|
1. 引刀一快 2015-01-20 08:49:33 |
|
唔係話D友仔越跌越唔敢出手買咩？ |
|
2. law student 2015-01-20 10:03:26 |
|
而家博士已經很明確表明樓市不健康, 但不會有大跌空間, 因為新一輪財富轉移即將再次發生, 歷史從來如此. 有睇開博士專欄既應該識做. 亮劍, PP, 法子今次是否要dissent博士意見, 認為樓市仍健康? |
|
3. 師奶仔 2015-01-20 10:29:36 |
|
今朝新聞講左拉, 金管局又收緊借貸. 尤其係以租金為收入的, 唔再計80%, 改為計70%, 即明明收一萬蚊租金的, 改為計7千蚊. 七除八拆就唔夠錢買, 一句講晒.
咁樣個巿應該好有實力拉, 我係指投資者, 佢一定要有足夠收入才可以唸.
|
|
4. 我唔喺亮劍 2015-01-20 10:58:15 |
|
博士講嘅不健康樓市應指盲搶嘅三百呎上車盤，law student想多了，新一輪財富轉移？你指租客繼續塞錢入業主袋？越塞越多？哈哈哈！ |
|
5. 師奶仔 2015-01-20 11:13:28 |
|
細單位之前最初只係追落後, 現在就真係過左火了. 真係個個星期唔同, 尺價的話, 差2個月都變化好大...
總之, 要做到財務自由的話, 廣大巿民千萬唔好好似最近電視上, 有個女藝員咁, 話有一千對鞋, 佢除左買衫,買衫,都係再買衫外, 無其他. 又唔好好似電視機賣廣告的財務公司咁, 內裡主角就係話仲想再買, 現在什麼 ''卡數一筆清''咁...否則就算人工明明可以慢慢儲到首期, 都變為衣服, 唔等使的東西. 到老來便後悔莫及!
至於本身薪水唔高的人, 已經係月光族了, 就唯有儲下錢, 向政府伸手救助, 那也是無法中之辦法. |
|
6. 打工仔 Andy 2015-01-20 11:21:47 |
|
多勞多得, 天經地義！ 無積極做人, 仲要係道等政府打救的, 絕對不合理！ |
|
7. 亮劍 2015-01-20 11:30:02 |
|
我點睇呢個楼市？ 不如講個故仔做比喻啦。 強仔最近有個新鄰居，叫車車，她是一名年輕貌美的 OL。 每日強仔返工同放工，唔知點解成日喺電梯撞倒，他好想同佢做朋友。 有一日強仔在屋企健身，準備参加馬拉松，突然門鈴嚮起，原來對面車車話佢生日，但無朋友陪伴喎。 強仔唔係三歲细路，佢立即想到呢次可能係人生轉捩點。 他立即講：「等我五分鐘！」 強仔現在要去買「袋」，請問佢會去下一個地鐵站的屈人寺？買有優惠圍每個唔使十蚊嘅杜XX一打庄！ 或是拿拿林落楼下七仔，買一盒三個但圍每個 18 元的同類貨？ 現實是殘酷的，你之前無「做好準備」，那當「機會」真的來臨，你就會屎淋尿瀬！ 你會在闖拙之間，作出好多事後回想起來極之揼嘅事，呢次強仔每個袋買貴一倍事少，下次無準備之下走去同車車買楼事大呀！ |
|
8. Oscar Lam 2015-01-20 11:46:38 |
|
金管局今日又收緊按揭。還好乘未收緊前將物業加按套取了一筆錢出來，真是一額汗！ |
|
9. 回七樓 2015-01-20 11:52:25 |
|
你咁壞嘅，叫男仕隨身袋幾個杜蕾斯，不過，我都學你，真喺有準備架，我都有d現金，一有平貨、好嘢就買。
|
|
10. 師奶仔 2015-01-20 11:59:42 |
|
亮兄,
娃哈哈! 乾脆唔好買, 直接搞出人命, 咪直情去買間大啲的屋, 一家3口樂也融融! |
|
11. 供不應求 2015-01-20 12:26:07 |
|
居屋停了10+年,積累了那麼多年的需求,再加上每年新增的需求, 你們真的相信供不應求已到尾聲? 唔係掛! |
|
12. 負利率 2015-01-20 12:40:46 |
|
上週未傳耶倫召集緊急會議討論負利率，如果嚟真，都唔知揸現金做乜好了，不過，歐洲區已實行負利率措施，各位準備好未？唔好到時要週圍買套。 |
|
13. 亮劍 2015-01-20 13:32:05 |
|
我講呢個故事，大家唔好諗衰嘢。
一 為何有人在杜XX做特價，每個平均唔使10元時就買定？ 二 為何有人要臨急臨忙，畀夠每個20元去買？ 三 行遠少少就半價，點解D人唔行多幾步？ 四 一次過買夠一打就有排用，為何買三個輕便庄？
今次新居屋公開發售，隨時有成十萬宗申請，其實呢班申請人要是有心置業，何解唔喺幾年前買入私人楼？ 咁現在就唔使咁頭痕！ |
|
14. 路人甲 2015-01-20 13:54:08 |
|
亮劍前輩,
好多原因,一下子講唔曬. 不過, 有些人真的相信政府講的事, 有炒家/ 供應快回覆正常/ 政府會出措施抑壓樓價等等.. 再加上, 有些人根本認為樓價會下滑. 亦有些人結婚生仔, 想置業. 各式其式. |
|
15. 引刀一快 2015-01-20 13:56:54 |
|
一 為何有人在杜XX做特價，每個平均唔使10元時就買定？
怕放到過期 二 為何有人要臨急臨忙，畀夠每個20元去買？
鄰居係媒，佢買完高價domdom返嚟就會唔見人 三 點解行遠少少就半價，點解D人唔行遠些？
怕偉哥葯氣過 |
|
16. 路人甲 2015-01-20 14:24:08 |
|
亮劍前輩,
都係想請教一下, 怎麼可以退休, 不愁生活呢? |
|
17. Peter Paker 2015-01-20 14:35:12 |
|
To 2/F
From my first day of writing here till now, I still uphold my views towards the property mkt I insist. So far, I do not identify any points that need me to change my views. I consider and respect different viewpoints of other people, especially for Dr. Tong. But, I do not change my viewpoints merely based on others. Maybe, I am very stuffborn ^_^ |
|
18. 亮劍 2015-01-20 14:50:40 |
|
路人甲兄………昨天小弟有以下留言：
「除了 823外，我甘務畀兄弟打的危險，提供埋佢哋至愛778」。 你唔好再問，昨天為此自隊5杯「大飲樣」向他們陪罪，若再講多次要吹喇叭先掂……哈哈！
|
|
19. 路人甲 2015-01-20 15:00:08 |
|
亮劍前輩
對不起!! 為左小弟, 要辛苦前輩受苦了 ^u^)) 實在罪過, 罪過 我會記住的嗱,,, |
|
20. 師奶仔- 今日經濟日報 - 真係早買早著, 遲買瞓唔著~ 2015-01-20 15:03:21 |
|
港人不吃不喝17年 方能置業調查：港連續5年 全球樓價最難負擔城市有機構調查發現，香港住宅樓價連續5年蟬聯全球最難負擔城市，樓價入息比率更由14.9倍，升至17倍，達極難負擔水平，即連續17年不吃不喝才能置業。 美國顧問公司Demographia公布第11份《全球樓價負擔能力調查》，去年第三季統計包括美國、英國、澳洲、加拿大、香港及新加坡在內全球378個城市。 入息年增6% 港樓價卻急升22% 報告發現，去年主要城市住宅樓價負擔能力均有所惡化，樓價入息比率（樓價中位數除以家庭全年入息中位數）中位數由4倍，增至4.2倍，屬極難負擔的城市則維持24個不變，當中以香港位列樓價最難負擔城市第一名，樓價入息比率高達17倍，即須連續17年不吃不喝才能置業。 報告根據去年第三季資料顯示，本地家庭年入息中位數為28.7萬元，按年增加6%；但樓價中位數升幅更驚人，按年急增22%至489.2萬元，令樓價入息比率由2013年的14.9倍，上升至去年的17倍，創該報告設立11年以來的新高。 據該報告提出的可負擔水平，樓價在家庭年收入3倍或以下屬「可負擔」標準，而佔家庭年收入3.1至5倍則屬於「難以負擔」或「甚難負擔」，至於比例達5.1倍或以上，則屬「極難負擔」。 值得留意的是，報告於去年第三季統計，至今本港樓價持續上漲，升幅近6%，相信現時樓價入息比率或再進一步上升。 溫哥華10.6倍排第二 遭拋離 若以樓價入息比率增加幅度計算，香港同時屬於十大樓價最難負擔城市增長最快的地區，進一步拋離第二位的加拿大溫哥華（10.6倍），及第3位的澳洲悉尼（9.8倍）。 雖然該報告調查的中國城市只有香港，但報告認為，引述早前《經濟學人》研究，深圳的樓價入息比率達19.6倍，而研究選取深圳住宅面積達1,076平方呎，較本港的484平方呎為大，顯示當地樓價中位數實際應遠低於香港。 報告又指，去年第三季接近48%住宅成交價逾500萬元，比2013年同期家庭收入微升，只有30%住宅成交價逾500萬元為高。 關焯照：收入追不上樓價升幅 經濟學家關焯照表示，報告反映家庭收入遠遠追不上樓價的升幅。他指早前政府已指房屋短缺接近尾聲，反映政府亦無意在短期再推出「辣招」或「加辣」，相信只會在金管局以收緊按揭成數做法着手。 撰文:余敏欽 |
|
21. law student 2015-01-20 15:17:45 |
|
亮劍, PP, 雖然法子未答, 但應該都同你地一樣, 唔同意博士分析居多. 咁樣先有趣, 我地睇睇你地三傻會唔會: 三個臭皮匠, 勝過湯文亮!? |
|
22. hgrace 2015-01-20 15:19:13 |
|
咁多點解, 只因打飛機唔駛用套也! XD 依家係強仔個鄰居明仔見阿強仔同車車一夜歡好之後, 諗下佢心宜已久嘅香香bb都有機會冇人陪過生日, 可惜佢搭一個站去屈人寺發現斷貨, 返到樓下7仔見都係得返兩盒, 而且同店有另外三個麻甩仔响店入面行行企企想買又唔想買之間, 所以明仔決定先下手為強, 即使冇特價都掃返兩盒先啦! :P |
|
23. 蟹民：多餘 2015-01-20 15:20:36 |
|
其實公屋平租正係培養出一群長期享受公屋平租而剩有餘錢買公屋條件，而狗官再比多次優惠班既得利益群升呢做業主，政府係用利誘方法接收市場上一群有多餘錢既公屋既得利益者進入業主大隊。即使公屋賣價有多少折扣，其目的就是比＂富户＂走捷徑成為炒買市場一份子，亦如狗古所言，製造需求管制。用公屋資源去消耗一部份富户置業需求。簡單一句，政府提供條炒樓捷徑比公屋富户，但要有耐性等三伍年樓價上升到有可觀利潤後，再升呢進入私樓派對。 因為公屋户買公屋最大潛在買家，必然係有餘錢而自知係富户行列。 否則何需放棄享受市值兩折租金福利。 當大家焦點去討論公屋賣價及條件及公屋流轉論，其實已經比狗官玩弄緊，誤以為狗官有什麼公屋良策，因為如何包裝買賣公屋意念，始終唔可以否認係違背左＂政府建設廉價出租房屋＂意義同目標社群！！ 即＂廉租屋＂而不是什麼＂富户廉價屋＂。 至於什麼收回成本論，更加係一張無聊包裝紙。
|
|
24. 路人甲 2015-01-20 15:32:48 |
|
|
|
25. Peter Paker 2015-01-20 15:40:36 |
|
to 22/F hgrace
笑死我 la....... 正好今天的市況 |
|
26. 狗頭貓 2015-01-20 15:50:51 |
|
江湖事江湖了 , 市場事市場了 , 有人夠膽買 , 有人夠膽賣 , 高手過招 , 死傷難免 , 如非高手 , 只宜睇戲 , 哈哈 . 賺錢易賣樓 , 賠本兼入肉多數寧守不願賣 , 如高位買樓人數累積越多 , 則早幾年已買樓的業主越happy. |
|
27. 朗晴 2015-01-20 16:22:51 |
|
我有個朋友，獅子銀行經理與家人同住，幾年前銀行offer 免首期加一厘按息但佢當時無買． 上個月因為攪出人命要結婚，買了青衣藍澄灣兩房，差不多要5球，時間是不能把握他就是你的敵人，反之就是你的好朋友． |
|
28. 師奶仔 2015-01-20 16:57:54 |
|
身邊也有好多朋友, 有個錢但唔肯買住, 好似博士咁話'' 睇定D先', 如是者, 講左好幾年 |
|
29. PL 2015-01-20 17:10:20 |
|
PP 兄: 最後你在北角有沒有搵到實用 1000 呎約 3.5 - 4 萬蚊的租盤 ? 你有沒有發覺就算現在出售及出租樓盤依然十分短缺 ? 我記得之前有位網友提出一條問題 , 佢話係自己身邊的同事 , 朋友及親人需要買樓或租樓的多或是需要出售物業多 ? 我自己發覺身邊人就是需要買樓或租樓居多 , 我又記得蔡先生曾經講過一個 4人家庭 (夫婦及1對剛剛讀完書出來做事的仔女) 住係1000呎樓 , 但係呢個家庭的子女情願1開3, 即是父母住1間, 仔女各住1間, 各住350呎的樓都無問題, 因為有私人空間 , 而佢講呢個情況亦正正在我老闆身邊朋友出現此情況喔 , 可以想像住屋需求之大 !
|
|
30. 無棱倆可的見地 2015-01-20 17:23:00 |
|
其實小弟一直都好欣賞湯博士對樓巿獨到的見解..但最近看他的博客開始有點悶..感覺他對樓巿的見解已經不如以往了..看了也不覺有咩point..有時還有出現矛盾的見地..究竟是否現巿況真的這樣矛盾讓湯博士的洞見變得無棱倆可呢..有時看到這些無棱倆可的文章真覺沒趣.. |
|
31. 亮劍 2015-01-20 17:34:26 |
|
明仔因為心急搶購，所以唔知那兩盒杜杜係倉底貨。 半年後香香bb生日，明仔真的可同佢嘅女神共處一室。 他們情到濃時，终於…… 但明仔唔知原來個袋過咗期，佢攪到香香有咗bb。 明仔仲未考倒會計師牌，香香仲讀緊 yr 3，他們的父母住嘅係居屋仲供緊，其次他們亦無乜弹藥同佢哋畀首期。 現在攪出人命，考專業試、讀大學、同明仔父母住、租楼or買楼……
盲搶袋的後果？ |
|
32. CD ROM 2015-01-20 17:59:21 |
|
博士講緊形成新的equilibrium的過程jel, 而所謂新的equilibrium 會一定比現價低嗎? 也未必...
另外博士一句 "較早前按揭證券公司總裁李令翔提出警告，說現在置業的人的經濟狀況大不如前，我認為不能忽視李令翔警告，因為，從按揭保險申請者的質素和數量，就可以睇到一些端倪，現在，太多人申請按揭保險，質素又不佳"
點出這個不能不妨的fact, 向下的一個引子~~~ |
|
33. law student 2015-01-20 18:27:55 |
|
價格不外是由供應及需求決定. 1. 供應:唔信狼英可以增加新供應, 但亦可以肯定唔會少過而家(去年一手樓落成量有1.4萬個單位), 就當佢持平(1.4萬個單位). 但要留意2012年「雙辣招」的禁售期將逐漸有單位解禁，可增加二手樓供應. 2. 需求: 未來需求會係多過而家定少過而家? 無可否認而家既需求係大量, 但問題是, 要再推高樓價, 未來需求一定要比而家更大, 否則, 樓價只會持平. 我想問, 大陸經濟開始下行, 又停左投資移民, 美國又復甦停QE, 歐洲就算QE, 的錢係都係去瑞士先. 中國又打貪. 就算當而家需求唔減, 有咩原因會再有大量需求出? 3. 要注意就算一手供應同之前一年一樣, 總供應都好可能會增加, 因為「雙辣招」禁售期完結.而假設一年有20,000個需求(記住係假設), 咁有咩原因今年需求會多過20,000呢? 記住, 係要多過之前既需求, 否則, 樓價最多只會持平. |
|
34. law student 2015-01-20 18:33:04 |
|
近來2手盤少左, 我又覺得好合理, 因為2012雙辣招禁售期就黎完結, 我係業主, 又想出貨既, 都唔爭在等多幾個月先出貨, 起碼比少的稅喇, 係嗎? |
|
35. 四叔如是說 2015-01-20 18:37:46 |
|
有「亞洲股神」之稱的四叔，每次記者會均會被問及樓市看法，不過他自兩年前開始，已多番叫人「買地產股好過買樓」，昨日亦不例外，形容現時買股票仍有「水位」，買樓則較難賺錢。他稱自己「好蠢」，身為發展商，這樣說話儼如「倒自己米」： 「成日叫人唔好買樓，夥記都好嬲，因為公司好多樓要賣。」不過他稱，做人要講公道說話，不能只做利己損人的事。他指出，樓市供應日增，樓價升勢長遠難以持續，故較看好股票投資。被問及如何看A股，他則指自己「唔識睇」。 |
|
36. 引刀一快 2015-01-20 18:39:30 |
|
需求係彈性嘅，當大家一窩蜂去追捧，剛需就越剛，一旦出現恐慌，剛需馬上變軟。
當中港兩地交通出現重大改進，好多人對空間嘅需求馬上泄洪，加埋大陸樓下調，可以稍等。 |
|
37. V 2015-01-20 18:47:39 |
|
其實每日講來講去都差不多，內容翻炒又翻炒㗎喎 |
|
38. 契哥 2015-01-20 19:00:09 |
|
因為呢度契弟多！！ |
|
39. Peter Paker 2015-01-20 19:24:33 |
|
CCL vs 新批按揭LTV ratio
近幾個月ccl 升，但LTV卻持續在低位 |
|
40. Peter Paker 2015-01-20 19:26:33 |
|
按保貸款提取宗數（不是新批） 3/2009 - 11/2014
即使近2年，細價樓主導大市成交，按保貸款提取宗數及比例對比幾年前仍大幅下跌 |
|
41. Peter Paker 2015-01-20 19:29:28 |
|
3/2009 - 11/2014 的當月新提取按保貸款佔整體新提取按揭的比例（以金額及宗數計算）
按保比例在歷史低位徘徊，即使近2年，細價樓主導大市成交，按保貸款提取宗數及比例對比幾年前仍大幅下跌 |
|
42. 回 38 2015-01-20 19:31:05 |
|
|
|
43. Peter Paker 2015-01-20 19:32:01 |
|
|
|
44. Peter Paker 2015-01-20 19:42:24 |
|
目前樓市借貸與樓價成相反走向，因此不認為按揭質素轉差的情況存在 ，所以今日買細 价樓的人不一定是弱者 |
|
45. Peter Paker 2015-01-20 20:09:16 |
|
回亮劍兄，我想你上述買袋旳例子不太成立，因為依家D人係有$用貴袋└(^O^)┘ |
|
46. 麗娜 2015-01-20 20:37:27 |
|
博士今天是反客為主第二集，有趣！ 想回12樓的負利率，的確也是小妹這幾天在想的問題。如果美國到最後竟然跟歐洲行負利率的話，是否代表最近我們的看法又要轉鈦呢？世事確實無絕對，就正如今天反客為主，明天反主為客，今年恐怕跌眼鏡的黑天鵝事件特別多！
亮劍前輩的比喻笑死我了！做人有時要有點堅持才行，現在真的要忍忍～～ 😄 |
|
47. 各位會點回應 2015-01-20 20:57:10 |
|
|
|
48. 引刀一快 2015-01-20 21:10:22 |
|
97年叉雞飯，好似唔止廿蚊，我記得果時美心一個最低嘅碟頭飯，都要21－22蚊，事後，到00年，回落番。 |
|
49. 引刀一快 2015-01-20 21:16:39 |
|
47樓兄台
呢度嘅臺柱個個都係大把物業（據觀察），而且經常有位人士宣稱買私樓嘅資格應該係社會最有錢嘅12％人爲主，如果理由屬實，咁大家應該從新認識香港呢個社會，從新學習如何喺呢個社會生存同奮鬥。
如果兄台只係宣泄一下想找共鳴，恐怕係搵錯地方。 |
|
50. 舍神 2015-01-20 22:11:39 |
|
點回應? 博士寫了反佔咁多篇文章，去一一細讀罷! 佔中己把泛民老本燒得7788。 要綁架其他人利益去達政治目的，係好蠢。 把人工高低,物價高低責任全算在政府身上，把警察妖魔化，把普選等同問題解決方法，呢d技倆只可以騙冇社會閱歷的熱血(不經大腦同義詞)青年。 |
|
51. To 47 2015-01-20 22:48:28 |
|
這是「沒有談政治，只說民生事」的生活寫照，所以四叔起三百呎賣一百萬的樓，福有悠歸。 |
|
52. 舍神 2015-01-20 23:17:30 |
|
「沒有談政治，只說民生事」? 香港社會,政黨拉布,乜都反 呢篇文是 「 混淆視聽 ，只說政治事 」罷。 |
|
53. 舍神 2015-01-20 23:24:08 |
|
呢篇貼文在香討都比人笑到面黃，竟然敢在呢度顯醜..... 半題外話: 有一個永冇答案的問題常在我心中: 英政府管治年代最手緊的是軔上學額, 70-80年代只得兩大,80年代一年考入兩大的大學生人數只得2000樓下,大學生是金字塔下幸存的一小群人。 89年大學生如入公務員是14k左右。社會階梯分明, 中三,中五,教院,理工,中大,港大。每個階層離開教育制度便各按其位被吸納到相應階梯。 90年韋亦信下令把兩大收生一年內陪升,同時把其他專上學院升格為大學,香港彈丸之地居然有7所大學,而每所學額是以往的兩倍,即大約學位急升至140000。當年最攪笑現象是正在讀yr 2 dipolma的同學,老師恭喜佢地會以degree畢業，入職公務員及資助機構入職點大躍進!是變相的"最低工資"受益人罷。97後老懂更變本加勵乜乜幾多成人口大專畢業,副學士應運而生,自始，新一代不用怎樣努力就取得學位，好似是理所當然的，在沒在多大競爭下長大，政府的給予像是欠了佢地一般。 結果年輕人越來越遲畢業, 所付學費越來越多, 心頭亦越來越高，話哂"大學生"嘛。 "低"的工作冇人做(大學生走去扎鐵變成新聞)，高的又比上一代移民潮上位的C兄C姊壓著，有排都未死得。連入不了大學的，不少索性做隱青打機算了，更不用說大學畢業生了。 英政府臨別秋波的教育量化寬鬆的慷慨解囊，影響深遠，而且同3D招一樣是條不歸路。 是陰謀論，定香港真的需要那麼多大學生，我冇答案! 如47樓呢篇熱血文章不是犯民打手所出, 單以2014大學生去同18年前大學生比，亦正好反映呢人代並無自知之明。 |
|
54. 香港仔 2015-01-21 07:49:35 |
|
Peter兄，好分析！！！ |
|
55. 亮劍 2015-01-21 08:19:18 |
|
香港仔兄…… PP年幾前的一篇文章，其實到今日仲未過時，希望你抽空细看。 而小弟在呢篇文的回應，如果你有垃圾時間，亦可描一描。
樓市泡沫篇（一）：香港有幾多成業主已供滿樓？
http://m.property.hk/article_content.php?author=PHK_PETERPAKER&com=&id=26892 |
|
56. 災難由此而起....... 2015-01-21 08:25:00 |
|
1992年, 彭定康 上場,推出了一套綜援終身制,綜援世代制,培植了一大群寄生社群,此類型一大批食綜援飯長大的子女,他們根本不應該來到這個世界,因為他們必需佔有這個世界/空間/食物鏈..........災難由此而起....... |
|
57. 亮劍……舊文分享 2015-01-21 08:25:06 |
|
亮劍 2013-11-11 11:54:00
淡淡的謬論：
1）一手劈價，2手要跟？
小業主如果自住，使乜理佢？
又要是有正現金流的話，繼續收租有何問題？
點解要跟價沽？
何況發展商係咪真劈？請睇清楚夾下價唔該！
2）加息之後樓價就會跌？
加息？！請問聲幾時加先？
而且邊個可以整個圖來俾我睇睇，加息之後嗰一年半載就會令到樓跌？
3）政府打房都係為香港好，保護金融系統安全呀？
人哋有幾球首期，只係用入息三分之一去供樓，就唔「俾」人換樓，要罰款！
反而那些要左支右絀班首期，做足九成要借按保，要供足三十年才能緊緊過壓測嘅人，你就鼓勵人家上車！
一句講曬，應該買嘅，你政府唔俾人買！
本來要等待一下嘅，你政府就夾人上車！
4）地產代理都係衰神，夾埋政府、地產商同小業主夾高樓價，魚肉小市民！
地代如果現在仲唱好，夾高樓價，咁叫阿水來接貨？
地代嘅角色，係將買賣雙方分歧收窄，做成單刃先係路，佢理得你業主幾錢入貨，要不要入肉？
對佢哋呢啲賺佣金嘅行業來說，成功做成買賣就有錢，否則斗零都冇，將樓價唱高，令到客源更少，對他們有何好處？
唱好冇生意，唱淡有銀用。俾著我係地代，我就唱淡啦！
5）政府出招，樓價必跌，不要逆勢而行呀！
點解政府要出招？因為佢哋知道，如果唔出招㩒實啲有實力買樓人仕，個市升硬囉！
但有様嘢好奇怪，港人對特區政府嘅信任度好似極低喎，但唔知為何呢下佢哋，又咁信政府打擊樓價會做倒嘢呢？！
6）現在樓價貴，等平啲先買！
點解樓價貴？經濟好人人有工做！
點解樓價趴街？經濟衰好多人失業，焗住或被迫賣樓救急囉！
仲有一樣嘢好鬼衰，樓市跌銀行緊收遮，咁除非你大把水又係打緊份政府工，否則錢莊借條毛俾你！
7）去新界咪有大把地，點會唔夠地起樓？
新界當然有好多地啦！但佢哋都有人霸佔咗啫！你政府要發展，問過那些鄉親父老，四叔同誠哥未？
可能改變政府手持嘅郊野公園地，放少少出來，夠幾拾年用！
但波叔提下咋，已經瓜老襯！
8）現在就話經濟好啫，人冇千日好，花冇百日紅！
人生有多少個十年？你唔襯弍零叄拾歲去搏，唔通等到幾拾勾才去首置？你有冇能力FP呀，否則銀行借6竹過你！
9）租唔得咩？
其實咁多次樓災，災民最主要嘅死因，並非摸頂入貴貨，而係佢哋高估及計算錯自己的供款能力，又無預留後備資金，因而慘遭毒手！
極端例子，你97年摸頂入件太古城，每月供款冇脫期，現在供甩啦！
反之你03年CCL3X俾你百零入康怡又點？三個回合脫咗期，現在咪做租客囉！
在香港除非你老豆老毋有，或者你窮到燶要輪公屋，否則點都要想辦法上車，買樓有風險，但租樓風險亦唔細，如果真係想過、度過、衡量過你冇呢份膽量，咁真的唔好勉強，無謂害人害己累街坊！
10）供唔掂樓咪大6！
現在租緊樓嘅人兄，要是你收入大減，交唔倒租，請問點收科？你個業主會否通融通融唔使你交租？
咁如果一個小業主，遇到相同情況又會點？
無調查我唔會齋講，問過下人點柝招啦！
A 首先供款年期唔好借盡，咁就算有乜冬瓜豆腐都有走棧位！
B 首期最少三成半到四成！
C 預留最少一年按揭供欵備用！
D 毎月當自己係供緊五厘息，有剩做人仔儲備，要是仲係兩厘幾息，千萬唔好還俾銀行，而呢筆供款不要過入息一半！
E 買定保險以防不測！
香港呢次樓市上升浪，係集合以下因素所致，乃完美風暴！
A 經濟好、失業率低。
B 環球利息普遍低企。
C 全世界政府都狂印銀紙，熱錢充斥市場。
D 大陸經濟仲有7％以上增長。
E 香港土地供應嚴重供求失衡，政府想搵多哋地，又受到掣肘。
F 新增以下需求：雙非童、大陸留學生、大學外地畢業生可留港就業。
G 政府想去救火，但用錯火水！
本來要壓抑樓市升勢，應該去增加供應，但打房政策的終極效果，係迫持有物業者唔好再做買賣！
對付炒家嘅SSD⋯⋯迫人厚切取代薄咳，叫人囤積居奇就係呢種！
對付表叔嘅BSD⋯⋯迫地產商（與及港人買家）同佢哋埋單找呢條數！
對付收租佬嘅DSD⋯⋯佔整體2手市場逺一半嘅細呎數單位，本係上車盤來源，但DSD令換樓鏈斷裂，攪到換樓客企曬喺度，換楼不成唯有寄居喺一間細碼樓度，咁就整到大中型單位養老鼠，中小型單位供應更加緊張！
樓飇若是只得一兩個因素，咁對症下藥自當藥到病除，但現在香港所遇到嘅係幾種利好因素齊現，加政府政策失誤！
如上述各項因素繼續，咁下年就會爆單邊，這就係我的預測！
|
|
58. 亮劍……舊文分享 2015-01-21 08:37:14 |
|
25. 亮劍 2013-11-12 09:59:55
現在香港樓價貴到飛起，點解仲有人可以天價入市嘅？
解答呢個問題真係要追源溯始，要從呢班人嘅首期喺邊度班翻來出發！
可能有看官唔知乜嘢叫做財富效應，我俾個例子出來，有一個人在 03年買左一層樓，當時市價當 2 M，拒借銀行 1M，每月要還 7仟幾，利息支出每月大約 5 K多，而呢位人兄於 09年見銀行只收你一厘息就可以供樓，咁拒唔轉按真係太傻仔，因為當時 P按點計都要 2厘多，咁呢位人兄每月供款除時 4千唔使，利息只係 6-7舊水，真係連做人情都唔夠呀陰公！
保守估計呢位人兄嗰層樓點都值 6 M，現在仲爭銀行 70個左右，唔計呢幾年省回每年樓按差額淨執，講緊 5球呀兄弟！
呢啲人有權走去不問價掃高個樓市，因為拒哋啲錢同天跌落來差唔多！
一開二正常過正常，一層自住一層收租真係大把，咁可能有人話個個咁好彩，可以喺谷底買倒貨，你講嘢？
咁我又睇吓 97年摸頂嗰啲人點樣？講句衰啲，97到家都成十五年啦，供淨最初樓貸嘅2成樓下係最低要求，樓換樓或一變二玩細胞分裂真係話咁易！
呢班人話一聲就有幾百個做銀彈，而那些單靠份糧每個月咁儲嘅打工仔請問點同人玩？除非你老豆都有翻層就唔同講法！
呢個市我睇升，但唔屬於家無恆產之人，因為如果你自己份工都係危危乎、又只係揾得嗰萬零银、而嗰幾拾個首期仲要係左支右絀咁班翻來嘅話，咁我可以鄭重其事同你哋講，唔該你們坐定定買包花生睇戲算把啦，否則你一旦供唔掂層樓，你會俾現在做無殼蝸牛痛苦十倍，一個唔好彩成為負資產再俾銀行收樓的話，咁你就會累及無辜，這包括你的家爺仔女，呢樣嘢唔係等幾年破產令解除，就可以當無事發生，而係成世嘅烙印！ |
|
59. 打工仔 Andy 2015-01-21 09:29:23 |
|
|
|
60. 東 2015-01-21 10:19:56 |
|
好笑
唔通特首有得全民提名,
叉雞飯就可以跌返去20蚊???
工資唔係睇你讀左幾年書, 而係睇你的工作對公司有幾大價值.
如果你自問一個月, 都幫唔到公司賺一萬蚊, 亦幫唔到公司慳一萬蚊支出,
咁你老細就算100%俾晒你, 你都唔值一萬蚊.
請問, 你有幾大賺錢/慳錢的能力?
|
|
61. To 60 2015-01-21 10:23:33 |
|
果時佢仲食緊奶, 知鬼點樣捱世界咩, 佢知唔知 97 時響上環飲餐中午茶都百五蚊位落樓, startac 都成皮野一部。 |
|
62. 亮劍 2015-01-21 10:30:02 |
|
唔通特首有得全民提名, 叉雞飯就可以跌返去20蚊???
阿東，小弟绝不同意您呢句！ 如果抗中亂港的反對派，可成功做倒候選人，而佢最後又成功經一人一票做倒特首，你叉雞飯賣20蚊，绝對有可能發生！ 到時不但20元可吃叉雞飯，太古城則王賣 2M 亦唔出奇……
不過到時香港係乜經濟及政治環境，你懂的！ |
|
63. 引刀一快 2015-01-21 10:47:03 |
|
 CCL係一個指數，唔係一個實數，LTV亦係一個比數，同樣唔係實數。 圖示CCL高而LTV低，根本唔能够顯示到底現時供樓人士普遍嘅收入支出比率。 另一個問題，點解圖表開端唔包括97年之前？必須有上一個樓災嘅數據做比較，先至可以對比現時狀况。 圖嘅比例亦完全係障眼法，LTV嘅真正比例,喺01－03時段64％以上，跌至今日嘅54％，只係相差十零個％，唔慣睇圖嘅人，會誤以為波幅係3倍。 01－03年樓價咁低，算夠你LTV70％，實際負債數字係遠低于14年嘅54％，係遠低于。 PP兄呢批圖，好混淆視聽喎！ |
|
64. 就係冇乜錢失業又走頭無路先要買樓 2015-01-21 11:02:35 |
|
大學畢業多年，年過三十，2008年尾失咗業四個幾月，當時個袋只有儲咗十幾年先得到嘅十二萬現金，住係大角咀超細劏房成個人冇晒心機，對前途真係好絕望，成日對住塊鏡問自己點先可以走出困境，當時想去打劫又唔夠膽，想去自殺又怕痛，結果想咗幾日後決定去買樓，始終買樓係自己一生嘅最大願望，雖然最後會供唔起間屋，但係能夠死係自己嘅屋企，就算燒炭死都算係一種幸福。
坐言起行，馬上搵咗份洗廁所嘅工，然後走去財務公司借錢買樓，始終有自己樓燒炭係方便好多嘅，最少都唔駛整污糟人哋嘅地方，但係世事離奇，跟住發生嘅嘢就好似童話故事。。。。。。。。。。。。。。。。。。。。。。。。。。。。。。。。。。。。
2015年1月21日，又一個美麗嘅早晨，從前年退休開始，日日去飲早茶已經成為咗習慣，細細品味清香嘅茶水，慢慢回想呢幾年發生嘅事，真係仿如隔世！，回想當年買第一間屋係想用嚟燒炭嘅，但係結果買咗間屋兩個月後就又賣咗，賺咗XX萬! 之後買買賣賣到2013年超過XX間屋，到2014年就擁有超1000呎冇按揭市區洋樓，我亦係呢年決定退休。
感到走投無路絕路嘅朋友們請不要放棄希望，『山窮水盡疑無路，柳暗花明又一村』是真會發生啲，希望我這個真故事能夠給陷入困境的人希望, 祝好運。 |
|
65. 引刀一快 2015-01-21 11:05:19 |
|
 點解唔加入97年之前嘅數據？相信97年之前同今日嘅拖欠比率都係非常接近0，只有樓災出現之後拖欠個案先至開始真正出現。 張圖攞位又係hardsell咗比例，加大感觀效果，按圖所示，實質上，喺近二十年拖欠個案最多嘅時期， 比例上係100個按揭，有不足兩個拖欠個案，不過，已經出現大量燒炭跳樓同精神失常新聞喇！ |
|
66. law student 2015-01-21 11:18:34 |
|
不同意 PP所說"目前樓市借貸與樓價成相反走向，因此不認為按揭質素轉差的情況存在 ，所以今日買細 价樓的人不一定是弱者" 你show既圖只可証明借貸額相對樓價不高, 按揭質素應該係睇借貸人本身質素(例如職業, 工作穩定程度等), 同借貸額,樓價無關. for example, 一個醫生同一個ibanking既sales同樣借5成, LTV ratio is the same, but which loan is more secured and of higher quality? |
|
67. 引刀一快 2015-01-21 11:28:34 |
|
按保比例在歷史低位徘徊，即使近2年，細價樓主導大市成交，按保貸款提取宗數及比例對比幾年前仍大幅下跌  呢張圖真係睇到我好迷惑，宗數同金額點可能都係6％？？？？？？？ PP兄畫錯圖喇挂？ |
|
68. 引刀一快 2015-01-21 11:31:30 |
|
To 66樓 Law student兄
同意，就係要考慮收支比例同收入穩定性。 |
|
69. 亮劍 2015-01-21 11:52:12 |
|
呢張圖真係睇到我好迷惑，宗數同金額點可能都係6％？？？？？？？ PP兄畫錯圖喇挂？
我兩年前喺呢度寫，政府應該摺埋呢個按保，等那些無三成首期嘅人，借唔倒按保去接火棒，費事佢哋累己累人！ 但PP兄立即打電話同我講：「亮劍你知唔知現在要借按保上會的宗数及金額，只佔整體成交一成楼下，而且不少個案，係申請者本來有叁成以上首期喺手，但因為按保每月只不過交幾佰蚊保费，好多合符資格而又懂得投資的人仕，食得唔好嘥咋，而且買完按保之後，每月总供款要過压测，走数或断供的機会其實好细！」 |
|
70. 引刀一快 2015-01-21 12:06:22 |
|
係畫錯，唔係話佢講錯。 |
|
71. Peter Paker 2015-01-21 12:45:31 |
|
|
|
72. 引刀一快 2015-01-21 13:31:48 |
|
|
|
73. Peter Paker 2015-01-21 14:46:09 |
|
引刀兄，我冇畫錯圖及冇入錯 data |
|
74. Peter Paker 2015-01-21 15:05:31 |
|
|
|
75. Peter Paker 2015-01-21 15:09:58 |
|
住宅按揭拖欠比例最早只有1998-6 data，冇97當年 data 官方冇提供 |
|
76. 引刀一快 2015-01-21 15:29:39 |
|
PP兄，1998年6月已經係樓價下插，頂峰之前一兩年嘅數據有參考價值D。
另外，從拖欠比率個圖睇得出，拖欠都係插水之後先開始，所以拖欠個案并非樓市大跌嘅因，而係樓市大跌嘅果。
好明顯，呢個亦係大陸最怕嘅情况。 |
|
77. 引刀一快 2015-01-21 15:42:07 |
|
宗數同款額百分比同步上落，咪即係幾乎每個按揭個案，無論按保與否金額都係一個數？冇咁蹺挂？ |
|
78. 過路人 2015-01-24 17:41:55 |
|
我應該怎樣理解博士的思維? "現在買樓的人不但實力不足，甚至距離合格的要求甚遠" 這些實力不足, 財力不合格的準業主是如何 "騙過" 銀行的壓力測試的? 是否暗示銀行貸款部沒有跟足指引辨事? |
|
79. 引刀一快 2015-01-24 21:26:32 |
|
宗數同款額百分比同步上落，咪即係幾乎每個按揭個案，無論按保與否金額都係一個數？冇咁蹺挂？PP兄可以解釋一下嗎？ |
|
80. 笑笑頂級外送茶 2015-01-25 17:10:34 |
|
2015年到了 祝你新年快樂喔~！！！ 希望在接下來的一年裏你可以得到你想要的 最重重要的是一定要開心^^快樂過好每一天喲~~~ 外送正妹網站：http://laxx5963.blogspot.hk/ 外送正妹網站：http://ck526152.blogspot.kr/ 外送正妹網站：http://www.rusv562431.com/forum.php ╰★ 性福專線：<請至網站?詢> ╰★ 即時通 ◆ lxx284 ╰★ Skype：lxx284 ╰★ LINE：lxx284 ★更多精彩好茶 更多天然美女盡在【台灣最夯笑笑慾茶園外送茶莊】 ★每天上百名兼職靚妹 等待哥哥們的邀喲 ★營業時間：下午2：00--淩晨04：00 ★服務地點：旅社/飯店/汽旅皆可自選/熟客可以選擇住家 ★服務地區： 台中 彰化 南投 高雄 新竹 台北【買三節可免費送一節的優惠活動喔】 ★見本人滿意現金消費★不強迫★免轉帳★免匯款★免受騙★以客為尊 ★ 【非誠勿擾】請有性趣者加我笑笑帳號唷! 笑笑將熱情為您服務，讓你喝到更多好茶，享受更多優質服務
笑笑在此送出過年優惠套餐~~
【1】大台北4500以上包含4500都有買3+1 【就是看到妹滿意一次性買3節笑笑茶坊在額外免費送你一節】的優惠活動噢
【2】大新竹：6k以上包含6k都有買3+1
【就是看到妹滿意一次性買3節笑笑茶坊在額外免費送你一節】的優惠活動噢
【3】中部跟南部：4k以上包含4k都有買3+1
【就是看到妹滿意一次性買3節笑笑茶坊在額外免費送你一節】的優惠活動噢
生客買加節【兩節以上】可直接升級為vip
享受住家 外約熟客專利喲
2015來個完美的約會吧
|
|
81. 引刀一快 2015-01-25 17:19:22 |
|
宗數同款額百分比同步上落，咪即係幾乎每個按揭個案，無論按保與否金額都係一個數？冇咁蹺挂？PP兄可以解釋一下嗎？ |
|
