有老友同我講，點解新加坡咁唔講武德，新加坡傳媒話香港做了趕客之都之後，最近出現環保風暴，有多少似潑婦罵街，有失國家風範。
老友可能唔知道，新加坡傳媒如果唔係得到政府默許，俾個天做膽都唔敢講，不過今次唔同，根本不用新加坡政府出面支持，假若香港政府批評新加坡傳媒點解要咁講，新傳媒大可以話他們只是複製香港人批評政府的說話，並沒有加鹽加醋，既然香港人可以侮辱自己政府，其他人同樣可以侮辱，人必自侮而後人侮之。
今次新加坡傳媒所講的環保風暴，只不過是香港政府為了環保而禁止使用塑膠餐具，容器等，令到有不少人話政
府擾民，根本唔需要走塑，其實，走塑是大勢所趨，內地已經實行多年，替代品亦相當完善，走塑是沒有難度，而事實上大家都知道，塑膠的半衰期超過百年，甚至不可以用環保來形容，應該是塑膠污染地球，下一代開始就是受害者，如果情況惡劣，他們一定詛咒我們這一代的點解唔禁止使用塑膠，我唔知道新加坡有冇禁止使用塑膠，就算沒有，估計唔使幾耐就會推出類似香港的法案，不過，新加坡市民不會藉此批評政府，法案很容易通過，又會嚴格執行，沒有批評就不會產生環保風暴，所以，新傳媒夠膽恥笑香港出現環保風暴。
不過，新加坡傳媒的恥笑對香港亦有多少好處，不但嘲笑政府搞環保的人減少了，甚至反而指責新傳媒不應干預香港政府施政，那些人始終是讀書人，知道什麼是人必自侮而後人侮之。
