那時候，陳茂波宣佈以招標代替勾地，以小型土地代替大型土地，暫時舒緩土地供應不足，但問題仍未徹底解決，所以，陳局長不敢說他手握定海神針------------
陳茂波將本來一整大塊地打散，然後用十字介豆腐方式一塊一塊咁賣，拒以為好醒，其實係阿炳，因為可能會引致下列後遺症。
從「好」嘅方向去想，一個區嘅地皮如果由不同嘅發展商持有，咁他們會因為同業競爭，就肯定爭分奪秒，盡快起樓爭主動權，以搶奪市場嘅買家，而且定價會刻制啲，咁樓價就會易啲處於合理水平。
但有得必有失，要是將地皮拆得太散，咁當然就會有唔只一間發展商，成功投得土地發展權啦。
市場定律，供應固定，需求增加，咁價格就會升硬！
我呢度當然係講緊建築成本啦，試想一下，你係建築公司老闆，同區有數個地盆開緊標，你會點落工程標先?
又如果你係建築工人，有咁多工程公司喺同一區開工，你會返邊份呢?
唔好話俾我聽有老感呢回事呀！
其次，本來一張則如果加多減少，就可以起拾幾弍拾幢樓，但現在就每張則起得嗰幾幢；
又本來一個 PM 可以睇曬一二三四期嘅發展，而現在就睇得嗰三或四幢；
舊時本來一套機可呢日喺A地盤做嘢，第日有需要可搬去B地盆開工，但現在就死古古放喺度封麈；
最後本來一班扎鐵建築工人，可於上午做A地盤，扎大陣，下午就可過一條街，做B地盆扎樓面，但現在得兩叄幢樓，一幢倒緊石屎，一幢釘緊板，咁呢班扎鐵工，就只可以喺樓梯底吹水等運到！
如此這樣，建築成本唔大升真係有鬼！
當然第二日賣樓花，係睇市況，而唔係睇你發展商揼咗幾多錢去起樓及投地，而發展商攪到要倒貼益街坊亦非無可能嘅事，但要是發展商人人都要賠本做生意，咁以後揾鬼去買地起樓?
現在建築材料價格，就算因為環球經濟不景而滑落，都反映唔倒喺建築成本嗰度先大〇樂。
回想二十多年前我大哥買咗一個大型屋邨樓花，在收樓嗰日我仲一齊同佢去八卦下！
因為我大佬在地盆做高層，收樓同驗樓可謂佢強項，還記得那天他用了幾粒鐘，一共挖掘倒那層新樓共有40多處要執漏嘅地方，到今天我仲冇忘記佢呢句話：「估唔到長江樓都起得唔差」！
但俾著係今天，又俾著係K寶揾阿詹 Sir 同你公開喺電視嗰度驗屍咁驗，咁呢間有40張黃紙仔嘅屋，隨時俾南哥數落！
試想40張黃紙仔喎，仲要出現喺觀眾眼前喎，呢次負責起樓那個建築商仲唔死？而呢個發展商以後賣樓花仲唔賣到氣咳？
為保招牌，咁大家唯有做多步，以前8層到10層樓要換一套石屎板嘅，現在4層到6層就開過一套新石屎板！
舊時收樓驗樓一日十間八間，現在四間盡曬！
以前天花地板廁所爭少少平水，得過且過，現在同我死掂佢！
其他乜嘢廚房家電浴室潔具窗門玻璃大門-------，通通冇得揸流攤，磁磚每件同你「鏗」，地板每件同你「幢」，請問呢啲使唔使出人工請人攪呢？
加上用料升級同埋通貨膨脹，建築費真係跌佢老毛！
睇過我仔細分析後，您還會說建築費有下調空間嗎！
