長地緻藍天1,600伙清袋，其他地產商有見及此，都急急開盤，絕對不會浪費市場上購買力，除半島東外，今個月更加有12新樓盤推出，涉及大約2,200戶，老實說，地產商不似以往，大家推盤前講掂數，按部就班，一個推完到一個，但今次有點失控，12個新盤在一個月內推出，除咗地產商打崩頭外，物業代理亦打崩頭，以區域分區的代理制度，如果新樓盤不多，所有物業代理都會集中處理某一個新樓盤，就算不是在自己區域亦沒有所謂，協議是新盤區內的物業代理分多些，區外就分少些，但現在新樓盤滿天飛，各物業代理就會首先推銷區內新樓盤，大家各自競爭，無形中就會影響銷售成績，而各地產商亦知道這些實況，但仍然推新盤，只怕蘇州過後冇艇搭而已。

　　老實說，現在的地產商不同於97年代，當時地產商缺水，冇辦法唔減價狂推新盤，明知道競爭大都沒有辦法，現在地產商並不缺水，亦無財務壓力，賣唔賣樓都不大問題，但做生意一定希望貨如輪轉，賣咗樓就可以有投地，長賣長有，囤積並不是現在地產商策略，但賣樓都要搵一個好時機，以及開一個市場可以接受，而又去貨甚快的價錢，這點，大多數地產商都不及長地、新地等大公司，所以，其他地產商都等大地產商先開盤。今次，長地賣緻藍天1,600個單位一Q清袋，連撻訂貨都可以清貨，證明市場上購買力澎湃，此時不開盤更待何時，以往一犬吠日，百犬吠聲，今日一盤熱賣，百盤跟隨，我估計新樓供應將會源源不絕，而且是越賣越平，有心買樓的人就算買唔到都唔使擔心，下一個新樓盤或者會更加靚，更加平，二手樓業主如果想賣樓，請等一會。

　　今次新樓盤熱賣，其實是多謝二手樓業主功勞，二手樓業主叫價不斷上升，雖然成交不多，但偶有成交，都有機會創新高，做成不但二手樓與新樓同價，甚至由有過之，這無形中替新樓盤做促銷。不過，大部分二手樓是沒有興趣將手上物業賣走，就算到價他們都不會賣，他們只是試價，當有創新高價成交，他們又要再創新高，中原指數不斷上升，今次政府真的是沒有辦法，唔通再出招，但我認為唔需要，新樓盤正在消耗購買力，當購買力被消耗得七七八八時，又沒有新樓盤供應，成交大幅減少，物業代理又會向業主鋤價，指數一定會回落，這亦是市場上自動調節機制，政府毋需擔心，亦冇得擔心。