早兩日，有代理到公司話要見我，但見我寫緊稿，同事表示可以代我見他們，我話唔好，我自己見，見完才繼續寫稿，見完代理之後，將一個要賣的物業賣走，同事話唔明白，點解以前我唔見代理，今日又見，唔通我早知那個代理攞offer上公司，我話現在的代理嚟公司，是無事不登三寶殿，唔揸住個offer係唔會嚟。
幾個月前，當我們開始放售物業，不少代理上公司攞資料，那些代理由同事見他們，提供適合的物業給他們出售，什麼物業給什麼代理是另一門學問，當時我會打個招呼，但唔需要坐低與他們詳談，但現在又唔同，代理已經有資料，如果唔係揸住個offer，又點敢搵我傾，正式是無事不登三寶殿。
由於銀行追差額，不少投資者被迫賣走手上一些物業，甚至是優質的都要賣，以我們為例，已經賣走十幾億物業，短期內可以多賣十億，滿足到銀行要求，危機算是過去，但賣樓一定要俾時間代理做功夫，他們亦要搵適合，有能力買家，不能熱飯熱食，分析員亦了解這個情況，當中有不少已經轉軚話下半年樓市會上升，大摩甚至話樓市會連升五年，老實說，大摩也是無事不登，沒有足夠把握，點敢話樓市連升五年。
上一則：
下一則：
Javascript must be enabled to use this form.
敬請留言者自律。本網站保留刪除/堵截任何留言的權利。
已經賣走十幾億物業，短期內可以多賣十億，滿足到銀行要求，危機算是過去，但賣樓一定要俾時間代理做功夫，他們亦要搵適合，有能力買家，不能熱飯熱食，分析員亦了解這個情況，當中有不少已經轉軚話下半年樓市會上升，大摩甚至話樓市會連升五年，老實說，大摩也是無事不登，沒有足夠把握，點敢話樓市連升五年。