ENG
主頁 豪宅 租/售 豪宅成交 一手豪宅 豪宅市場消息 豪宅論壇 刊登廣告 按揭計算 印花稅 收藏樓盤 免費業主放盤 業主刪除樓盤 代理登入
樓盤收藏 | 免費業主放盤 | 業主刪除樓盤 | 代理登入 | ENG
主頁豪宅 租/售豪宅成交一手豪宅豪宅市場消息豪宅論壇刊登廣告按揭計算印花稅
主頁 / 豪宅論壇 / 文亮言
瀏覽人次：24128    回應：18

樓價指數飆升是為新樓盤小陽春做勢

2018年2月25日

湯文亮

紀惠集團行政總裁

　　星期五不但中原指數飆升，美聯指數同樣飆升，不過就比較收斂，只有0.55%，中原指數則是1.77%，根本是浮誇，不知道內情但睇好樓市的人當然是耀武掦威，但知道內情的人反而不大出聲，因為今次樓價指數飆升的目的是為即將開售的新樓盤做勢，希望大家見到樓價飆升而搶購即將開售的新樓盤，若果新樓盤以比較優惠價錢推出，想唔賣過滿堂紅都唔得，這個辦法並不是我胡亂猜測，其實在過去一直有採用，在某一個地區有新樓盤推出之前，該區二手樓樓價會大幅飆升，令到新樓售價比較合理，現在有了樓價指數，更加可以全面配合，正所謂橋唔怕舊，最緊要受。

　　但今次與過往有所不同，因為購買力不但被消耗貽盡，而且將會有太多新樓盤推出市場，在僧多粥少情況下，新樓盤銷情未必可以受到樓價指數飆升帶動，小陽春未必會出現，但如果唔推出新樓盤，就會浪費了因爲樓價指數飆升而得出來的購買力，這正是地產商要考慮的地方，但我認為無論如何，地產商這一戰必定不能避免，如果唔推出新樓盤，在政府龐大供應量之下，以後只會愈來愈困難，而且累積太多貨尾，政府可能會出招對付，老實說，要製造今年小陽春的確要花心機，而且未必可以製造出來。

更多...
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論；
  2. 禁止以名稱/暱稱/綽號/同音字等批評或映射任何人士、機構、公司；
  3. 禁止發佈有關招聘、推銷、廣告等內容；
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。
會員登入
登入ID 或 網名
密碼
2. 真真薯片 2018-02-25 10:33:37
在下又唔認為老C會無堅叔個康城新盤而做數做到咁盡, 如果購買力既量真係薄左, 堅叔首輪應該唔敢一炮推太多單位, 在下估首輪頂盡100-150個, 因為推太多又賣唔晒佢相當肉酸, 但係勞動左老C出咁大力去做數然後又推太少單位就好似對唔住老C

CCL過去幾年都有好幾次急升係比人質疑, 但係事後每次都被差知署既終極數字確認, 有咁多年track record, 在下比較信老C報既數字係正確冇做數, 過年前2手樓真係搶高左一浸
3. 向引刀‧土著‧自醉‧浪子‧阿井 說不 2018-02-25 10:53:56
但今次與過往有所不同，因為購買力不但被消耗貽盡？？？

真系好搞笑，睇番上一期居屋合資格申請人數，都超過十萬份，點樣可以於短期內消化就真！購買力不但沒有被消耗胎盡，而且還不斷累積大灣土豪才合理。
5. 差估署 2018-02-25 11:42:16
可能差估暑條數升得重誇張！耐心等待吧。差估署條數通常lag behind CCL, 所以才叫中原城市領先指數。
6. 今年小陽春提前爆發咗啦 2018-02-25 11:51:16


樓市有所謂小陽春，農曆年前例淡的局面，過年後買賣雙方會歸位。加上花紅刺激，錢多動作多，成交量自然轉旺。但這個『傳統智慧』在2018年是否仍然存在？

扭轉慣例，小陽春提前農曆年前爆發，包括放盤不足一百伙的『麗港城』，一月首半個月竟然開了27張單，量數多過去年12月全月水平，一口氣創十六個月新高。跟過去大旺市，雖然未能相提並論，但換樓之選『將軍澳廣場』成交按月翻1.75倍，與調景嶺『維景灣畔』齊錄雙位數，都創出屋苑十六至十七個月高位。

8. 舍神 2018-02-25 12:12:00
做市.....從來都存在

不過小市民肯受都冇計!
9. 好友淡友 2018-02-25 12:25:20
點解中原升就係做市，跌的時間大家又唔覺得佢做市。咁樣選擇性相信數據 本身就好有問題
11. 真真薯片 2018-02-25 12:44:08
中原指數爆升, 美聯指數少升, 如果老C真係幫堅叔做市, 咁堅叔新盤入飛一定要抽晒比老C先得, 大家無聊可以打張本票去現場感受下係咪張張飛都抽中中原
13. 小陽春是誰製造的 2018-02-25 14:41:07
太多專家年年就勸人不要買樓，話好快就加息，或是好快就供應大增，或是好快就收水，或是好快就經濟衰退，縂之樓價好快就跌，結果就是這樣累積了不計其數的購買力排緊隊入市，春節過後購買力一觸即發，爆發小陽春個發。


14. 博士 2018-02-25 15:24:36
我並没有說中原指數做假，我甚至話中原指數低於真正樓價，大家可以睇1月22日「文亮言」

中原指數可能低估樓市升幅
   上星期五樓市股市齊創新高，在股市方面，大家絕對不會懷疑恒生指數的真確性，至於反映二手樓價的中原指數，一向以來都受到不少質疑，老實說，我亦是其中之一，但我不是懷疑中原指數做假，只不過是辣招影響了指數真確程度，令到大家不知道真正樓價，在以往，由於有部份物業買賣是以公司轉讓形式交易，買家是可以避免繳付任何印花稅，所以，他們是可以出較高價錢，大家見到成交價其實是包括辣招稅，就算不是全部，最少都會有一半以上，結果是以二手樓成交價作為指標的中原指數不斷上升，令到一般人以為樓價飆升，但我並不是說如果沒有以公司轉讓的二手樓買賣，樓價其實是下跌，無可否認，樓價的確上升，不過，上升幅度未必如大家所見到的那麼大，但這些事情已經過去。
   現在情況開始相反，市場上那些以公司名義持有的物業，如果業主有興趣賣，已經賣得差不多，現在賣樓的大多數是以私人名義持有，換句話說，買樓的人除了要付樓價外，還要付各項印花稅，由於牽涉的金額巨大，買家出價非常審慎，甚至要業主減價來符合他們的要求，在過去一段時間，買賣雙方呈交著狀態，做成二手樓成交量低於不能接受水平，隨著成交增加，資料顯示有一些業主願意降價求售，在未來一段日子，大家就算見到中原指數下跌都未必會是真的，因為如果將買家要付的印花稅加上去，中原指數其實是上升，今次破頂就更加不得了，說到底，辣招印花稅已經扭曲了整個物業市場，令到大家看不到真正樓市，但在現階段又不能撤招，否則，樓價會在有心人士的輿論下大幅飆升，現在唯有等供應增加至超過需求水平，在供過於求的情況下，如果利息上升，樓價便有機會下調，政府才有減辣條件，到那時候，官員們就要果斷行動，如果不把握適當時機，減辣只是一個口號，在機會消失之後，以後連提也不敢提。


15. 引刀一快 2018-02-25 15:58:53
To 9樓 好友淡友兄

升，就係造市。跌，就係造市……唔到。

賣樓梗係“需要”升架喇，邊個“需要”跌嘅吖。
16. 代理A 2018-02-25 16:01:28
小陽春是講量，不是講價！

整體樓市不見得有小陽春，因為一手只是勉強過得去，但二手成交量非常稀疏，傳媒只係將幾單創新高大字標題報道。莫非幾單創新高就叫做小陽春？
17. 博士 2018-02-25 18:20:19

  • 【按月挫六成】2月新盤成交暫錄480宗 或成兩年按月新低 (17:52)

    文章日期：2018年2月25日

    2月份受新春氣氛和長假期影響，加上發展商未有推出全新焦點大盤，令本月一手新盤成交量大減。綜合發展商及市場消息，新盤市場本月至今暫錄逾480宗成交，除相對1月份全月錄約1100宗成交、按月下挫逾56%外，更有機會成為自2016年2月錄約330宗成交後，兩年來按月新低。

    至於2月份暫時售出最多單位樓盤，為其士(0025)、寶聲和市建局合作的土瓜灣津匯，期間售約87伙；會德豐(0020)啟德 GRAND OASIS KAI TAK售約60伙，排名第2；而長實(1113)荃灣愛炫美售近40伙，排名第3。

18. LC 2018-02-25 19:25:24
https://www.midland.com.hk/land-registry-record/2018.html

睇返一月份既數據又唔係真係噤差，其實比起前幾年黎睇，又唔算得係十分差。

股票市場keep 住新高，香港人出名全民皆股，我諗三月份都未必有噤快要跌市，資金無被卷走，加埋年尾 bonus , 同埋新一年人工調整，有機會D 買家想睇睇 波叔 份財報點派錢法， 其實政府今日搵噤多錢，糖就派硬，以我所見因為今年通帳同 RMB 升覆明顯，收人民幣既生意人唱返港紙突然多 10% 既購買力。 我反而覺得唔洗做都有個勢。
19. LC 2018-02-25 19:44:33
香港樓價係比GDP 升多有一倍以上，但係睇返香港GDP 既架構，單單 financial services 一行既收入就由 2010 到 2015 都差唔多升左一倍 ，按年有 10% 左近既增長，但同期香港最多人從事既 trading and logisitics ，只有按年 3.1% 增長。

據此分析香港既收入架構，因為香港幾個行業特別突出，所以對比起上黎，樓價就炒到只有幾個行業既升覆才可以買得起。我覺得情況就似澳門， 如果你唔係做賭业有關行业，你係好難好難好難買到樓，但唔代表E 個城市唔搵錢 or D 樓唔值錢因為好多錢正在流入E 個城市。   只 係 絕大部分香港以往為生既行業都係度倒退，我相信在未來窮富會進一部惡化，因為大部分香港人既行業要面對國內既競爭，同時香港一線既行業因為大陸嵼起既關係，食正條水。 樓到十年後都係有錢人既玩意。
20. LC 2018-02-25 20:19:33
以政治統計署比既數字黎睇，從事金融行業，除開以人頭計既所搵既錢，就係其他行业既 4 ～5 倍。而香港一年成交只有 4 萬個單位左右，如果講因為單單一個行业既人既購買力，買起左香港人既樓，我覺得E 個推斷唔算武斷。
21. 不天價 不成交 2018-02-25 20:31:32
中原指數只反映二手成交價，不反映成交量。辣招令全港業主企到好硬，不出破頂價，連買家自己都不好意思。

辣招好心做壞事，反而刺激出天價成交，系時候檢討。
23. 孟波 2018-02-26 08:25:43
好奇怪，業主叫破頂價來賣，買家只會嫌貴，使乜唔好意思?
24. 真真薯片 2018-02-26 13:48:00
地霸同地代已經進入左厚利少銷既新經濟模式

小陽春唔係講價或者量, 而係講利潤同佣金! 薄利多銷已經out! 賣得少賣得貴, 袋貴佣先係新皇道
返回
主頁 豪宅 租/售 豪宅成交 一手豪宅
豪宅市場消息 豪宅論壇 代理登入 刊登廣告 按揭計算 印花稅
免費業主放盤 業主刪除樓盤
相關網站:
科一物業資訊 宅谷地產資訊網
香港格價網 ＄ 樓盤 搵樓18
Copyright © 1995 - 2024 香港豪宅網 保留一切權利
MLS.hk O/B Multiple Listing System Ltd.