我本身自91年首次置業致今，未持有超過一層樓，同時未做過一日地產經記！

但有一個識左貳拾幾年嘅炒家朋友，成日帶我睇樓，袋左唔少錢入我袋，而家拒已經上曬岸，係度想講他點揾食。

我呢位朋友通常買D"騎呢樓"，我想好多買過樓嘅人，都見過以下情況：---

1)有業主將自己層樓個天花板同牆油到鬼五馬六、裝修又玩前衛；

2)成千呎樓房都無間(講緊20年前，而家可能arm老外)；

3)比租霸攪到殘嘅樓；

4)成間屋吉左十幾年，傢俬雜物鋪滿蛛網狀；

5)一樓平臺單位爆屎渠.............

以上樓盤如果唔用翻貳叁拾個去裝修無可能見得人，但唔係個個業主都可以大拿拿嘔倒幾拾個出來掛？

或者你可以平過市價 5-10 %放盤，但因為要撞客，隨時一年半載都賣唔去！！

係呢個時候我朋友因為有Cash，可以Full- pay食左 件貨；

他平時會睇好多新盤同2手盤，參考市埸興什麼樣的裝修設計，又去工X會報D室內設計課程進修，最重要係他有一個裝修判頭跟他夾份揾食好多年，人哋用 2-3月做嘅工程，他就用一半時間就起倒貨；

加上係駱克道留低唔少脚毛，就算買乜都平過好多人幾成，加加埋埋他可賺---

1)香港樓市通常有7成時間係上升嘅；

2)買入價通常有折讓；

3)同樣裝修效果比別人平幾成；

4)切合首次置業買家需要，將裝修費打落樓價度上會(裝修費做分期)可賣貴一D。

這些所謂"炒家"做左咁多嘢執你2-3成(比對買入價)過唔過份由大家話事！