整幅度為升百分之三點五。 經調整後，由本月一日起，立法會議員的酬金，由每月八萬四千四百九十元，升至八萬七千四百五十元；醫療津貼的金額會由每年二萬九千四百二十元，升至三萬零四百五十元；工作開支償還款額的每年上限，由二百一十六萬六千三百一十元，升至二百二十四萬二千一百三十元。 上述可獲發還的工作開支償還款額，包括用於聘用職員、使用顧問服務、宣傳用品、酬酢及交通、舉辦活動及辦公地方等開支。 香港高官僚體系,有一部份是屬於有權力者,所有福利都設定為高於皇族,高於美國總統的薪酬體系制度...... 有一部份是屬於有權力者,叫做: 高官僚高薪酬高福利高退休金體系制度,..... 香港官僚是何方神聖???有趣味性歷史資料供參閱:2007年參閱資料......
政治任命官員年薪比較:(轉換為港幣計算約數:美國,英國.)
香港 問責局長 ＄3,577,380元.
香港 副局長 ＄2,683,020元.
香港 副局長 ＄2,325,300元.
香港 政治助理 ＄1,967,556元.
香港 政治助理 ＄1,252,080元.
英國 內閣部長 ＄2,108,606元.
英國 政務次官 ＄1,399,922元.
美國 內閣部長 ＄1,492,141元.
美國 副部長級 ＄1,343,161元.
美國 副部長級 ＄1,236,301元.
美國助理部長級 ＄1,162,201元.
(參閱網上資料轉換為港幣計算約數:)
百年前西歐偉大思想家: 偉伯論述:
殖民主義者在撤離殖民地之前刻意把殖民地所在地政府瘋狂加薪提昇為: 高薪酬高福利高退休金制度,與早期殖民地所在地政府平穩薪酬制度背道而馳.目的制造社會動亂紛爭...........特首薪酬高於國家主席,高於美國總統,....... |
|
7. TO 6/F 2013-10-24 15:33:31 |
|
其實爭取福利搞民粹主義是很重要的: 估計到2041年，每3人便有1人在65歲或以上，屆時男性和女性的平均壽命分別為84.4歲和90.8歲。
|
|
8. 天方夜譚 2013-10-24 17:03:35 |
|
叫借慣錢, 使大慣嘅美國佬退市, 減赤, 加息嚟揾自己老襯, 等如叫香港嗰班日日行行企企, 食飯幾味, 住海景公屋嘅綜援世家, 放棄著數自力更生咁天方夜譚, 好似大婆等, 等到夜深, 等到眼瞓, 等到人發忟, 等多三十年, 等到人發癲. |
|
9. 就講就到 2013-10-24 18:23:23 |
|
「政府消息人士表示，公務員事務局正研究是否有需要延長公務員的退休年齡，明年初會完成。」 其實同清醒社會不容層壓式銷售一樣 (即，當全社會大部份都搞層壓食利時，誰還會去做生產?)，當全社會都要做是 a，where a=公務員/ 大白象機構時，或 a 成了養尊處優階級時，又由誰來買單? a 又那來的那麼多事干東西做，做到退休都做唔完? 冇 deadline 逼自己做野嘅咩? 阿蘇嗚咽落淚有其苦衷: 如果當初快快手上屆搞掂佢咪冇野囉，hea做等放工現在真係修成正果覺今是而作非嘞。
|
|
10. 高地價施政 2013-10-24 18:28:18 |
|
一次濟貧，一次延休，就是製造假象瓜分公共財產，好一齣裏應外合，真與官商勾結有2曲同工之妙。 |
|
