有老友同我講，香港DSE放榜，有16個狀元，不過與我話大多數狀元會讀醫是有所出入，有報章話三分一狀元未擬習醫，老友可能被報章誤導，如果霎眼睇，會以為只有三分一狀元讀醫，事實上16個狀元之中，有11個讀醫，超過三分之二，但有傳媒唔會話超過三分二狀元擬習醫，反而會話三分一狀元未擬習醫，唔算誤導，但報道手法有些特別。
有很多人不明白，點解有咁多狀元鍾意做醫生，老實說，做醫生唔係搵好多錢，這是社會反映出來，一個愈富裕社會，會產生愈多狀元，而狀元之中，大多數是富二代，家境清貧很難出到狀元，唔係冇，而是很少，富二代的父母都有蘇東坡思維，但惟願孩兒愚且魯， 無災無難到公卿，唔希望子女跟著他們在商場打滾，希望他們可以做一份受到別人尊重的職業，做醫生是最好選擇。
現今醫學世界並不需要神農嘗百草，醫術是不重要，李時珍，華佗也無用武之地，醫德才最重要，
一個由普通家庭的學子最後做了醫生，一定會在工作上取回讀醫的回報，很多時都會建議病人採取不必要療程以及手術，對於有錢人家當然冇問題，但對於家境普通的人就會是一個沉重負擔，一個富二代醫生的醫德一定比普通環境出身的醫生好，我並不是歧視出身環境普通的醫生，以事論事而已。
有老友話我年紀咁大，一定做過好多次手術，我講都冇人信，一次手術都未做過，十幾年前我認為自己太肥，應該要通波仔，在醫院搵了一個不認識的醫生，當時我已經上了手術床，打了麻醉針，醫生再睇我的報告，同我老婆講我不用通波仔，為安全計，做多一次顯影，最後發覺我的血管有八十幾%暢通無阻，或者是塞了十幾個%，不需要通波仔，醫生話冇必要的手術是不會做，幾十萬手術費都冇收，這就是醫德，在很多地方，唔需要開刀都照開，更何況是我主動要求，至今我仍然未做過一次手術，只是每半年抽下血，見下醫生，如果睇我的醫生不是富二代，很難有咁嘅醫德。
