車路士今季將帥不和，球隊一度幾乎四分五裂，而且主將年事已高，加上硬戰連場，在前半段英超聯賽接連失分，家只係排第 6，而領隊是唔知乜水嘅迪馬堤奧，仲係打緊長散工！
反觀對手巴塞隆拿擁有世界足球先生美斯，加上沙維及恩尼斯達，鋼鐵陣容無懈可擊，主教練係攞杯如拾草芥嘅哥迪奧拿！但 90 分鐘激戰下來，宇宙最強嘅巴塞竟然要向呢班老弱殘兵，紨首稱「神」！
在首回合 0:1作客不敵車路士，只是輕傷而矣，巴塞隆拿今仗回到有地獄主場之稱嘅魯營出擊，恐怕連巴塞球員及廣大球迷都深信，今次不但能收復首回合失地，更可狂數車仔以洩首回合一敗之仇。
劇情開頭似乎亦朝着這方面發展：車路士守將加利卡希爾在首先開賽初段傷出；巴塞繼而在 35分鐘由布斯基斯先開紀錄，總比分追成 1比1平手！
泰利於兩分鐘後領紅被逐；恩尼斯達再在完半場前建功助巴塞在總比數反超前 2 比 1，車仔一命嗚呼似乎已成定局。
落後至 0:2下，車路士在上半場補時階段，憑一次快攻扳回一球，拉美利斯接應林柏特直傳，笠射入網，重拾優勢，但那時大伙兒都相信只係車仔嘅續命湯而矣！
迎接今屆歐聯最峯迴路轉的下半場賽事，真係蕩氣迴腸，堪稱經典之作，易邊後巴塞繼續狂攻，車路士少踢一人亦全力死守，連杜奧巴亦變身成後衞。魔獸在 49分鐘仲幾成罪人，於禁區踢跌法比加斯，俾球証罸12碼不特只，仲要由歐冠入球機器美斯主射！車仔死無遺憾啦，但美斯竟中楣不入！
巴塞繼續強攻不果，82分鐘，丹尼爾右路傳中，布斯基斯中路包抄破門，但球證判罰越位在先！不久之後跳蚤的远射又被门柱拒之门外，唯嘆一句天亡巴塞！唔通真係天理昭彰，係度還翻幾年前史丹福橋條數？
戰至補時階段，艾殊利高爾大腳解圍後，串演左後衞的費蘭度托利斯於中圈線接應，一氣呵成單刀推進，扭過巴塞門將域陀華迪斯後射入，已是錦上添花，對大局無傷大雅。
講翻樓市，將小業主變成車仔，政府變成巴塞，由 2008 年開始嘅賽事如上-----
