中原指數十六連升之後，有人同我講，俗話說五窮六絕七翻身，今年五不窮，六不絕，相信七月會更加好，我今年預測輸梗，這句說話我只同意一半，因為我的預測是今年先升後跌，樓市在上半年上升我已經贏了一半，下半年不準，都只是打和，況且，七月之後，各種不利樓市因素會陸續出現，所以，今年雖然五不窮，六不絕，七月應該見真章。

　　新特首帶領新班子上任，老實說，新即是舊，有利亦有弊，有人認為上兩屆政府沒有辦法整治樓市，應該用新人，新方法才有希望，其實，如果單是講樓市，舊人好過新人，現屆政府官員無時無刻都表示，在未來三至四年有九萬六個單位供應，如果陳茂波唔做財爺，由一個新人做，對於九萬六承諾，大可以推在今屆政府官員身上，矛頭可以直指陳茂波，話根本不可能在未來三至四年可以提供到九萬六住宅單位，現在陳茂波做財爺，他死都死掂返嚟。

　　現在地產商為了去貨，出動到八成半按揭，即是借錢俾人買自己的新樓盤，一般生意人唔會這樣做，無人能夠擔保林太是否會出招收緊八成半按揭，有人會認為政府沒有權力這樣做，就算可以，地產商持貨不賣，只會做成供應不足，樓價飆升，其實，政府還有一個殺手鐗，倘若地產商持貨不賣，就要交空置稅，星架坡早已實行，現在是睇地產商是否能夠自律。

　　加息在六月份已成事實，雖然有評論員話這是美國今年最後一次加息，而香港大可以不跟隨，六月加息之後，美國是否今年不會加息，我相信連耶倫都唔敢賭，局外人又點可以咁肯定，七月開始，就會有人陸陸續續轉軚，他們會用不同理由解釋轉軚，大家就可以見到真章。