|
1. 睇得通 2014-09-24 08:26:22 |
|
有不少人在其他行業是精英領袖人才，又確實搵到不少錢，但很奇怪，他們從未擁有過物業，....... 我想: 這些行業精英人才,可能都是戴眼鏡的,他們看不清楚香港的樓房價格是漂浮在多餘的美元堆上的...... |
|
2. 蜕变中嘅懒人 2014-09-24 09:00:36 |
|
香江百年定律： 亞媽係女人、買樓實賺梗；唔買輸實，買就赢突。 1. 深信無論任何悪劣情況之後，樓價長遠必升。2. 明白買樓有槓桿效應好處。 3. 肯定有足夠供款能力渡過低潮。 無須大智慧、買樓最實際；蠢鈍一時、聰明一世。 無論係聰明專家、抑或靠估懶人，結果都完全一樣。
|
|
3. AK 2014-09-24 09:02:09 |
|
I 100% agree with Dr.. House price is never affordable in Hong Kong. However, if you start your 1st house, everything will be a lot easier. |
|
4. 蜕变中嘅懒人 2014-09-24 09:22:18 |
|
香江樓市20年定律： 以2003年為谷底，平均愈靠近03年前後上車長揸至今愈賺得多。 愈靠近1997年同2014年上車，20年之後必賺，兼夾賺20年租金。 信者得救、唔信罷就。 |
|
5. 亮劍 2014-09-24 09:50:27 |
|
香港買楼從來未易過！ 在80年代尾90年代初，应該係香港人置業高峰期，當你買間一百万头的单位自住，做足九成按揭借銀行一球，分十五年还。 當時按息係P加計，閒閒地十厘八厘，高達拾弍叁厘亦試過。 咁我就當平均十厘啦，用按揭計算機計計，1球以平均10厘分15年还算一算，每月要还10,746 元，咁15年总共供咗成 934,290 元息，每月平均俾嘅息係 5,190 元。 80 年代尾的大學畢業生，人工只是5千左右，要人供一万銀楼，真的極度痛苦！
直到5~6年前，因為美國玩QE，按息係H+0.6X計，实际按息一厘左右已好幾年，咁呢次當你借足3M做15年，現在我又當过埋下年美國利息會加，咁就全期計3厘啦。 3M貸款每月要供20,717 元，全期利息支出 729,143 元，平均每月利息支出係 4,051 咋！ 借多2球，同供款年期計利息支出竞然少了过仟元！！
當然每月要供2万元过外，對不少人來說係可望而不可求的惡夢。
根本上港幣的供應，受環球金融政策影響會不斷增加，購買力會越來越弱，呢個就是現實！ 现在大學畢業生前面只有兩條路揀，去做楼奴捱15年；去做租奴捱一世！ 今日你不作決定，許是人就是樣板！ |
|
6. 筆者與太太工作近10年，才儲足首期購買第一個私人住宅物業 2014-09-24 10:01:10 |
|
2014年9月18日星期四 不知何故，筆者竟然成為上期（1279期）《壹週刊》的四位封面人物之一，與李福兆、盛智文和David Webb等投資界名人走在一起，實在感到自慚形穢。細閱內文，發覺有不少問題，故此有必要在此澄清。 筆者記得今年9月8日星期一早上11時許，《壹週刊》記者來電，要求筆者推介一隻股票，並且作詳細錄音訪問。由於當日正值中秋節，筆者下午要探望母親，故此只和記者談了數分鐘，表示沒有時間進行詳細訪問，電話對話中亦沒有提及本人的資產（和負債）。 過去三期，筆者在此專欄推介股神巴菲特的投資智慧，指出長線投資和價值投資的重要性，並認為對自己一生受用，又怎會鼓勵短線炒賣？筆者約四年前決定離開理大，申請提早退休，開展人生下半場，其中一個「任務」正是從事理財教育。之後在報章、雜誌撰文，又到教會、學校、政府部門及非政府組織（社福機構）演講，並且開班，推廣審慎理財，最近把課堂內容整理，出版《與我一生的理財之道》一書。 筆者過去十多年，遇過不少「炒樓」、「炒股」的人，在樓市和股市中損失慘重，連累家人，故此從來不會教人炒賣，自己也不會參與炒賣。對筆者而言，投資是抱有中長線持有資產的心態，定期收取股息、利息或租金；至於炒賣，則只是希望短期內資產價格颷升，然後沽售離場。 筆者考慮投資一個高風險項目時，例如買樓、買股票或外幣，必定查問自己，該項目未來兩、三年，是否每年可以帶來10%的回報？經過翻查過往資料和對未來作出評估，若是有六、七成把握，才會決定入市。動用的資金，亦是未來幾年「唔等使」的錢，故此不會出現賤賣資產的情況。筆者一直相信，只要小心謹慎，不過分貪婪和恐懼，每年賺取10%的回報並不困難。 上期提到筆者「炒股」平均每年回報兩成，絕非事實。筆者退休後主要依賴投資收入（包括股息、利息和租金）過活，不會經常買賣股票，浪費時間和金錢，一般只會在五月前放售兩成股票，過了五月和六月後再部署入市。所持有的股票，絕大部分是高息股和指數基金，股價波幅較小，適合長線持有。間中可能持有某些股票（例如近期的大唐發電和中移動等），數月間股價颷升兩成，才會考慮沽出變現。 至於上期提到筆者亦擅長「炒樓」，同樣與事實不符。內文提到筆者在2004年購入碧瑤灣單位，到2010年因計劃離開理大而沽售，持有六年多，其間一直用作收租，並無空置，又怎能算「炒樓」？2010年沽售碧瑤灣單位後，把資金用作購入北角寫字樓，免費給學生及教友作為辦學之用，亦方便離開理大後與好友及傳媒接觸，把自己所學和擁有的回饋社會。至於近年寫字樓價格急升，這是後話，實非筆者始料所及。 筆者與太太工作近10年，才儲足首期購買第一個私人住宅物業。之後隨着薪酬上升，再購入物業給雙方父母居住。後來子女出世，家中聘用外傭，故此需要轉換較大的單位，透過換樓累積財富。但20多年來，家庭成員的人均居住面積，維持每人大約200平方呎，夫婦的生活水平沒有多大轉變，深信一切是上帝的恩典，有衣有食，便當知足和感恩。 自從2008年金融海嘯後，筆者一直致力推動理財教育，強調財富不是永恒，港人應當善用豐厚財富，造福人群，不應只懂不斷累積，遺害下一代。過去多年亦一直身體力行，學習「施比受更為有福」的道理，日後有機會將和讀者分享這方面的經驗。
|
|
7. JC 2014-09-24 10:14:12 |
|
永遠不會出現容易負擔買樓數據 原因: 用錯份母 以樓價除入息中位數, 便出現xx年收入全奉獻才可買樓的結論. 其實公屋加居屋118萬間, 佔總量265萬間44%. 其中人口佔全港人口45.8%. 換言之, 全港有一半人不用買私樓以滿足居住需要. 數據來源 固入息中位數應以居屋上限$43030樓上的中位計, 再考慮60%以上家庭已供甩樓. 條數完全不同. |
|
8. 行外人 2014-09-24 10:46:31 |
|
|
|
9. 引刀一快 2014-09-24 11:35:13 |
|
To 4樓 懶人兄 5樓 亮劍兄
淡友冇話唔買樓喎，不過揸住舊首期先，減D先出手冇壞啫。 其實引刀喺呢個論壇蒲，就係想買樓，不過兩三年前就已經覺得係柺點，想睇多D收料。 你地都係已經上岸之人，冇咁在意入貨時機嘅，再入都係攞嚟出租，計啱條數，值搏寬容度比好多人高。 引刀一直喺大陸生活，返香港好似返鄉下咁嘅感覺，考量經濟環境會好睇重大陸情况，引刀一直同唔同範疇唔同區域嘅人打交道，引刀老婆工作上亦會接觸好多唔同嘅工程項目，好多老細前幾年就已經喊咁口，情况都係一樣。呢個就係引刀睇淡嘅根源。
“80 年代尾的大學畢業生，人工只是5千左右，要人供一万銀楼，真的極度痛苦！” “當然每月要供2万元过外，對不少人來說係可望而不可求的惡夢。” 今時今日，剛出身嘅人，就算有咁嘅膽力去做呢D事，扛得起每月供款，未必受得住樓價下跌嘅同時打擊，有說“壓死駱駝嘅最后一根稻草”，樓價下跌絕對係一條鐵棒。 |
|
10. 山高雲低 2014-09-24 12:06:55 |
|
博士: 政府叫人不買楼是對的，因為除98一03外，根本是供不應求。如果人人走去買楼，楼價不早升上天。 减少叫人買楼的需求外，勇者無懼的人，才可以在政府不斷打壓下火中取粟。 確不容易，未找到同路人前，條路很孤單。 但十多年来，一直孤單走娥路。直到遇上博士及眾網友。才如明亮辰星。 |
|
11. smallpotato 2014-09-24 12:10:16 |
|
呢度成日有人話美國唔會自己加息去令自己要還多的錢. 一早已有高人指出美國係唔可能自己話要比幾多息你, 你就要收幾多息, in laymen term, 你可以唔借架ma! In practice, 美債息率係由市場拍賣決定. 美國做法係借平錢比市場, 等市場有錢去買佢的債, 從而降低息率. 即係話若果有一日市場唔買佢的債, 息自然上升. 咁咩情形市場會唔買佢的債? 就係的人買股唔買債或做實業投資既時候. 所以唔好諗到耶倫咁大權, 佢都係唔知幾時美國先會全面復甦. 但可以預期, 美國一旦全面復甦, 息口肯定會上到baba聲. 因為係人都知MV=PQ, M一直狂加, 而PQ基本無升, 係因為V係金融風暴後趺左好多. 一早有economist指出, 若果V回復正常, 以而家M既基數, inflation 會係至少30%. 咁你話美國人有無可能容忍30%inflation. 所以, 美國一係唔加息, 但一加息, 肯定超出預期, this is called overshooting in economics since government always over do the things than market expected. |
|
12. 蜕变中嘅懒人 2014-09-24 12:20:13 |
|
TO 9樓 引刀一快兄 絕對明白引兄所講，不過樓市喺呢2、3年風聲鶴唳中都係反覆向上，若以引兄第一天想在香港買樓到今天應該升咗60%以上，不過懶人從來諗唔係你財唔入你袋，人同人講緣份講命運，人同錢都係一樣，賺唔嘅錢只係過眼雲煙。
早幾日懶人提議引兄諗吓屯門碼頭低水區，因為估計真係長揸值搏，懶人身体力行表示對引兄係講真心話，當然同樣市况，各人諗法不盡相同，同意到未必會做，始終由自己全部承担，或者引刀話懶人夠實力唔使諗咁多，其實懶人一向係賭仔性格，好快決定好快落注，輸咗罷就，以前窮到逢月尾要借錢開飯都係一樣。
引兄，一句到尾，自己命運自己决定自己承担。 |
|
13. 山高雲低 2014-09-24 12:28:46 |
|
To 11楼: V是下跌，但仍趨穩定，也不是跌得過份。 P不升的主因，是因为世界各地的Q輸入美國。 將來就算V正常上升了，P也不會上升到那裡去，只要世界各地仍能源源不绝輸到美國平價的Q。 這就是小弟仍感美國有條件不加息的原因。 |
|
14. Santa X 2014-09-24 12:42:24 |
|
聖誕禮物 445, 1249, 27, 1128, 1045, 434, 700, 656, 566, 1448, 1117 |
|
15. 亮劍 2014-09-24 12:52:22 |
|
引刀兄……在80年代尾到90年代初，要是你想上車，最大的阻力，係每月供款高得驚人。 因此你唔做翻十年八年嘢，或考埋那些專業資格，你無可能將入息提高到可供楼水平。 而最近幾年，阻礙首置客上車的最大原因，变成係首期不菲。 但因為有些90後年輕人，有富爸媽照顧，所以可随手班百幾弍百個，輕易攪倒張入埸票出來。 提議你走落地產舖，同地代混熟之後，佢哋就会話俾你知，那些 90後準買家首期呢伍樂城，係最少有伍樂城，已有人睇数！
世上只有爸媽好，呢個就係現實！ |
|
16. 恒生十成按揭 奇招挽留人才 2014-09-24 13:00:28 |
|
https://hk.news.yahoo.com/%E6%81%92%E7%94%9F%E5%8D%81%E6%88%90%E6%8C%89%E6%8F%AD-%E5%A5%87%E6%8B%9B%E6%8C%BD%E7%95%99%E4%BA%BA%E6%89%8D-215518014--finance.html?from=timeline&isappinstalled=0
|
|
17. JC 2014-09-24 15:00:09 |
|
補充一下 如果照某人講要14年多收入才可以買500萬市區樓, 其份母為500萬/(15*12) =$27777. 對比居屋收入最高$43030 (即是要參考$43030以上那個中位), 可見誤差之大. |
|
18. JC 2014-09-24 15:31:06 |
|
再睇真D, 原來蘋果2014年8月14日新聞是如此: 樓價持續居高不下，中文大學公佈最新「中大香港生活質素指數」顯示，港人物業負擔能力比率創12年來新低。若要一圓置業夢，港人即使「唔食唔住」都需花上14.19年的時間，才有能力購入九龍區一個約400平方呎以下的單位，較2002年時只需4.68年就可置業的情況南轅北轍。
中大經濟學系副教授莊太量表示，本港樓價目前高得「離譜」，市民置業十分困難，「大學畢業生、一對夫婦要儲首期都唔知儲到幾時先得！」他又指出，雖然樓價高也是經濟好的表現，市民仍面對「一齊有錢、一齊無屋住」的困境，港人的購買力雖然全球排第7，但仍然未能負擔樓價。詳情請留意《蘋果日報》。 原來連份子(400尺=???萬)都無講, 我的收入中位推算白做了. 又那14年可能唔食, 何來唔住? 新聞寫手水準之低, 唉! |
|
19. CD ROM 2014-09-24 15:46:55 |
|
引刀兄
你係香港買樓係咪要自住先? 我剛都同一個朋友傾開類似上車既問題, 其實我認為首先你既目的係乜?
1. 自住--咁就有好多同投資角度無關既fact, 如家人通勤時間, 校網等等... 2. 純投資--咁就睇自己眼光, 如懶人兄睇好屯門碼頭, 價低值博率高. 或是如港島區, 認為高處未算高? 甚至乎應該避開樓市? 3. 對沖風險--呢個就類似我朋友既case, 無即時自住需要, 但係又怕宜家仲買得起, 第時唔敢講. 如果係咁我會從你將來認為你自住的fact抽出來先, 例如買同家人同區, 或就近工作區域, 又或目標size要一致.
如3個variables, 1)地區 2)Size 3)檔次, 我選其中2個作為入市既指標, 咁就比較接近對沖既理念.
完全不專業, 純吹水, 請見諒. |
|
20. smallpotato 2014-09-24 15:56:53 |
|
所以我覺得早兩年買左個的就千祈唔好放. 但早兩年未買個的, 就無理由而家黎同人迫. 同意亮劍兄講, 而家後生買樓個的, 好多係靠父幹. 既然係咁, 簡單生物知識, 細胞分裂總會慢下來. 老豆出錢買, 都係買一層細既比你結婚, 唔會再買多層比佢收租掛, 個班後生, 又貪威識食, 要佢供老豆比首期層樓都已夠佢受, 根本唔會有能力買第二層. 衰的講, 層樓首期唔駛出, 唔知辛苦錢, 分分鍾比AA坤佢賣埋都有可能. 既然係咁, 何不等佢力盡時才出手? |
|
21. 亮劍 2014-09-24 16:13:01 |
|
JC君……本人觀察幾年，睇下身邊的親戚朋友點幫D细路上車，結果極其震撼。 首先抽出那些有相同背景的個案，作重點分析。
父母的年齡……50零左右 父母的職業……專業人仕、大公司中/高級職員 父母的資產……有一層到兩層楼，在扣除按揭後有淨值8~10M，其他流動資產例如股票、債券、基金、人仔儲蓄及現金约2~3M。 當佢哋有個80後的仔女就來結婚，而佢既對象的家庭，背景相若。 如果呢對準夫妻都讀過大學，又做咗幾年野，現在兩人夾埋月入 50K，已儲咗幾拾個。 咁要是双方父母，每边都肯夾1球出來，那麼呢對小戀人，就可一次過有錢結婚、買埋楼、仲可以生埋细路！ 結婚後上件 4.5M，借銀行六成即 2.7M，做30年按揭，首期連使用大约2M，現在息率月供约 1 万元，當你加埋3厘息，都只不過係万伍元，供款游刃有餘啦。
想免幾年之後又要楼換楼，双方家長貼多弍拾個，都只是佔他們資產淨值成零啫，绝對講得出做得到！
現在香港供断咗的物業，70万個以上，每年有多少對新人可用呢條数而上車，請心中打算！ |
|
22. sMALL 2014-09-24 16:21:15 |
|
Being a gov. official, always be mindful of expressing one's view on the property market - never encourage buying for it might promote speculation. |
|
23. Peter Paker 2014-09-24 16:28:42 |
|
|
|
24. Peter Paker 2014-09-24 16:29:24 |
|
住宅闲置量驚人 困擾日本地方政府
2014年08月10日 05:40 光華日報
（東京10日電）隨着新建住宅增加、人口下降和老齡化加劇，日本許多城市都出現了住宅過剩問題，成為地方政府的“煩心事”。
日本總務省最近發布的《住宅和土地統計調查》結果顯示，截至2013年10月1日止，日本全國共有5240多萬個家庭，住宅總數約為6063萬套，按每戶一套計算，闲置住宅約為820萬套。闲置空置住宅占日本全國住宅總數的13.5%，創歷史最高紀錄。
這其中，被主人廢棄不用的住宅為318萬套，同樣創歷史新高。特別是以別墅區聞名的山梨、長野、和歌山縣，闲置率更加驚人，分別高達22%、19.8%和18.1%。
日本總務省對闲置住宅的定義為：長期沒有人居住且連續5年沒有使用過自來水和電。
總務省認為，導致住宅大量闲置的主要原因是：日本住宅供給量不斷增加，供大於求，住宅總數超出家庭總數。其次，由於住宅供給增加，地段不佳、設計陳舊、周邊環境較差的住宅很難轉讓、出售和租賃，導致許多住宅闲置。第三，人口結構變化加劇了住宅過剩。由於人口出生率下降，住宅新增需求相對減少，而同時高齡社會到來，使許多子女不在身邊的老人只能在養老院頤養天年，增加了住房闲置數量。
闲置問題涉及大城市
日本的住房闲置問題不僅限於偏僻鄉村和中小城市，還涉及大城市和首都圈。如東京周邊地區，上世紀70年代購買該地區住宅的居民，現在大多已進入高齡，有的住進了養老院，有的已經去世，造成很多闲置房。
住宅密集的橫濱市西區一社區自治會會長说，該社區從10年前就陸續出現闲置房，由於該社區坡道多，道路狹窄，部分道路還不能行使較大轎車，所以即使拆舊蓋新，也很難出售或租賃出去，所以不少住戶都棄之而去、不再重建，房屋被廢棄。
東京都大田區也出現了不少空置房乃至廢棄房。今年5月，大田區有幾棟木結構的獨門獨院住宅有倒塌的危險，可能會危及過往行人。由於找不到房屋主人解決危房問題，大田區政府既擔心又無奈。
制定條例應對廢棄住宅
由於闲置及廢棄住宅缺乏管理，不僅影響城市景觀，還會導致犯罪率增加，並存在火災、倒塌傷人等隱患，地方政府採取措施加以應對。
據日本國土交通省的數據，截至今年4月1日，和歌山縣以及355個市區村町政府制定《關於闲置房屋管理條約》，其中184個市區村町的條例中有“行政代執行”的條款。
秋田縣大仙市在2012年3月底有1415棟遇到積雪和颱風就很有可能倒塌的闲置和廢棄房屋，十分危險。為此，該市制定《闲置房屋條例》，決定對經濟狀況不佳的廢棄房屋所有者提供拆房補貼，或實施行政代執行。所謂的行政代執行就是由行政部門強制性拆除。目前，該市已向33棟闲置房屋主人提供了補貼，還有3棟房屋被“行政代執行”。
長期研究闲置住宅問題的富士通綜合研究所專家米山秀隆说，如果不採取措施，控制新建住宅增加並盡快拆除廢棄房屋，日本的闲置住宅將進一步增加，對城市景觀、防災以及遏制犯罪率上升都將産生不良影響。 |
|
25. Peter Paker 2014-09-24 16:31:31 |
|
如果 "閑置" definition 係真，買日本樓的香港人真係上左條……不歸路。 |
|
26. JC 2014-09-24 17:45:47 |
|
亮劍兄 多謝回應. 我只是有感而發. 中文大學如此大招牌, 也拋出如此草率的研究. 可悲. |
|
27. 70後普通人 2014-09-24 18:26:51 |
|
本人印象中，香港住宅從來都無平到普羅大衆可以容易負擔嘅水平，近年只有89、98、03和09發生咗好大件事先至會平。
私人物業係資產，要付出代價係理所當然。 |
|
28. Small Potato 2014-09-24 19:12:59 |
|
估唔到小人SMALL POTATO 呢個名都有其他巴打睇中潻 :P |
|
29. 蜕变中嘅懒人 2014-09-24 20:29:28 |
|
TO 27樓 70後普通人兄 兄台咁講係洩露咗天機，間接話俾想樓市大冧嘅淡淡知，樓市冧反而係強者入市良機。 |
|
30. 70後普通人 2014-09-24 23:45:07 |
|
To：29樓 懒人兄
如果樓市冧，本人相信到時嗰D淡友好可能只會繼續睇淡。
老土啲講句：機會係留俾有準備嘅人。 |
|
31. 引刀一快 2014-09-25 00:09:10 |
|
To 23樓. Peter Paker兄
日本總務省對闲置住宅的定義為：長期沒有人居住且連續5年沒有使用過自來水和電
呢個定義，真係好嚇人，入屋都會開燈，臨走洗洗手，如果連咁都冇，唔係閑置，應該稱爲荒置，實則可能屋主已經失去管理能力。
我决定，遲D一定要買番間！！！ |
|
32. 引刀一快 2014-09-25 00:47:10 |
|
To 9樓 懶人兄
呢幾日引刀幹活週圍走，冇回答得夠詳細，依傢靜落嚟慢慢講下。
懶人兄興沖沖同大家報喜，當時引刀隱若覺得係咪懶人兄來勁出手俾引刀睇睇呢？真係覺得有少少咁嘅成份，當然，我唔敢講岀嚟係怕表錯情，到時直頭尷生尬死。 引刀唔係唔信懶人兄，而係我睇緊好多様嘢，冇喺呢度一一細講啫，屯門屋同港島屋，我糾結嘅唔單係房價，仲有就係兩者難以取捨，一個又平又遠，一個又貴又近，差價又好恰當咁令兩相平衡。 另外，因應依傢大陸嘅情况，我已經約好一個玩得埋嘅地代，一齊單車游走探況行，搵有潜力嘅投資，屯門碼頭區我亦會過去睇睇。大前年青龍頭一間1200呎連天臺特色單位，賣450，我覺得筍而且蝕極有限，所以聯繫地代，後來冇回應，否則可能早就已經喺香港上車。
|
|
33. 引刀一快 2014-09-25 00:53:52 |
|
To 15樓 亮劍兄
依傢供樓都唔輕架，通漲令生活成本大增，亮劍兄有冇諗過大陸人嚟買嘢多咗，D商鋪會對應匯率稍作調整賺深D，來港貨物數量上升，往往相應事件就係質量下降。咁就係“暗驅蝗”
|
|
34. 引刀一快 2014-09-25 01:31:55 |
|
To 19樓 CD ROM 兄
咁仲話唔專業？好有學術味嘅分析。
我依傢嘅情况係（唔係搞笑，係真嘅）需要自住，但係我又唔可以自己住，所以需求唔太迫切，考慮到投資部份，我對鋪嘅興趣要比住宅高一些，至于對衝，如果“宜家仲買得起, 第時唔敢講”咁我就今日都唔敢講，一定係做咗中途斷供嘅最壞打算先上車。 |
|
35. 引刀一快 2014-09-25 01:33:37 |
|
To 23樓. Peter Paker兄
因爲日本樓市會繼續沉，總會有抵買嘅一日。 |
|
36. Oscar Lam 2014-09-25 07:05:03 |
|
34樓引刀兄，
看來引刀兄這次是認真的，那小弟也認真地談談我的看法。引刀兄買樓的目的是自住兼有投資價值。那懶人兄剛入貨的屯門區、或者元朗較適合兄台，銀碼相對低、近大陸、且前景亮麗。至於現在是否入市的好時機就很難說，好友、淡友各有理據，只要買得開心便好了。
至於引刀兄談及相對看好舖市，街舖價銀碼較高，質素還過得去的入場版1500萬就好像住宅入場版300萬一樣，選擇已不多。而且，銀行一律最多只借4成。
以上是小第愚見，僅供參考。 |
|
37. 引刀一快 2014-09-25 07:42:31 |
|
Oscar Lam 兄
下？？？我平時唔認真咩？
我知道懶人兄揀嘅係好位，亦明白懶人兄真切嘅心意，不過依傢大陸有勁嘢陸續出，我呢類咁貪婪嘅人睇多幾瓣咁解啫，我唔喺呢度公布，我喺度留過email嘅。
|
|
38. 蜕变中嘅懒人 2014-09-25 16:23:07 |
|
TO 32樓 引刀一快兄
引兄話：（懶人兄興沖沖同大家報喜，當時引刀隱若覺得係咪懶人兄來勁出手俾引刀睇睇呢？真係覺得有少少咁嘅成份，當然，我唔敢講岀嚟係怕表錯情，到時直頭尷生尬死。）
懶人係率直但會保留最低限度私隱嘅人，開心同唔開心嘅事都會照直講，絕無炫耀之意，一間細價樓而已，要fullpaid亦只係因為爆咗煲銀行唔借煱住，两公婆同心覺得值博又攪得掂，無预謀下而價亦唔係筍，市場價3小時內就落鎚，因為喺屯門買賣多次，地代好熟似朋友唔會呃懶人，買完開心就即日報告，無諗到其他咁多野；其實早幾個月都試過放低張支票俾地代買另一間，最後因業主变啩唔賣至喎咗，如果當日成交到應該已賺租金夾賺幾十萬。
懶人夠胆提議引兄諗碼頭區，只因06年起已長期留意屯門區，連今次買入咗4隻小豬，算有啲經驗，想俾意見引兄參考而已，引兄另有打算係人之常情，畢竟家家環境唔同，無須尷尬，懶人與引兄感情好，心照即可。
喺樓市呢個非勝即敗嘅戰場，懶人公婆就好似一對胆好大、鬥志強橫、攻擊技術平平、但係好捱得、俾對手打到不似人形死都唔肯投降嘅拳師，雖然出拳唔係最準，但最緊要係可以最後得勝，就算慘勝都好雖敗猶榮。
|
|
39. 蜕变中嘅懒人 2014-09-25 16:29:25 |
|
|
|
40. 引刀一快 2014-09-26 14:38:14 |
|
懶人兄
一句“心照即可”，暖入心脾，引刀亦係好直白嘅人。 人心肉造，地代如果幫你做過三次都養唔熟，咁呢個人好有潛質番大陸搞鬥爭。 懶人兄，300個喺今日香港嘅物價，對你嚟講都係慳慳地五六年生活費啫，唔慳你仲唔止，邊有咩輸唔輸嘅問題存在吖。屯門物業有主題，我真心實話唔覺得係咁需要側重買入價，我買好多二手鏡頭，都係睇啱件貨嘅狀態，只要冇嚴重偏離市價，OK就落手。 幾年前我冇出手買港樓，係睇住大陸樓市覺得柺點快到，又唔係咁迫切要加屋住，咪錯咗囉，但係去年我撩個鄰居放屋嘅時候，樓價都係依傢八成幾，唔係低，因爲我深知，如果樓價唔係咁高，呢d咁啱用嘅位又唔會咁易俾我攞到。（結果係撩起咗佢，但係我成日喺大陸，俾其他人快手攞咗，依傢換咗新鄰居），只要俾得起，啱用係我覺得極重要嘅要素。 我睇好嘅嘢，看重時機多于價位，因爲引刀唔係投資高手，通常覺得會有好大升幅嘅嘢先會有投資衝動，唔識計細數搵成功率高回報低，可以密食當三番嘅穩陣投資。 有大幅提升嘅話，“買唔買得到、買唔買得切”重要過“買得平唔平”。 |
|
41. 蜕变中嘅懒人 2014-09-26 16:31:44 |
|
TO 40樓 引刀一快兄 引兄喺內地時間長，因暸解內地樓市而影响咗對香港樓市嘅判斷，一啲都唔奇，而且好自然將两地關連部分估重咗，懶人覺得以近十年來評估，两地樓市唔係同步得咁密切，引刀不妨將之淡化一啲作预測，可能更好。
引兄請唔好以為懶人可以不問價入口心好，懶人無咁富有，不過要買嘅，市價就係公道價，搶高咗嘅價此刻都係市價，多人搶時買就要快，等係可以但係唔一定會平啲，懶人咁諗：高處未為高，總比低處未為低好。
引兄講得最啱嘅係，買野最重要係啱用，否則平咗都無意思，綜合他人意見以符合自己須要而取捨，至係明智決擇，在此祝引兄好快買到dream house。 |
|
42. 打工仔 Andy 2014-09-26 16:44:38 |
|
懶人兄, 引刀兄 依家香港人真係分化得好嚴重！買會比人話買貴晒, 唱貴晒！其實都係公平交易, 買得起的去買又有乜問題？買方自已會計數對嗎？ |
|
43. 蜕变中嘅懒人 2014-09-26 17:17:16 |
|
TO 42樓 打工仔兄 有升值潛力嘅野先有人搶，搶高咗嘅係當時嘅市價，如果仍有升值潛力，再搶高啲成為遲啲嘅市價，之前嘅高價变成之後嘅低價。
若果升值潛力消失，或向下差價，價格回落成新市價，市場規律而已。
話人搶貴晒嘅人一定係無投資經驗，唔明乜野叫做市價，口嗡當秘笈之人，可以不理。 |
|
44. 引刀一快 2014-09-26 19:12:46 |
|
To 42樓 打工仔兄
D嘢真係搶貴晒，而且，好多貨物嘅品種，來港規格已經同入口大陸逐漸睇齊，呢個就係香港大鑊先兆，如果大陸人來港買嘢只係因爲紙水有著數，咁時間、車費同體力基本上蝕番晒落去，我其實好想搵時間，開個博客慢慢寫呢方面嘅問題同大家探討下。 |
|
45. 引刀一快 2014-09-26 19:13:49 |
|
|
|
46. 打工仔 Andy 2014-09-26 19:19:57 |
|
|
|
47. 引刀一快 2014-09-26 19:22:38 |
|
To 43樓 懶人兄
呢個係囤積居奇嘅問題，的確要防範嘅係，先富起來嘅人，令其他人一直富不起來。大陸依傢成日諗計點樣可以維持社會平穩發展嘅前提下，將財富逐步再分配。 鄧老最有遠見嘅做法就係先讓一部份人富起來，但係後續就係，先富起來呢部份人，肩負責任令全國富起來，好明顯，近年國家經濟走向同呢個目標有明顯分歧，再唔處理，就會俾你所稱爲黑心淡淡嘅全部講中晒。 |
|
48. 引刀一快 2014-09-26 19:33:26 |
|
To 46樓 打工仔兄
唔係通漲咁簡單，首先係兩地匯率，然後就係兩地貨物質量同款色量，香港有優勢。 但係由于太多大陸人來港，唔啱唔主打大陸人嘅生意，會喺旺區式微，淡區經營，咪繼續式微囉，係咪？ 咁旺區嘅嘢，爲咗維持租金，一味迎合大陸人需求，唔敢冒險試新嘢，大陸人一下唔需要再喺香港買，咁D鋪又係死。 依傢雙飛人喺大陸登陸喇，叫利佳薄荷水，遲D仲會繼續有其他嘅。本來香港利用呢d大陸冇嘅貨吸引游客來臨，依傢變成呢D貨品借香港做宣傳賣響咗個名，堂而皇之進入大陸，而香港完成歷史任務就一步步收皮。
|
|
49. 打工仔 Andy 2014-09-26 19:56:24 |
|
引刀兄 我識一個係深圳人, 佢話時常揸車落泥中港城買野, 連油鹽都係香港買, 唔係上面無, 係上面多A貨! 我地d貨始終有多一點保障! |
|
50. 蜕变中嘅懒人 2014-09-26 20:36:11 |
|
TO 47樓 引刀一快兄 引兄咁樣演譯同黑心淡淡嘅演譯，對同一個問题上嘅邏輯思維層次真係天淵之別，高下立見，睇淡睇好或覺得社會制度對自己或一族群不公平，要講出理由並盡可能提議解决辦法，至可以令人信服，口口聲聲望人死，只得反效果。 |
|
51. 引刀一快 2014-09-26 21:36:42 |
|
懶人兄
我覺得根本就係有人別有用心，走嚟搞喎個場，分分鐘係某知名人士微服出巡，我懶理。 |
|
52. Hongkong People 2014-09-26 23:31:50 |
|
引刀兄:
我並不悲觀, 如果對大陸客再沒有吸引力,一時三刻的震盪當然會有,但香港人的長處是靈活,呢樣唔work, 市場慢慢會調節,我相信未到死嘅就會開始調節。只要政府唔好做蠢事就ok. |
|
53. 引刀一快 2014-09-26 23:52:33 |
|
HongKongPeople兄
其實香港唔會真係死，因爲大陸唔俾香港死，你諗諗如果唔係03年搞自由行，香港會點？再諗諗，點解03年之前會咁差，然後再諗諗，我地依傢嘅經濟，自由行承托住嘅部份有幾大。 我亦唔係悲觀，但係覺得想呢個政府唔做傻事，你可能係太樂觀了。 |
|
54. 蜕变中嘅懒人 2014-09-27 00:09:57 |
|
TO 引刀一快兄、HongKongPeople兄
懶人認為最少未來50年，香港民主制度呢個百年老店金漆招牌，在內地仍然係一黨專政社會主義制度未變時，仍然有其存在價值，一國兩制可以保留跨越2047年，作為聯繫世界嘅政制緩衝區，及台湾和平回歸百年大計作出貢獻。
各位早唞。 |
|
55. 引刀一快 2014-09-27 00:52:42 |
|
懶人兄
所以我咪講大陸唔會俾香港死囉。不過有句新俗語：“不作死就不會死“，真係幾啱香港呢個環境。 |
|
