本報記者昨日近中午十二時，在中環雲咸街商業大廈等到陸東。他一身便服，神情輕鬆，聽到記者問及他賣盤的傳聞，未有停下腳步，邊行邊答：「我冇搞呢啲嘢喎！」（「但有人傳你要賣盤」）「我冇搞啊，冇賣盤」。（「即係你否認？」）「我唔做訪問㗎，唔好意思」，隨即往干諾道中方向離去。

通縮累資產管理生意難做

雖然陸東否認賣盤，但據本報從多方獲悉，陸東自上月開始向外界放風有意出售公司。有與他見過面的金融界人士引述，陸東有提及計劃賣走公司，惟無詳細解釋原因，只稱環球通縮令資產管理生意難做。事實上，自金融風暴後，基金規模細過十億美元的小型對沖基金難有生存空間。曾創辦基金的大行前分析員張一鳴指，金融風暴後基金業呈兩極化，客戶怕風險，都傾向幫襯大型基金，「小型基金生存空間好難」（詳見另文）。而對沖基金指標HFR顯示，中國股票對沖基金去年回報不足2%，低於二○一三及二○一二年回報19%及9%。

一名管理資產過百億美元的資深基金經理對「賣盤」感奇怪，因資產管理公司是依賴人的生意，並無磚頭，「可用鋪頭仔搵人『頂手』概念去理解，但冇人會頂走用陸東姓氏為名嘅基金」？即使是賣走投資組合也難說得通：「除非低過賬面值賣，但可以喺市場變賣」。
陸東二○○九年創辦基金公司，據說城中不少華資富豪畀面做他客戶。有基金經理表示，一直孤芳自賞的陸東，近半年亦積極地出席中小型上市公司的飯局，「佢會問問題，但次次都會早走」。

與恒指相比　成績三輸兩贏

計及陸東在內，現在LAM只有四個員工。據彭博社資料顯示，LAM旗艦基金Look's Absolute Return Fund規模在去年十月較上月急跌52%，同月基金表現微升0.2%，因而可推斷基金出現多名客戶或個別大戶贖回，年底埋單計約一千二百三十萬美元（約九千六百萬港元），全年跌66%。由二○一○年起五個年度與恒指比較，該基金三輸兩贏。基金去年升0.58%，低過恒指同期升1.3%。

基金首重管理規模

【話你知】
投資者看基金，會着重基金價格表現，但其實基金經理更重視的，是資產管理規模（Asset Under Management，簡稱AUM），因為這個綜合反映客戶資金及基金表現的數字，才直接影響基金經理的收入。
AUM是基金界用來衡量基金是否夠份量的基本指標，假設基金表現維持不變，客戶資金淨流入或流出，將決定AUM大小。幾乎所有基金都向客戶收取管理費，不論基金賺蝕都要收取，因此AUM越大，基金抽水越多，反之亦然。
在極端情況，基金升勢強勁，觸發客戶贖回套利（即賣走基金單位），最後因為基金表現升幅不足抵銷贖回金額，而令AUM出現倒退，令基金收入減少。