2024年終於過去，樓市埋單計數，樓價下跌了7%，成交量則上升了25%，量升價跌，很多專業人士睇唔通樓市，甚至冇代理行或者測量師行開記者會預測明年樓市，回想2009年，在1月2日，不知幾多代理行或者測量師行預測當年樓市，有知名測量師行甚至認為樓價在大環境轉壞之下，樓價會下跌一半，言下之意叫各位賣走手上持有物業，如果大家聽他們講，樓市想唔跌都難。
雖然在2009年開始時，有很多測量師行都預測樓市大跌，事實上樓市不跌反升，到了年尾，樓價竟然止升30%，政府不得不出招壓抑樓市，第一招就是要加印花稅，超過2000萬物業要加0.5%，應付印花稅由3.75%加到去4.25%，但政府只加高價物業的印花稅，搞到打算買豪宅的人改炒細價樓，令到細價樓升幅勁過豪宅，
政府不得不出招壓抑樓市，直至今年初才將所有辣招撤銷。
2025年樓市與2009年將會很相似，首先是在大家唔睇好情況下樓價有一定升幅，當然唔會升30%咁多，但升10 - 15%是有機會，而在2008年，有銀行要求客戶補差額，call loan ，最後迫客戶賣樓，但到了2009年已經取消，咁樣樓市才有機會反彈，2024年銀行call loan比2008年更勁，不少投資者要賣走手上物業解決問題，估計2025年銀行唔會call loan call得咁急，樓價不但可以穩定，甚至有機會反彈。
2009年樓市雖然反彈，但政府同時出招，對樓市升幅有牽制作用，估計2025年，樓市即使反彈，政府都唔會再出辣招，沒有辣招牽制，樓價可以升得很誇張，所以，今年千祈唔好睇淡樓市，更加唔好將自住單位賣走，否則就後悔莫及。
人口是樓市升跌最主要原因之一，在2009年，政府根本沒有考慮如何令人口增長，反而認為人口增長消耗公共資源，在人口增長放緩之下，樓價又點會上升，2025年又唔同，政府以專才，優才，投資移民等方法搶人才，估計每年最少可以增加10萬人，相等於2萬5千個住宅單，就算公營單位佔40%，私人住宅單位亦達1萬5千個，雖然那些專才未必會即時買樓，但唔買都要租，做成2024年大部份時間租金上升，樓價下跌，到了2025年，不少租樓的專才轉租為買，這股龐大購買力是不容忽視，總括來說，可以用劫後餘生來形容25年與09年樓市相似之處。
