朋友們知道我對香港房地產都有少少研究，好多時都問下本人對後市點睇。
講真我係好友，因為本人信數據不能騙人！
例如下個財政年度，政府土地表只是有34幅地攞得出來拍，而且佔7成以上嘅單位或樓面面積，仲要係未規劃嗰隻，那麼喺現今嘅環境，環保意識高漲，自私自利心態橫行，反對派係又反唔係又反，建制派為求選票被選民牽着鼻子走⋯⋯咁究竟有多少幅地可於打後一年能完成規劃，仲唔係傻瓜都知答案嗎？
七成土地表地塊喺新界，因為建築成本持續高漲，建築費高過地價嘅土地比比皆是，你建築费每升一百，樓價每跌一百，地價就實俾地產商照扣無走雞，那政府還有幾多百俾人扣？
某君被人問到：「點解你公司揸住啲西九樓咁多年，都唔出嘅？」
某人說：「喺今時今日，我冇把握再入倒平地，那麼我為何要平賣我公司手上那些存貨？」
做地產嘅嘢，平買平賣、貴買貴賣、平買貴賣，都有可能，但你要發展商貴買平賣，咁一係你是弱智講緊笑，或者就係你入世未深十下十下，還未知乜嘢係世途險悪。
現在天榮同白石角呢兩塊地，並唔係冇地產商落標，只是 MTR 及 政府拒絕發展商嗰口價啫！
咁即係手握土地供應權者，並唔認同香港樓市會喺中短期內再向下跌！
那麼流標究竟係向好定向淡？
