有老友話我入錯行，如果買樓收租是一門好生意，應該會有很多人參與，而事實上大家公認猶太人與印度人是最叻做生意的人，印度人都唔做的生意，好做極都有限，我點解咁蠢買樓收租。
我同意老友所講，印度人的確好叻做生意，有時叻得太犀利，聰明反被聰明誤，有租客同我講，以前他是租印度人的物業，第一張租約冇問題，到了續租時，印度業主遲遲未開出新租金，只是叫他放心，到了租約期滿前幾日，業主卒之開出了新的租金，竟然比市值貴20%，講到牙血都出，都只肯減5%，租客已經肉在砧板上，想唔簽都唔得，到了再續租時，租客已經有心理準備，早早搵了樓，但遲遲唔通知業主，到印度業主開出新租金時，租客話自己負擔唔起，在租約到期就會搬走，久而久之，印度業主見自己的物業太多空置，以為香港人唔鍾意租印度人的物業，所以索性唔買樓收租，其實，這是印度人的性格使然，見對方郁不得
其正，冇轉彎餘地，點解唔贏到盡，印度人唔明白贏到盡即是輸的道理。
老友話我亂作，我唔否認，但亦有多少根據，在過去六、七年，有多達2000間外國企業離開印度，終止與印度的合作，包括富士康，日本高鐵項目，小米則被罰到痴線，到最後唯有一走了之，印度領導人認為，外資在印度設廠，已是印度囊中物，遲早變成國有資產，最後，迫使對印度充滿信心的外資離開，其實，外資唔知道，在印度領導人眼中，他們只是租客，所以在最初傾談時沒有問題，不但批地，而且仲有補貼，但當進入了印度之後，那些批地補貼變成空中樓閣，但各項所需資金及稅項不斷湧出來，最後迫使外資離開，所有設施收歸國有，在印度人眼中是一大勝利，但是嚇怕打算去印度投資的人，沒有人投資，就好似層樓空置，雖然可以攞到租客所有設備及裝修，不過冇租金收入，又點可以話自己贏。
