|
1. Or Sir 2014-08-25 09:08:54 |
|
早晨，湯博士，你真勤力，一早就完成一篇文章！ |
|
2. 阿Q 2014-08-25 09:17:23 |
|
去傢俬舖買傢俬，店員一問地址，反應及態度即分。 |
|
3. 打工仔 Andy 2014-08-25 09:27:51 |
|
博士講得有理！ 首先完全不是歧視問題, 出入公屋時見到紋身、金毛、滿身酒氣、粗口爛舌、不著上衫男士的人士機會的確好高！當自己住公屋時不覺得有問題！ 但現在就好唔習慣了！ |
|
4. AH-HO 2014-08-25 09:35:54 |
|
我父母當年拿了公屋，到我出來做野頭幾年時，確實覺得住公屋不錯，負擔不多，而且當時因為拆樓，搬到新的和諧式公屋，地方好見使，地點又好，行5分鐘就到市區地鐵站。 但我老婆唔中意住公屋，他覺得附近的人太雜了，有終日無所事事的人，也有道友、蠱惑仔。。。唔想我哋下一代係這樣的環境下成長。 後來我都係買了居屋，過了幾年，完全無後悔放棄了公屋，因為就是呢個決定，我就賺了過百萬，宜家已經換了私樓了。 宜家睇反轉頭，真的後悔買得太遲，應該一早就買，一早改善自己的生活環境。反而宜家見到甘多人爭住要公屋，只能說他們太短視了。 |
|
5. ... 2014-08-25 10:06:33 |
|
香港就黎變公屋之城，仲要一人一票，即係要窮人決定香港命運？香港邊有運行？窮人之所以窮，好多時都因为佢地懶用腦去改变，用佢地既腦去投票，即係會點？不用多說了~ |
|
6. ... 2014-08-25 10:06:57 |
|
香港就黎變公屋之城，仲要一人一票，即係要窮人決定香港命運？香港邊有運行？窮人之所以窮，好多時都因为佢地懶用腦去改变，用佢地既腦去投票，即係會點？不用多說了~ |
|
7. 中女社社長 2014-08-25 10:07:38 |
|
還記得當年追求老虎時, 外父母不相信我擁有私人港島樓, 故一直窮追猛打, 只為怕我是公屋仔 =.="
|
|
8. 打工仔 Andy 2014-08-25 10:26:45 |
|
To 4 AH-HO 的確是事實！當我自已認識到隔籬鄰舍都有做醫生的鄰居時, 感覺的確是不一樣！ |
|
9. 中女社社長 2014-08-25 10:48:00 |
|
公屋霸權 社會視若無睹
撰文:唐榮
欄名:專家樓論
上周收到筆名「維園亞伯」讀友的投稿，分析公屋戶與領匯租戶的經濟行為引發的影響，分兩天刊登：
近日，特區政府有意提高公屋的租金，平均加幅約為10%，約為150元左右。合乎預期地，當然引起政客的興趣，安排一波又一波的反對集會。
社會棟樑們，從來都看不順眼市場上的既得利益者，不斷要求政府用有形之手去改變，但對於福利上的既得利益者，或者筆者所稱的「公屋霸權」現象，卻視若無睹。
公義也有階級立場
因為，在高牆與雞蛋之間，總要站在雞蛋那邊，哪管那是臭蛋，壞蛋；「公義」是有階級立場的。
香港近日愛唱「問誰未發聲」，在這一題目上，發聲的人多的是，而且論調亦極為相同；但這類聲音為何沒有被報道？
「別說要增加10%，如果能讓我入住，我願意接受100%甚至200%的租金」，類似這樣的評論可說是佔了最多數，所以，可視為香港主流的評論。
讀者可有聽過以下的說話：「入大學的第一件事，就是要先申請公屋」、「抽到公屋好過中六合彩」。社會棟樑最痛恨「地產霸權」的，就是經濟學上的「尋租行 為」（尋租，就是利用「特權」去賺取「市場租金的差額」），而成為「公屋戶」，卻是最低成本的「尋租」途徑，亦最為社會棟樑們的喜愛。
用「特權」賺租差
一個600呎的華貴邨公屋，成交價達318萬元，計算尚未補之「尋租」地價，成本價達538萬元，只要你計算一下該單位的每月按揭成本，對比起該公屋每月 1,000元的租金成本，你便馬上可以知道成為「公屋幸運兒」是多麼光宗耀祖的一回事；再看看馬鞍山耀安邨的一個500多呎單位，在自由市場的租金價格每 月達9,800元；黃大仙公屋的一個263呎單位，亦可每月收取8,000元的租金；這些數據絕對可以引證市民們對「公屋霸權」的評價是對的。
要爭取大量興建公屋，換句話說，就是希望成就香港更多人能成為「尋租者」，更多人成為「公屋霸權」。
公屋的開支，源於納稅人，源於無法享用公屋資源的人，既要面對高昂的生活成本，還得提供民脂民膏去世世代代進貢那些「既得利益者」，收取那較管理成本還要低的租金；最難得的，還每年可享有的租金減免。
你走你的陽關道，我走我的獨木橋，河水不犯井水，讀者可能會認為這是在製造階級鬥爭；不過，希望各位能理解，公屋與私樓是環環相扣，愈多資源投放在公屋， 就會影響私樓的供應，私樓的成本上升又再推動公屋的需求，要解決香港房屋成本的上升，不能飲鴆止渴，而是要縮窄公屋及私樓的成本，這才是資源能有效運用的 契機。 |
|
10. 打工仔 Andy 2014-08-25 10:56:01 |
|
| 政府委託周永新教授進行的《香港退休保障的未來發展研究報告》建議以增加薪俸老年稅來推行全民退休保障，付款額為月薪的2至2.5%。受惠者當然歡迎，我指的受惠者是根本沒有能力付款的一群，另外有一些是有能力，但理財不善，退休前夜夜笙歌，退休後生活逼人。 最令人討厭的是理財不善的一群，他們在年輕時吃喝玩樂，年老時卻問別人拿錢，這對於理財有道的一群絕對不公平，他們要對自己年輕時的放蕩行為負責。 對於弱勢社群，政府可以照顧一下，這批人其實為數不多。政府可以幫助一些有工作能力的人自力更生地置業，那管是低價的公屋房屋。為甚麼我會這樣說呢？有了物業，最少有屋可居，解決了最大的問題，其次可以物業作安老按揭產生現金流。以今日價格計，一個150萬元的物業，便可以每月產生3,000元的現金流至終生。因此與其呼籲以加稅去幫助所有人，倒不如鼓勵有能力的人自力更生，儲蓄置業，相信大部份的人可以做到。現時的建議是大鑊飯式，沒有鼓勵的意味，有能力的、沒有能力的混為一談，要商界及工作勤力的支付一些大食懶的基本退休開支，肯定不是一個可行的模式。 退休是自己的責任，相信大部份有能力的人，也希望安居樂業。政府宜全盤規劃房屋政策，使之與退休計劃同步，令大部份的市民有自己的物業，那時候不難減少因退休而帶來的社會問題。加稅津貼大食懶只會加劇社會矛盾，大部份人還是靠自己的努力好了。 李兆波 中大酒店及旅遊管理學院會計與財務高級講師 | |
|
11. To 10 2014-08-25 11:31:21 |
|
唔係喎, 周永新名譽教授 (注意: 是名譽) 唔係咁講喎, 佢直頭話中產最棧鬼, 最受惠喎, 佢唔明白點解你同我都唔明白囉. 周 永 新 稱 退 保 建 議 最 能 惠 及 中 產
2014-08-23 HKT 09:10 周永新：不明白為何中產人士質疑老年金建議
雅虎香港 - 1 天前 曾志偉個廣告即刻閃過: 健絡通活絡油, 點滴在心頭。
|
|
12. hifi 2014-08-25 11:35:15 |
|
我細個都係住公屋，大左做事就買私樓，以前D人就想盡快搬走，好多時見番D舊街方老人家好鐘意講番自已D仔女嫁左/娶左後搬去XX花園/XX私樓，說時面上掛上喜悅之色。又以前D人都唔係好想入政府工被限制。依家就本末倒置。 |
|
13. 冷面社工 2014-08-25 11:46:08 |
|
時移世易，公屋居民嘅心勢已今非昔比。愈了解現今公屋居民及非法住戶嘅背景，你就一定會同自己講，唔可以容讓自己的下一代墜落到咁嘅地步。 |
|
14. 1992年 2014-08-25 11:46:40 |
|
未來香港是綜援社群的天下啊！..... 1992年彭定康推出…上世紀90年代初，港英政府推出“玫瑰園計劃”這個計劃預計花費1247億到2000億港幣 ... 1992年，彭定康到任香港總督之後，提出要大幅提高福利。目的把香港建成一個綜援港??? ...所以這個社會體系的動力是依賴性的…… 吸引造就了現今百萬綜援社群,未來將會是取待中產社群的地位......除非香港出現一位強硬鄧小平人物????廢除香港人民公社綜援培植寄生蟲制度,否則,未來必定是百萬綜援社群大過天的世界,用百萬綜援社群消滅香港......食窮香港......取代香港........ |
|
15. TO:11 2014-08-25 11:49:57 |
|
因為周教授嘅中產係指供幾百蚊果D人，而唔係供幾千蚊果批高薪族.... |
|
16. 子婷 2014-08-25 11:54:27 |
|
繼續演變至『大家都覺得住公屋是理所當然』的話，還真是個大問題呢...
|
|
17. Small Potato 2014-08-25 12:23:56 |
|
我都係住公屋長大的, 當年都係局住買私樓的, 好不容易,因同老公都無資格住公營單位, 但這樣才令我們有更好的生活質素, 確實, 買樓幾時都係買鄰居. |
|
18. To 15 2014-08-25 12:34:25 |
|
唔係同佢有仇, 大家講事實唧. 其實佢研究左啲乜野啫? Probability 同 discounted cash flow? CFA leval 1 野黎咋喎, 唔通我地果代用對數表, 而家用 excel minitab 就是分別? 駛唔駛用 actuarial 哩個咁嚇人嘅 jargon? 佢份野相當 biased, 預設方向就是要派, 所以不用論證, 就可以研究點樣派. 你稍有質疑, 就是侮辱長者, 我又唔係好明點解佢可以侮辱我侮辱啲長者. 如果佢真係一個忠實嘅 research-oriented scholar, 是不是應該先分析一下一個65+至85+嘅人食幾多着幾多每月要使幾多? 然後現在社會加醫療網加上慈善機構已經可以供給幾多, 基本上今日至於獨居老人生養死葬是不用擔心的(每日上門送兩餐飯, 有病入院有特長住院期), 剩下的也不是派錢可以解決的. 社會資源可以供給有需要人士解決基本生活需要, 而非供人儲蓄或返鄉下搞其他野, 亂咁派, 除左益衰仔紙黨同祈福黨, 仲有乜用? 不過這樣研究, 需要長時期的觀察和跟蹤統計, 而因為預設方向就是要派, 反正左袋入右袋, 方便自己研究, 所以佢個 proposal 可以不設審查, 其實仲可以美其名曰減低誤差添, 唔觀察跟蹤統計咪冇誤差囉, 放原子彈咪唔駛命中得咁準囉. 又不過這樣研究, 估計會揪出很多無病呻吟的人和效率低下的偽善機構, 俾人鬧爆的機會很大. 但事實是, 幾十歲人清心寡慾不可以大魚大肉, 買一餐餸(太少檔口唔賣)分兩餐食, 是維持健康長壽的不二法門. 小弟認識的一個住公屋的六十多兒子與九十幾母親同住, 公援金根本用不完要禁出黎放響屋企。
|
|
19. 綜援社群的天下 2014-08-25 13:11:21 |
|
說社會體系的動力是依賴性的, 不如說滯後的阻力很大, 而滯後的阻力又不停的在製造新的滯後的阻力。 金總監其實可以先去控制中心支持調度員, 再去站為站長同月台職員打氣, 之後講一番道理宣示一個立場, 可以做得很得體, 你有你的道理我有我的道理, 大家的道理可以不同, 我保障你的發言權就行了, 不過佢選擇左向隻狗道歉, 話職員欠缺陪訓(唔通唔知隻狗有冇病會唔會咬人都要抱起佢?)。這樣很好, 下次有狗, 有貓甚至有雀仔企左響路軌, 控制中心就 shut down 個 system, 慢慢搵, 或是職員不滿搞吓罷工也可, 罷工更是權利嘛, 睇吓中港兩線會唔會有九十萬人出黎鬧爆佢. 金總監個樣咁醒, 做管理人員一流啦, 同其他管理人員一樣, 道理是非可以不辨, 要起公屋就起啦, 要派錢就派啦。
|
|
20. 打工仔 Andy 2014-08-25 16:48:07 |
|
現在d政策是間接叫人去領受福利, 乜都唔使做就可以享受人生！ 在社會有貢獻的人就繼續做做.........做！社會點會唔分化？ |
|
21. 引刀一快 2014-08-25 17:16:47 |
|
今日呢篇文章我真係好唔同意。 首先講私樓，私樓鄰居咩質素其實同你無關！就算成龍、譚詠麟、林鄭月娥、劉德華、Angelababy、何守信、鄭欣宜住晒喺你隔離都冇用，因爲做20年鄰居佢地都唔會識得你，除非你係甄子丹喇！有咩唔妥，依傢D人都懶得打電話去管理處，直接報警。 公屋呢，好多人反而係日日打招呼，會同隔離借豉油果隻，呢種生活感受，私樓甚少會有，個個日日關住門，好日唔會撞到一齊搭𨋢，撳隔離門鐘，會嚇佢一跳。 其實講緊就係竹門木門問題，湯生睇唔起窮人啫。 |
|
22. 村長 2014-08-25 17:46:49 |
|
憤青經常話大陸人係蝗虫, 其實佢地自己正正就係本地蝗. |
|
23. A 君 2014-08-25 17:48:35 |
|
回21樓兄台
我住個幢樓都算住咗幾個名人，見面大家都笑笑口、點點頭、吹吹水，我重會同同層嘅外籍租客打網球 ; 另我外家住公屋，我冇徧見，喺依家大熱天時，同嘅人會大汗D，件衫有味，重申，我冇徧見、冇歧視，我每週都能比較到。
|
|
24. 東 2014-08-25 18:00:08 |
|
to 21
你講緊幾多年前?
依家公屋多左好多唔同年齡唔同背景以及唔同國籍的人...
|
|
25. 引刀一快 2014-08-25 18:07:18 |
|
To 24
幾多年前都好，私樓就係冇乜鄰里概念嘅，幾時都係。 |
|
26. CD ROM 2014-08-25 18:10:24 |
|
引刀兄, 你講緊係好果面, 有d似我細個住公屋果陣... 但唔好果面呢? 特別呢10年果d新屋村就堅雜ar... 大陸新移民還好啊, 南亞果d呢?
特別係有小朋友就更加tim...仲有好多精神有問題都見過~~~ |
|
27. 引刀一快 2014-08-25 18:10:37 |
|
回23樓大姐
你字裏行間流露嘅完全就係濃厚嘅階級觀念，我唔想逐個字嚟同你拆。 |
|
28. 引刀一快 2014-08-25 18:19:42 |
|
CD ROM兄
好唔好都有，我細個果時，同學屋企隔離有個南亞家庭，唔知係咪用羊油點燈拜神，成層都膻味！其實，私樓一樣有好多舊區、殘樓。 問心一句，我喺大陸買貨都係揀D唔雜嘅地方嚟買，但係香港有樣嘢好唔同，就係政府同警隊執法力度，唔至于會唔安全卦？ 人係好得意嘅，你越係嫌棄對方，對方就越搞多D新嘢等你嫌棄，我用我嘅傲慢，對抗你嘅偏見，呢樣嘢我吃過苦頭，我理解問題所在。 |
|
29. 引刀一快 2014-08-25 18:28:32 |
|
搭𨋢聞到臭汗味，當然唔鍾意，聞到化妝品除、香水味、古龍水味，同樣唔鍾意，幾靚都唔鍾意。 |
|
30. Sugar 2014-08-25 20:26:51 |
|
我以前的鄰居是個英俊的中佬......很斯文... 經常想向他借鼓油,糖,醋,傘...etc |
|
31. To 21 2014-08-25 21:03:15 |
|
引刀兄, 深層次問題黎喎。一個個人啦, 我隔離屋租客搬左入黎三年, 上個禮拜搬走左, 係上左年紀有過少少知名度嘅人, 出入熱情打招呼, 我去後樓梯丟垃圾唔閂閘/ 落街唔記得抽鎖匙佢地行過會禁門鐘問係咪有事或 keep 住夜晚交番黎, 再隔幾戶只係能夠打招呼, 問吓佢子女響邊度返學咁上下。無辦法, 私樓一梯得幾戶, 加上冇咁多人住或日頭留響屋企, 唔同公屋一梯幾十戶每層又有大 lobby 可供 social, 識一個住居屋的老人家, 上下十層有麻雀腳, 另一個住居屋的傷殘人士, 有好事者響業主會唔俾佢 call 的士停響樓下(在完全不造成阻塞下, 無事尋事只因為眼冤), 之後佢入電梯時個個同佢 say hi, 有一次同好事者同𨋢好事者仲俾人間接問候, 基本上上左年紀嘅係會好傾啲, 又得閒傾啲, 多話題啲. 香港地生活空間細, 壓力大, 人與人間反而想保持距離, 人類學範疇焉, 同胞就唔介意同你脾貼脾逼地鐵嘞, 我唔走埋去, 搭下一班, 不代表我歧視佢, 其實我相當欣賞同胞逆來順受樂天知命的人生觀, 不過我只是放左工想靜靜地坐地鐵, 我想有我空間。上星期出差, 同行 client (未有細路)都話好驚第日個細路會學壞, 我問佢究竟我地細個時社會危險啲定係而家危險啲, 我地又是點長大的, 佢答曰現在的危險在於無孔不入, 反差細, 朋友若無其事一齊索k就索左, 所以要防微杜漸, 防避好多野, anyway, 佢住太古城嘅, 可能係有啲緊張, 對未知數有遑恐, 要與人保持距離, 你可以話佢扮晒野, 不過不一定是歧視吧。講遠左…其實湯生都講得幾明指的是爭先恐後、為左上公屋而妄自菲薄/ 唔諗吓自己可否做得更好, 懶惰成性唔知點解可以一世食綜援, 或上左公屋霸住地方而千方鑽營犯法的人的 mentality 所得出的人品素質推斷, 而不是保安聯防之類, 為政者確實不可讓此風長。 |
|
32. 路人 2014-08-25 23:18:58 |
|
公屋住民兩極化，生生性性那些資本累積較為容易，因為租金平慳慳埋埋，積一筆作投資以錢搵錢，住公屋有生意做有樓收租者不少，因此經常見有名車泊在公屋，如果鮑魚一哥無俾人踢爆佢會交還公屋嗎？自我沉淪者亦為數不少，因為租金支出較別人低變成多左錢可用，公屋戶通常唔捨得穿唔捨得使，但就最捨得食，做飲食的人都知，有人食吓食吓連K仔白粉都食埋者亦有，不過晚景淒涼就各有前因咯。 |
|
33. 博士粉絲 2014-08-25 23:30:51 |
|
抗議博士歧視公屋居民，不過講開就講，住私樓，將來退休，起碼手上有幾百萬慢慢meet，但住公屋，就阻了一個自己發達的機會。 |
|
34. 按居 2014-08-26 01:02:09 |
|
回21引刀兄：
首先我很欣賞引刀兄經常用另一角度理論分析。我都係自小清貧、現在還可。我以前極之討厭「木門竹門」那說法。人大了，開始感受到其實除貪心高傲之外，另有道理是"make life easier"。必須澄清"make life easier"絕不等於"make life more meaningful"。同一班朋友出來，無唸過要做最well-off,但不想包尾，尷尷尬尬。木門對竹門，無論夫婦幾真愛都好，總有不少外人懷着presumption、甚至惡意中傷。大家實講真金不怕烘爐火，但少一樣煩就係少一樣煩。有些人可能好鄙視我，但我只想說我都受過「木門竹門」之擾！ |
|
35. 引刀一快 2014-08-26 01:58:30 |
|
To 30樓 Sugar
原來閣下.............................
失覺晒失覺晒！ |
|
36. 睇得通 2014-08-26 07:16:28 |
|
抗議博士歧視公屋居民，不過講開就講，住私樓，將來退休，起碼手上有幾百萬慢慢meet，但住公屋，就阻了一個自己發達的機會。??????????????? 有什麼好抗議???人各有志,各有收獲,種什麼樹,開什麼花,結什麼果,......貪小便宜吃大虧,吃小虧佔大便宜,....... 公屋居民中的富裕戶主，如果不置業安居,交回公屋給政府,根本就是自私小人行為,我們當然鄙視他....... |
|
37. 引刀一快 2014-08-27 09:05:16 |
|
|
|
38. 賓記 2014-08-29 14:24:28 |
|
政府有冇方法, 能查出有私樓但住緊公屋的戶主或親屬? 要佢地一係賣樓或者搬出公屋? |
|
39. 東 2014-08-29 14:45:30 |
|
邊個政黨會敢得罪上百萬個公屋票源? |
|
40. 引刀一快 2014-08-29 19:37:51 |
|
|
|
41. 金玉其外 2014-10-12 12:59:04 |
|
秀茂坪發生升降機兇殺案，一名有幻聽七旬老翁，疑不滿鄰居一家四口發出噪音，昨清晨趁對方舉家外出，埋伏門外，向男戶主潑淋酒精圖點火被逃脫，竟遷怒對方妻女三人，持逾呎長生果刀追入升降機行兇，慈母護女遭狂捅十多刀死亡，五歲幼女亦臉部中刀受傷恐毀容，疑兇折返家中圖自焚被制服。 |
|
42. 引刀一快 2014-10-12 17:30:20 |
|
|
|
43. 引刀一快 2014-10-12 17:34:47 |
|
最好個個住晒大寶閤、住曉廬！
攞一兩個case嚟講，同幾年前醫生律師男女打電話同DT講買唔到樓，有咩分別？ |
|
44. 睇唔過眼 2015-02-16 13:32:12 |
|
我非常同意。非官方數字統計，一條公屋村內，只少有三至四成居民是領綜援，而他們想改善自己的居住環境，不是靠自己的能力，而只係想政府比他們，政府比唔到，就罵，抱怨政府，而無想過自己去改善。 |
|
45. 掹車邊80後 2015-02-16 14:05:54 |
|
自己公屋出身，屋企係既得利益者，所以公屋其實係保存部份社會弱勢群組既工具，只係宜家被濫用啫
如果屋企唔係住公屋，爸媽負擔一定重好多，我同個妹畢業都可能用好多收入去租金度，宜家自己同個妹都叫買左私樓改善左居住環境，都有少少因為畢業後儲到錢
公屋無問題，係人心態差左。加上近年每日150個大陸人，搞到宜家公屋戶好多新移民，政府又成日鼓勵D新移民拎福利。我老婆屋企生意請個新移民(年紀大大地)，社署3朝兩日就來提個員工香港有乜乜津貼物物福利，仲教佢之後幾年可以申請生果金個養老計劃。不知所謂 |
|
