|
1. 边个行会議員先跳船 ？ 2013-10-23 09:48:53 |
|
好不主席：各奔前程 電視開着故然可以欣賞節目，開播不了的電視原來也有用途。倘大的LED屏幕恰好就是一面鏡子，黑漆反光當中卻隱見鬼影幢幢，原來都是滿口鬼話的行會成員。前幾天，且還信誓旦旦要遵從最高「保密原則」，現眼見民情洶湧，忙不迭表現集體……既不是負責、且非保密，而是變臉。 行會成員 全部變臉 首先羅范認為既然已有「權威消息人士（據她估計該是官員喎）」向傳媒發放消息，何不作正式公告，因此促請政府披露更多資料。若然不知港政情，怕會以為這位是甚麼評論員或政界中人，猶似置身事外的說三道四，然事實上，諸位縱非始作俑者，怕也開脫不了助紂為虐的責任。今日竟能若無其事反向政府施壓，如此行徑怎叫人看得過眼。然後她還特地向媒體表示，政府可在徵詢法律意見（另一萬能答案）後，再就發牌進一步解釋清楚。她且認為，政府當初若能詳細說明理據，之後毋須「唧牙膏」地再三發表聲明，咁就「唔係咁好」囉。
打從行會成員，以至問責官員接二連三出事，各人交代時仍多企圖掩飾過失、而不盡不實「唧牙膏」式的隱瞞手法，更為港人所痛絕。羅范「服務」市民多年，又豈會不悉民情，現才赫然發覺「唔係咁好」，於事何益？最後她仍堅稱整個發牌處理過程依足規矩，而行會亦有盡責審批，即係話公眾針對的程序公義，根本就不成問題。
至於另外同樣無助於事的說法，出自李慧琼，她認為，無論行會、政府都需要慎重考慮事件發展，虛心聆聽市民訴求（都係官式虛辭）……不過亦希望政府重新審視並披露更多資料，好讓市民明白審批背後的理據及行會決定的理由云云。猶幸有網民翻其舊賬，指有泛民立會議員早在去年11月，已提出《本地免費電視節目服務牌照申請》的議案，且要求「政府應把免費電視牌照申請的審批過程公開透明化，以消除公眾疑慮」，措辭清楚明白。當時議案更同獲建制派支持，其中兩位且身兼行會成員，其一就是李慧琼。既然當日已經認同發牌申請要透明公開，昨日何必又以「保密」作擋、而今天又一次展示黨風，打倒昨日，不過都是口惠不實，未見有所行動，或有，不過基於保密原則，豈能透露。
少不了的雙料議員，還有葉劉，公告過後，葉劉即斷言「行會保密」，很難詳細交代原因，當然她亦忘了自己去年表決上述議案都是投了贊成票，然後還說：「將來會發牌。」將來？其時只差張家輝的旁白：「𠵱家（你）冇，但將來會有……如果我做咗特首嘅話。」再者，她還寄語：「可以向我哋提出反對或上訴」，那位窩囊局長不是再三申明，未獲發牌的公司只能訴諸司法覆核，敢問葉劉，你的「反對或上訴」機制設在哪個「子烏虛有」的地方，端的就是鬼話連篇。
談了這麼多女子，怎能沒有「一男子」。昨行會後，所有成員都從後門遁走，獨留偽首孤身接信，怪不得他向行動發言人拋下那句：「大家辛苦。」在他「唔會自滿」的領導下，行會早已肢離破碎，套用早前偽首告別習總後的話：「大家就各奔前程……」睇怕亦此去不遠。
|
|
2. 林煥光應請辭 - 不要厚顏再為梁振英錯誤決策站台背書 2013-10-23 10:15:13 |
|
周日反傳媒霸權遊行，聲勢同舊年反國教相似，山雨欲來風滿樓，今次封殺王維基，已經辣㷫咗一班唔係咁政治嘅市民。今次梁振英會同行政局推翻通訊局決定，破壞程序公義，已經好核突，仲要逆民意而行，又唔交代，乃近年最得人驚及粗疏嘅決定。
行政會議召集人林煥光回應事件，指決定是由特首作出，行政會議有保密及集體負責要求，難以交代討論過程。但從政治問責角度而言，梁振英作出如此逆民意決定，行會召集人竟然扮評論員，置身事外。仲記得當日林煥光被指兼任行會召集人及平機會主席，存在角色衝突，佢一度好「霸氣」地回應指若公眾認為有衝突，佢會毫不猶豫辭去召集人一職，何其有原則？
開明派原來係花瓶 今次電視牌風波，梁振英獨斷獨行，冇規冇矩，並且要行會成員為他個人決定集體背書，林煥光竟視若無睹，以為事不關己，實在無恥。
單係決策逆民意一項，引致八萬市民上街抗議，令政府陷入政治危機，已足以下台。從現實政治層面來睇，林煥光、胡紅玉等較受公眾信任之開明派，原來根本係花瓶，功能係為梁振英錯誤決策站台背書，兩位撫心自問，所作所為，究竟係為香港定害香港。
我唔相信兩人係戀棧現屆政府行會權位之人，當日林煥光出任召集人後向傳媒說：「加入行會是希望在政府政策上做最後把關，防止惡法出台。」今日選擇性發牌，置官僚理性不顧，事件係在林把關下發生，我哋點會相信佢有把關嘅腰骨。
前公務員、中間派及溫和民主派願意同梁營合作，天真幼稚地以為可以影響梁決策，以免特區施政惡質化，而梁振英亦無意同佢哋分享權力，只係「碌卡」，利用佢哋冇咁左及核突，爭取民意支持決策，提高決策公信力。由梁上場至今，搞出大小政治危機，都因梁粉及梁本人心術不正，而內部對此也無法制衡。如果傳媒報道屬實，張志剛主導行會討論，咁即係說明中間派參與決策嘥氣，所謂把關只係自欺欺人。
今次事件會越鬧越大，因為𠵱家發難係一班普羅市民，唔係社運、民運、政黨及工會人士，民眾憤怒出乎意外，更大鑊係政府冇方法推翻發牌決定，除非司法覆核法庭判政府敗訴，換言之，往後雙方對立根本冇緩和方法。
周日通往中信大廈天橋上，我睇住黑衫軍如潮湧至，俾梁振英咁搞法，佔中點會少人！
添馬男
|
|
3. 蛇鼠一窩 2013-10-23 10:17:05 |
|
不過無論如何，那班行政局議員現在好似過街老鼠，不如我們估吓有冇議員跳船，或者幾多位議員會跳船。 ...........
蛇鼠一窩............各懷鬼胎.............
|
|
4. 亮劍 2013-10-23 10:44:50 |
|
湯博士⋯⋯ 呢次民調話有7成人撐辣椒，其實十分正路，絕對合理！ 肯定唔少人都有這些經驗，在返工嗰陣會接一些直銷及什麼民調嘅電話，那麽嗰啲已經忙到甩轆，而做嘢做到踢曬腳嘅人例如你，會點招呼呢啲Sell 屎or調查員？ 有禮貌嘅，就會話「我好忙、遲啲你再打過黎」！ 唔好老脾嘅，少夠你都似！
喺香港邊啲人會咁唔得閒？ 唔使審緊係那些要日理萬機嘅商人！ 要搵＄供樓嘅業主！ 要管理下屬嘅中層管理！ 要成日飛來飛去開會嘅中高層！ 同埋嗰啲要做到唔停手嘅専業人仕啦！ 而呢班中高收入人仕，做咗業主嘅比率，肯定係驚人嘅雙位數啦，呢班人唔回你答案，結論唔係神早㡳定？ 為針對呢班日間猛做嘅人，調查員都會晚頭黑狂打電話嘅（因為有成功個案先有＄收）！ 但晚間係乜時間先？ 搏殺時間呀！ 合理推斷同我親眼見，上述呢班「中慘人仕」，大多數嘅仔女，都係讀緊啲「名校」，唔少仲要係排你半日、打低十幾二十個對手、還要每月俾幾千嗰啲「所謂超級名校」呀！ 呢啲學校功課須然唔算多，但要花好多時間學「特異功能」，加上課程深、棵蓆及測驗多，最慘係呢堆學校競爭非常激烈，平均80幾分？隨時墊C㡳考尾幾，中產家長為咗呢幾分，同啲細路喺度晚晚大作戰，仲邊有可能得閒回應你什麼無聊問卷調查？ 終於得閒回應係乜水，咪喺調查結果嗰度反映曬囉！
CY你唔好話你唔知呀！ |
|
5. Property Owner 2013-10-23 11:25:57 |
|
支持 立法會議員反對樓市辣招 這個 CY 是死不認錯, 樓市的辣招做錯, 發免費電視牌又做錯。 正如胡應湘講, 如果要打擊炒家, 就抽炒樓利潤税囉, 為甚麽要用辣招惩罰所有買家呢。 我們業主一定要發聲, 在立法會搵一批代言人, 為我們發聲。 |
|
6. 向饭民说不 2013-10-23 11:30:26 |
|
我都話啦，政客玩民粹，只會被民粹玩死。所以西方國家政客，免不了都不會玩民粹。 須知道，民粹是最狠，最無情。今日幫你，明天就會反你。 以CY的政治智慧，學人玩民粹，死得仲慘。 免費牌照一件事上，可以看到CY已經到達了眾叛親離的階段。 |
|
7. 市民烽煙斥政府冇良知 - 梁是北京負資產 必須果斷換血 否則政改之路難矣 2013-10-23 12:11:31 |
|
政府被質疑「黑箱作業」審批免費電視牌照，不少市民今早繼續烽煙(phone-in)電台，斥責政府完全沒有良知，獨斷獨行，玩弄語言偽術，直言香港現時需要的是一個有良知、對民意有感覺的政府，「10幾萬人上街冇可能睇錯，呢個政府已經係無助架喇，需要新領導班子」。
有市民形容昨日商務及經濟發展局局長蘇錦樑見傳媒時，稱被香港電視員工的積極感動而情緒波動，是「唧唔出嘅眼淚」，對其行為感到羞恥。
不過，亦有聽眾支持政府，指決定發牌的同時，須考慮現有電視台瓜分的餅是否足夠，衡量利弊，「呢啲嘢會影響其他人，唔係單單有心就做到」。但不少學者已說明，引入競爭者有機會令個餅越做越大，業界得益。 |
|
8. Andy 2013-10-23 15:08:06 |
|
北上广深的楼价同比升了20%，香港业主真惨！ |
|
9. 冷眼 2013-10-23 15:13:48 |
|
To Andy，香港有CY，港人冇運行！睇來香港人都係北上神州，脫離賤英管治！ |
|
10. 王維基以「半澤直樹」式現身 - 要你梁特百倍奉還 !! 2013-10-23 15:36:23 |
|
昨日港視主席王維基以「半澤直樹」式現身，批評行政長官梁振英言論「火上加油」，聲言會提出司法覆核。其記者會的發言氣勢被網民力讚，更建議他參選特首。不過王維基今日在報章撰文，強調自己並不適合從政，只是和其他香港人一樣，即使無權選特首，也要有權利選擇娛樂。
王維基在《經濟日報》專欄中提及，自己是那種「得罪人多，稱呼人少」的人，敵人絕對比朋友多。故他認為自己並非適合從政的人，因說話太直率、不夠圓滑，也不懂包裝言詞，自然容易得罪別人。
回顧過去七日他由沉默考慮下一步行動，到昨日開記招高調反擊高官言論，他指出：「且不說市民有沒有權力選擇特首，但我選擇哪一種娛樂，要選擇哪一個電視台，也要你管嗎？難道真的如市民所說，以後購買廁紙，也要買政府規定的哪一款嗎？」
他批評事件反映當權者完全漠視市民關心的議題和需要，與社會完全走向相反的極端；市民也許根本不會理會甚麼大道理，或許他們只是喜愛這個電視台的精神，才會走到街上，表達自己的不滿。他希望行會成員和各政府官員本着良心說真心話，面向市民、面向自己的子女，不為五斗米而折腰。 |
|
11. 沈大師預言：樓價將下跌５成！ - 本着良心說真心話 讚! 2013-10-23 15:50:51 |
|
由於退市預期減弱，今日地產股走勢不俗，現階段是否值得吸納﹖訊匯證券行政總裁沈振盈指出，其實中長線已沒有吸納價格，樓市已確認見了頂，未來將會行一個長線的跌浪，但地產股的股價就很受股市的情緒影響，之前跌得很殘，今日相信只屬技術性反彈，地產股不宜長揸。
他預計，樓價將於3至6個月內在高位下調3成，在明年底前或會下調5成，現時不宜上車，至於持貨者很可能要劈價才可走貨，其實早在一年前已呼籲大家要沽售，相信樓價必定會跌回兩年前的位置。
|
|
12. 二手租金跌 恐冧市先兆 2013-10-23 15:53:32 |
|
二手交投呆滯，市況滯後的租務市場漸受牽連，鰂魚涌太古城低層三房戶租金勁劈逾兩成租出，建築呎租僅二十六點二元，創今年同類低位。而新入伙的筲箕灣新盤i‧UniQ譽都，有單位以建築呎租約三十點四元租出，租金回報率僅約二點八厘。業界認為，租金呈跌勢影響租務回報，未來樓價勢再下跌。 |
|
13. 張冠李戴 2013-10-23 15:57:55 |
|
香港經濟受到「3D」辣招打擊重傷，但港府官員堅決表示，不會撤回「3D」辣招，否則本港樓市可能再次飊升。但根據資料顯示，有大量亞洲(包括香港及中國)買家入市買樓的美國及日本，當地樓市在今年次季，升幅都與香港一樣非常輕微，足以反映香港樓市不升，並非辣招功勞，反而與美國加息因素關係最大。 港府實施多時的「3D」(雙倍印花稅/DSD、買家印花稅/BSD及額外印花稅/SSD)辣招，對本港經濟的禍害逐漸浮現，與住宅樓市有關的多個週邊行業，包括律師樓、廣告、設計、傢俬、裝修、搬運及銀行按揭等行業，生意隨著樓市交投大減超過五成，變得門可羅雀。生意不濟，經已有部份從業員被逼或自動流失，造成失業大軍擴軍的問題。 儘管如此，港府官員繼續表示不會撤回或修改「3D」辣招。他們所持的理由是撤招會引致樓市投機氣氛復熾，樓價可能再度飊升，變成前功盡廢。換言之，他們深信今年次季開始本港樓價持平，不再大幅揚升，是拜「3D」辣招所賜，所以，撤不得！事實上，官員這樣的想法，絕對是有大大的錯誤而不自知。 根據「全球房地產指南」調查資料顯示，今年上半年本港住宅樓市扣除通脹之後，按年升幅是13.7%。次季樓價只上升0.2%，而「3D」辣招之一的雙倍印花稅(DSD)則在今年2月下旬宣佈實施，次季樓市只升0.2%，官員「歸功」於DSD，認為這一招奏效，控制到樓市升勢。 不過，如果大家細心研究，自從「3D」先後推出之後，在本港活躍的內地及本港買家，都轉到世界其他城市買樓，以達到保本增值目的，美國和日本是目標所在地其中之一。美國和日本東京樓價今年次季為止，升幅分別為8.5%和9.02%，但單是次季的升幅大幅收窄為1.76%及1.67%，情況與香港的次季走勢無大分別。 尤其是美國，沒有「3D」辣招，樓價走勢竟然與香港非常相近，次季升幅大為收窄，當然無可能受到香港的辣招影響。另外，東京走勢亦十分近似，肯定也不會受到辣招的左右，而次季其他城市也普遍出現升幅明顯收窄的現象。 但今年次季發生了甚麼事，令調查資料在第二季顯著收窄？其實，理由很簡單，期間全球金融市場普遍認為經過了三期量化寬鬆之後，美國將會出現退市和加息的後果，一般看法是退市和加息不利於股票及地產市場，所以，各地樓市在今年次季「收步」，升幅比起第一季明顯地「縮水」。 港府官員誤將樓價不升，「歸功」於「3D」辣招而非加息的預期威力，堅決不肯撤招，實在是張冠李戴，更造成失業人數增升，高官這種做法，著實是有一點兒可悲！ |
|
14. to 亮劍 2013-10-23 16:03:28 |
|
請唔好知小小扮代表, 其他機構民調我唔知, 但中大一定唔係你咁講, 因為我係中大讀書時幫手做過. 首先, 我做中大民調個時, 係講明唔會係返工時間做(avoid selection bias). 接到電話既亦唔一定係最終受訪者, 會睇埋你屋企有咩人(increase the randomness). 至於係話（因為有成功個案先有＄收）更係無稽, 中大民調員係part time charge hourly rate的. 請唔好知小小扮代表! |
|
15. TO 14/F兄台, 認真你就輸鳥 2013-10-23 16:16:15 |
|
喺呢個平台, 每個人都知條茂里吹水冇句堅, 睇佢都喺地代仔一名, 大把時間吹因為揾唔到客, 可憐下佢啦 |
|
16. 統計從業人員 2013-10-23 16:27:09 |
|
其實你地知唔知,現今社會上所有統計數字, 基本都係調查所得, 包括入息中位數都係受訪者自己答, 其餘失業率亦係由受訪者提供, 而現實上, 亦沒有可能訪問所有無工做既人是否自願失業(可以是自願退休或家庭主婦), 此時便要使用統計工具去估算. 若果照你地咁講, 你地應該咩數據都唔用, 亦請不要再在文章中引用失業率,入息中位數等數據了. |
|
17. 亮劍 2013-10-23 16:31:45 |
|
你做過調查員，那成功率如何？ 有無人於辦公時間接過民調電話？唔通我接嘅係鬼打來嘅？ 『因為有成功個案先有＄收』，係你哋啲調查員講咋，我鬼知你係港大中大？ 中產业主熱唔熱烈回應我唔知，但我同屋企人及身邊嘅朋友，就絕大部分無回應過！ 至於有乜嘢人會得閒喺晚上搶分高峰期做回應，大家心照！ |
|
18. to 亮劍 2013-10-23 16:46:34 |
|
你咪學隻狼英玩語言偽術啦, 學得又唔叻, 沒有最論盡, 只有更論盡, 做調查員part time charge hourly rate 是常識吧! 咪知小小扮代表! |
|
19. to 亮劍 2013-10-23 16:47:13 |
|
今次係講緊中大民意調查, 我係以過來人身份答緊你中大民意調查, 無人否認過其他民意調查會於辦公時間打電話, 我只係話中大民意調查唔會, 請睇清楚人地內容先回應唔該. |
|
20. 統計從業人員 2013-10-23 17:00:38 |
|
仲有, 大學既調查一般都係打屋企電話, 盡量避免唔會抽手機打(to avoid the people don't want to answer the questions due to the cost concern).而我們亦沒有學術理據去質疑受訪者的身份會否影響response rate. 例如中層人士生活壓力固然大, 但低下層人士亦可以由於沒有工人幫手而沒有時間接受訪問. |
|
21. 固網電話 2013-10-23 17:12:34 |
|
俺同好多無飯夫妻一樣, 屋企都冇固網電話, e+置業新家庭好多都冇, 咁點被你地選出來調查呀? |
|
22. 亮劍 2013-10-23 17:23:39 |
|
喺呢個平台, 每個人都知條茂里吹水冇句堅⋯⋯ 唔該翻查我留言紀錄先講！ 睇佢都喺地代仔一名, 大把時間吹因為揾唔到客, 可憐下佢啦 我係地代怕乜認？但我實際連一日都未做過！
|
|
23. to 固網電話 2013-10-23 17:27:06 |
|
咁低下層人士亦可以話無錢買手提電話, 又或者有錢人一間屋可以有幾個號碼. 同樣, 我們亦沒有學術理據去質疑. |
|
24. 20/10 黑衣遊行 2013-10-23 17:34:30 |
|
組織聲稱有十二萬人參加遊行，八萬人集會，警方則指參加遊行有兩萬人，另有三萬六千人在政府總部集會
.......数字游戏，信边个？？？？
|
|
25. to 亮劍 2013-10-23 17:38:21 |
|
你自己喺咪地代仔, 我地冇乜興趣想知, 正如狼英話發牌唔喺政治決定, 你話唔喺, 我地吹得你脹咩... 請繼續吹水啦! |
|
26. 固網電話 2013-10-23 17:43:13 |
|
你又唔去學術質疑一下攞公援都有手提電話號碼用黎填申請表嘅人? 咁啫係你地個 constraints 係要有固網電話兼返得切屋企食晚飯嘅人啦, 咁哩個 constraints 又會對調查造成甚麼 bias 呢? 完全沒有? |
|
27. 東 2013-10-23 17:51:31 |
|
to : 中大的part time
連政府的統計員都會自己老作數據的時候, 你憑乜話其他調查可以做到無偏差?
唔通, 你未接過office hours 打黎的問卷調查?
唔通, 你未接過當答左一次之後, 果期忽然特別多電話?
唔通, 你可以肯定, 個問卷調查係 0% 拒絕作答?
|
|
28. to 東 2013-10-23 17:59:33 |
|
照你思維咁講, peter paker 經常所引用數據都是老作的, 所以作結論時會有偏差? 明白晒唔該
|
|
29. 所謂民調 2013-10-23 19:10:40 |
|
規矩間間機構都有, 睇下有無人遵守囉 ! 只係中大人會守規矩? 自吹自擂, 自高身價定自我催眠?? 我手機在任何時段都會收到不同機構既調查. 受訪者會認真去答?? 真的有人理會這些調查? 有既, D退休亞公亞婆得閒得滯, 咪接受訪問當消閒節目囉. 所謂調查, 好多時調查機構都是有目的有立場, 問題帶引導性, 以達至他們想要的結果, 不同機構做的民調經常南轅北轍, 各取所需罷了. 2分鐘民調就可以理解人的想法 ? 天真或傻 ? 所謂"盡職"的電話調查員 !! |
|
30. TO 11 2013-10-23 19:17:33 |
|
大C ? 前兩日才說股市隨時"爆升"喎, 如果聽佢講, 今日去收C啦 ! 叫佢專心自己檔野, 怕佢唔捱得幾耐囉 |
|
31. 民調顯示80巴仙反對加薪 2013-10-23 19:50:18 |
|
民調已清楚顯示 80巴仙市民反對垃圾會會員加薪，剩餘20巴仙市民要求垃圾會會員減薪。 |
|
32. 亮劍 2013-10-23 20:25:12 |
|
民意調查竟然同政府做嘅統計拉埋一齊講，對我呢個吹水佬來說，大開眼界囉！ 首先我對民調無偏見，咪當一個參考，但民調結果可操控，乃不爭嘅事實，單單你問卷點設計，已經好多走盞位！ 喺上次立會選舉，民建聯除咗流肛華之外，全部名單都能成功當選，請問有邊個民調機構事先估計倒？
|
|
33. Peter Paker 2013-10-23 20:46:29 |
|
根據2011年人口普查（簡要報告 p.72 – p.77），香港有237萬個家庭，居住情況如下: 表一：2011年人口普查全港家庭戶數居住情況
居於「自置」物業的家庭 （包括私樓、居屋、村屋等） | | 123萬戶(52%) | 居於「全租」物業的家庭 •私樓、居屋及其他非公屋住宅 (104 -72萬戶倒推之估計數字) •公共房屋
(假設所有公屋戶都是從政府租入單位居住)
| 32萬戶 72萬戶 | 104萬戶(44%) | 其他居住情況 (例如：免交租金, 由僱主提供, 合租／二房東／三房客等) | | 10萬戶(4%) | 2011年人口普查全港家庭戶數 | | 237萬戶 |
|
|
34. 多疑小學雞 2013-10-23 22:19:28 |
|
有Ｄ來電 , 當你喂一聲之後 , 佢就收線 , 又唔知係咪比人選擇性調查呢？ |
|
35. Phone Survey 2013-10-24 00:22:24 |
|
Survey by phone itself is sampling by a single means. Therefore, it will create a bias view and this can't be denied. |
|
