近日舖頭執笠群組經常報道一些舖頭執笠，搞到人心惶惶，而事實上開張的舖頭多過開張的，但開張的冇人報道，令到一般人誤會香港經濟很差，但這不是最重要，最主要的是大多數執笠的舖頭都唔希望俾人知，正是家醜不想外傳，但偏偏遇上執笠群組揭人私隱，美其名是市民有知情權，當事人是非常無奈。
現在結業的舖頭為免被人誤會，在執笠通告上會寫上理由，例如長期人手不足，或者已經搵夠，去嘆世界，其實，有一個主要原因他們沒有說出來，就是子女不肯回公司接手生意，冇人接手，父母年紀又大，想唔執笠都唔得。
多年前有老友擔心子女唔肯回公司接手生意，問我有何良策，才可以令到子女回公司工作，我話唔知係唔係良
策，不過應該可以叫破釜沉舟，有不少做生意的人在子女大學畢業便叫他們回公司工作，仲要由低做起，最後搞到子女對父母生意沒有興趣，寧願出外打工都唔返公司幫手。
我同老友講，移民離開香港的人有一個特徵，就是不是在外國讀大學或者生活一段長時間，如果他們試過，就唔會咁輕易話移民，所以，父母待子女畢業後，千祈唔好叫他們回公司工作，任由他們去其他公司工作，什麼行業也可以，只要他們喜歡的，幾年之後，當他們受夠了，自願回公司工作，就可以讓他們接手，但如果他們享受自己選擇的職業，則任由他們自由發展，千祈唔好勉強子女，勉強是不會幸福的，與此同時，做父母亦應有準備，隨時可以執笠去嘆世界，不過，大多數子女在外面捱過，知道打別人工是不容易，就會乖乖地回公司接手生意，甚至由低做起都唔緊要。
