有老友問，林鄭Plan 究竟是幫了人抑或害了人？我話見仁見智，不過，應該是幫了人多過害了人，現在用林鄭Plan的全部都是首次置業人士，如果他們在買樓的是租樓住而又有穩定收入，林鄭Plan是幫了他們，因為買鏤樓之後就不用交租，而供款與租金相若，若樓價平穩上升，即使緩慢，十年八載之後，買樓的人從樓價升值所得，應該有不俗回報，如果沒有買樓，這幾年就替人供樓，業主不但連生果籃都唔會送一個，反而會加租。
雖然樓價不一定會上升，但林鄭Plan並沒有強迫市民買樓，只不過給予市民多一個選擇，而事實上有了15%印花稅之後，已經不太多人會買第二個住宅單位，換句話說，出租的供應量會愈來愈少，租金自然會愈來愈高，如果唔用林鄭Plan買樓，幾年之後可能會非常後悔。
IMF警告，如果加息，香港有不少業主，尤其是用林鄭Plan買樓的人會陷入困窘。IMF講嚟都多餘，加息全世界業主都受害，但最重傷的應該是美國，由於美國唔想加息，一定會用盡方法避免加息，首先要降低通脹，而降低通脹立竿見影做法就是降低關稅，美國已經開始去做，容許入口商在合理情況下申請豁免關稅，這個做法不但可以穩定通脹，甚至令通脹下跌，當然還有很多原因令通脹上升，但加關稅是影響最大。而事實上，全世界都經不起高息，各國都會用盡所有辦法令通脹維持在低水平，估計低息仍然會持續一段時間。
老實說，買樓是有一定風險，利息上升是其中之一，如果左擔心右擔心，只會蹉跎歲月，最後見到同輩愈換愈大，到退休時，將樓宇賣走，又變回一大筆現金，可以優哉游哉，享受退休生活，若永遠租樓住，到退休時就會面對一個極大難題，可能要離開香港或者搬去一個細單位，如果從來沒有林鄭Plan，那些人到時就會埋怨政府。
