|
1. 70 2015-01-13 09:22:07 |
|
貼錢買票 ;) |
|
2. 打工仔 Andy 2015-01-13 09:27:23 |
|
有部份新一代港青, 吃喝玩樂就花盡人工, 買樓就等政府打救！ |
|
3. 麗娜 2015-01-13 09:31:23 |
|
政府好似以為自己好有錢，一日到黑想用曬d儲備甘。 |
|
4. 亮劍 2015-01-13 09:41:11 |
|
要是政府重推首置貸款，即是重蹈老董望居政策覆轍，我亮劍人頭搏芋頭，寫包單上車盤肯定爆升！！
到時又上演翻「上帝要你滅亡、必先令你瘋狂」劇本，一世人俾你「七」一鑊已經夠皮，為何有人仲喺度七完再七咁望九？？？
早前報紙講：……東環買家彭先生居於離島長洲，因為即將結婚，剛以約500萬元買入一個兩房戶自住。被記者問到現時樓價是否很高，他二話不說「瘋狂啦簡直，但都要生活架嘛，冇辦法，被逼都要(入市)，唔合理都要做。」
@@@@楼市升到荼蘼，就會有人被焗高追平淡倉，彭生呢種就是典型😨
當淡倉平得七七八八，購買力就耗盡，咁大跌市就開始！
楼市升到荼蘼……
即衡平比會上到 1.6 或以上，(根據法子兄所言，呢個衡平比的決定因素包括價格、租金及息率，因此要是價格不变、租金下跌、息率上升的話，那呢個比率會上升。) 就會有人被焗高追平淡倉，彭生呢種就是典型…… 即喺賣楼廠中，會充斥大量「彭生」。
當淡倉平得七七八八……
當時的租置比率，會去到3/7或2/8。
購買力就耗盡……
最後買家的出現，通常係政府自己陸雲亭睇相，唔衰攞來衰，例如向年輕人派首期；向金融機構威迫利誘叫佢哋向三無人士發出信貸。
咁大跌市就開始醞釀！！！
我之前曾經說過，在升市循環中會經過：
1 個個都唔信
2 升到你唔信
3 升到你迷信
小弟愚見
在 14 年初前係 1。
14 年中到 16年尾係 2。
17 年初到年尾係 3。
跟著………唉！
|
|
5. yylam 2015-01-13 09:55:06 |
|
|
|
6. 在法律面前人人平等 2015-01-13 09:59:23 |
|
在寫文章前我收到消息，指施政報告中的房屋政策，政府將會協助有需要的人上車，即是買樓，而不是上樓，即是入住公屋，做法跟以往差不多，就是送一筆錢加一筆低息貸款，協助有需要而又合資格的人置業，本來，這是無可厚非，但在這風頭火勢，樓價飆升的情況下提出這個計劃，好似火上加油，細價樓可能會飆升一成以上，政府的資助全部都去了那些業主，就好像政府推出白居二的時候，那些居屋業主即時提價，令到那些用白表買居屋的人，本來可以稍後補地價，但那些居屋業主代政府收地價，並且要買家即時支付，政府的白居二計劃，間接幫助了那些居屋業主，即是幫助了不應該幫助的人，......... 在法律面前人人平等!!! 推動出售公屋資產,廉價出售租戶值其屋計劃的政客/政黨/就有機會冒犯賄賂選民的劣根性犯法/犯罪行為??? |
|
|
Can't they hear what Dr. says? |
|
8. Michael 2015-01-13 10:10:28 |
|
舊思維。 資助人置業沒有問題，推高或維持樓價在高位可以減少需求。 同時政府出售新公屋給舊公屋戸，可解決財政問題及提供輪候者上公屋，解決了市民住屋願望，不會被逼進入私樓巿場，減少需求。 好像今届政府真的在做實事。 |
|
9. Peter Paker 2015-01-13 10:12:08 |
|
如提供首置貸款俾冇實力的人勉強上車，猶如送佢地上山，或許也不是壞事，因為CCL 可能有機急上至180點，可以先來一個財富大轉移，賺一筆先 |
|
10. 亮劍 2015-01-13 10:21:55 |
|
新居屋昨晚截止申請，房委會外繼續大排長龍，逾7000人爭取最後機會入表申請，令房委會收到的表格累計約4.1萬份，整體超額認購18倍，當中白表為3萬9200份，未計郵寄申請，以綠表及白表的六四分配來計算，白表人士暫時出現「44爭1」的盛況，較前年天頌苑居屋貨尾白表「29爭1」更為激烈。有房委會小組委員認為，綠表申請者比例較低，可能與政府將宣布以更大折扣售賣公屋單位有關。
今次有2160個新居屋單位發售，房委會樂富客務中心至昨午五時再收逾7000份申請表格，累計申請升至4.1萬份，當中白表申請升至約3萬9200份，爭奪864個配額(40%配額)，未計郵遞及各屋邨辦事處所收到的申請表，已出現44人爭1個配額的激烈競爭。至於累計綠表申請維持約1800份，爭奪1294個配額(60%)，超額認購0.38倍。中心至昨日派出約21萬9500份表格，包括6萬9900份綠表及14萬6600份白表。
樂富客務中心外整天排着長長的人龍，人潮一直久驅不散，由房委會客務中心排到樂富巴士站，近數米百長，嚴重影響樂富街市對出的交通，在警方協助下，多次更改排隊路線，更一度要求人龍走上富強街後的山坡。 由於大多路段沒有職員把守，小部分心急市民插隊，惹來其他人破口大罵房委會職員，一度引起混亂，加上昨午下起大雨，市民需撐傘而行，場面可謂十分狼狽。今期居屋售價由187萬元至326萬元不等，吸引不少夫婦有興趣「上車」。婚前已輪候公屋近八年的周先生，婚後一直與父母親和兄長同住一個不足600平方呎的公屋單位，後來又生了兩個小朋友，房署上月告知他要等數年才能「上樓」。
家庭、學生齊齊爭
面對不斷上升的樓價，周先生以白表家庭申請今次居屋，「屋企太細，一對子女已經3歲和5歲，無位走；之前去過屯門、荃灣睇私樓，都要成二、三百萬，唯有排居屋，首期到時再考慮，總之甚麼類型單位都照要。」他更謂，即使抽中低層、門口對廁所，甚至對住墳景的單位都會照買。
同樣想買樓的還有學生，就讀浸大的姜小姐和哥哥以白表資格申請居屋，家住屯門的她欲購買荃灣和沙田區居屋單位。她指現時居住環境擠迫，一家五口同住不足500平方呎公屋，希望有多點空間，想搬出來住，但同時擔心抽中機會很微。
房委會資助房屋小組主席黃遠輝認為大部分到樂富交表的市民都是白表人士，房委會將檢討、增加收取白表的地點。至於綠表申請者比例較低，他認為市民或受到消息影響，相信政府將會研究把沙田水泉澳邨部分原本為公屋的單位，以更大折扣售賣給綠表人士有關。 @@@@@ 5樓------請你睇下列文章多一兩次。 這次新居屋派咗19幾萬份申請表，兩日前計收咗5仟多份表。 呢次申請定於 1 月 12 日截止，正路計打後幾天會係交表高峰期。 如無意外呢次房委最少會收倒 5~6 萬張申請表格。 要是少過 4 萬飛，而到時頭嗰一千個籌又有3~4成人唔出現，即有好多人只是柔性需求，政府要是聽D政棍點係咁抽地去起居屋，咁幾年後随時有賣剩蔗！ 反之要是收飛過6萬，而就算揸28XX号籌都無得揀楼嘅話，咁我亮劍睇今年個市係先升後軟格局，就要作修正。 因為呢鑊隨時係爆升的導火線！ 如果17年之前已經出現井噴，那麼之後楼市崩圍亦會提早出現！ |
|
11. 打工仔 Andy 2015-01-13 10:39:23 |
|
亮劍兄 細單位已經好火紅！再井噴就真係要收割先, 哈哈哈！ |
|
12. 中女社社長 2015-01-13 10:43:43 |
|
悶...為何政府要三番四次粗暴干擾市場運作? 沒首期大部份原因係理財不善, 月光族每月薪水月月清, 政府借首期給此一族非常危險!
正如一個小孩吵著要買糖吃, 係人都知細路食糖食得多會蛀牙, 現在父母反而比多D錢比個細路買多D糖, 牙齒實蛀壞
|
|
13. 師奶仔 2015-01-13 10:45:24 |
|
長遠來講, 樓價唔會點樣平的. 最多話去到一個合理價, 或者稍為合理些的價錢. 點解?? 現在地盤工人缺, 工資年年上升; 即使現在好多私人樓, 甚至係[ 貴價 ] 樓都已經好似公屋咁, 以砌 LEGO般似的, 一組組連窗, 係大陸運落嚟再組裝, 但係, 香港點都要扎鐵, 泥水, 各式各樣的工種. 以前只有長和系的樓係咁方法起, 現在其他地產商都一樣咁做.
除了成本, 也要計時間. 而且, 國內係以人仔嚟付的, 所以, 靠偏辟的地, 那度起樓, 反而係起樓成本貴方塊地囉....
您話啦, D 樓點平呢? 不過, 大氣候若果差, 樓係會在買家接手後, 而大平賣, 這個就與一手樓買入價無關的了.
97年我也經過過, 08年亦然. 跌係一定會架拉, 擔心係要; 但係, 太過擔心的話, 呢世人都唔會買到樓!! 尤其係自住樓, 供樓好過租的話, 都可以考慮. 去到今天才買, 就可能遲了點, 倒不如積極D 去儲$ 睇定D先. 唔好咁大使, '因' 住嚟用, 自古有云: 小富由歛, 大富由天! 我地一齊努力D!!
只怕手上無錢, 唔怕無樓. 只係時間問題!
|
|
14. 新手 2015-01-13 11:43:00 |
|
各位，我有親戚現在想買將軍澳收租作退休金。不用按揭。因為舊錢放銀行越縮越細。佢吾信其他金融產品，有何高見謝謝 |
|
15. 亮劍 2015-01-13 12:43:16 |
|
呢排不少朋友問我，呢期嘅居屋值唔值得申請，真的给他們吹漲，早幾年聽我点咪唔洗咁慘囉……
嗰陣同 D 朋友講，現在買自住係時候，那個時候沙一 395 、豪景及嘉湖3房，全部唔使2M，你可借足95%、按揭利息只是1%，弍拾個上完車仲有錢剩，兼且大把楼俾你任揀！ 他們不上車的理由大把，例如楼價太高、無首期、驚失業、会加息、政府就出招……
但現在他們就去排除攞表交表抽居屋，唔通呢幾年佢哋諗通咗或天降橫財？ |
|
16. 收租佬 2015-01-13 12:52:19 |
|
今朝又去收樓，同埸幾對年青夫妻都笑容滿面，佢地美满人生又踏前一步，呢D咪剛需囉！ |
|
17. 回新手 2015-01-13 13:01:15 |
|
新手兄，唔怕坦白講係你自己啦 ! 我都係度心大心細緊，但回報太少，又唔知有乜其他嘢買，聽施永清講又話明年會回，佢自己重出貨添。 |
|
18. 新手 2015-01-13 13:20:20 |
|
回新手兄，是我姑媽，佢問我好吾好，我覺得吾洗供夠穩陣，雖然回報不高，應夠佢日常生活，宜者可抗通脹。這是小弟簡單既諗法 |
|
19. 江湖隱士 2015-01-13 14:07:39 |
|
有親戚現在想買將軍澳收租作退休金。不用按揭。.......... 有現金買將軍澳收租作退休金之用途。不用按揭。可以自由決定!!!根本不會破產,袛是高回報/低回報的問題,雪中送炭會感恩,錦上添花不如無...... |
|
20. 江湖隱士 2015-01-13 14:18:05 |
|
公屋乃是社會福利資產,政客/政黨人物借花敬佛,賄賂賄選,制造一批公屋幸運兒,為社會制造一部份不公平法則特權,此是不良政客野心家施政方法....... |
|
21. To 18 2015-01-13 16:30:35 |
|
Not a simple Y or N. Your aunt's personal and financial backgrounds need to be considered. Whatever the case, I tend to be conservative and won't put all my money in just one investment. |
|
22. 子婷 2015-01-13 19:01:32 |
|
二十幾歲年輕人工作沒幾年，儲不夠首期買不起樓，繼續儲就是了，樓市有興衰，年輕人只要耐心就一定能等到屬於他們的機會。 三十幾歲了，前幾年不買：1）夠錢但覺得貴，貪心想等跌才買；2）之前不努力儲錢，少少首期、平都買不起； 1）只是他們犯錯、看錯市； 2）只是他們自己選擇了玩樂，不願先苦後甜；
這些也都沒有甚麼必要去干預樓市來處理的。弄巧成拙。 |
|
23. A70 S 2015-01-13 22:45:36 |
|
現在地盤工人缺??? 我看不是,,,,,,是打咭已經有人工. 300 -1 日,判頭照開2XXX單比公司.. SO,,,基本建築4XXX 呎, 是假. |
|
24. 回新手 2015-01-14 10:02:46 |
|
上車與投資
相信去到今日的樓價，其中一個比較多人問的問題就係買唔買。直接的講，如果係無樓要上車的話，買還是要的。但如果是投資的話，咁就可能按情況再諗了。
當然你可能會話點解咁矛盾，點解上車就買得但投資就要諗？不過其實要講買唔買，還原基本步就要諗投資回報同風險。
上車的人黎講，其實面對的回報同投資的都一样，之但係講到風險就未必完全一样。去到今日的樓價水平，一個最入場版的樓已經要三四球，稍好D都要五六球，而且仲要無乜貨你揀之餘再有機會要搶高個價先有得入，唔係話買左無得升，之不過係唔係話有好明顯又值搏的升幅等住你係一個問題。
以往隊長我建議買入的細價樓，當時250萬有交易，呢家已經係320左右，當時隊長我叫入，係因為有明顯的回報升幅，即我認為衝上300萬唔係問題，甚至受惠於按揭的政策，食左20%後，坐住20%的空間黎再搏多40%至400萬，呢條數計落好值搏。但係今日如果你要320萬買，如果諗賺錢的話空間上已經係要去到380-400萬先有肉食，而且上左400之后再升唔升就真係難講，所以睇黎最多只係搏到20%左右的樓價之后就可能會慢，回報比起以前的值搏率細了許多。
不過如果你係未上車的話，咁你要面對一個風險成本就係你唔買樓就可能會比夾死，夾死的原因不外係樓價上升你唔買就要比多Ｄ錢之后再買，而唔買係度等的時間，又要不停比租以及可能會面對加租，條水喉日日啡水出去，呢個風險比起投資者就大左好多，亦係一個我認為自住樓上車都係局住要買的原因。
而如果係投資的就唔同好多，因為投資的話我當你手頭已經有貨，理論上個市升，你至少唔會被拋甩。而又因為有樓係手，你好大機會又要比DSD，成本又高左，再加上面對可能加息（那怕好少都係要加），你再槓杆太大上去的話，本來可能好穏的，又會減低左實力，所以係計條數上，因人而已，不過我認為你無番咁上下鬆動，2015年都係坐係度睇市升算，不買又不賣，保存實力等待下一個臨界點，即係一係你的Cash突然變到好多，又或者大市向下回，以倍數大發揮你的錢的實力，咁先係2015年的理想策略。
本來隊長都諗住出貨，之但係睇見呢家個市咁奇怪地缺盤搶高，睇黎加按持貨先係一個成功策略，總之要做的只係增加current ratio，等自已有足夠的持貨力，那麼大市繼續升跌，都會無往而不利。
|
|
