在星期一打風期間，去了一間小店食晚飯，記得大約半年前去過那間小店，當時的出品很差，服務很差，小店老闆話生意很差，打算賣盤畀人，問我有冇人有興趣，我話現在咁嘅環境，小店又蝕緊錢，我相信有興趣的人很少，如果打算賣盤，首先要做好盤生意，
做餐飲不外乎招呼與食物質素，在招呼方面，如果客人有投訴，就千祈唔好同他們拗，換過一碟，成本不是太高，而食物質素主要是新鮮，份量要夠，客人是要儲返嚟，當有足夠生意以及利潤，才考慮賣盤，當時小店老闆話多謝𧶽教。
其實我唔識做飲食，不過做生意一理通，百理明，我記得公司最初的時候買一些舊屋翻新，然後再租出去，當有一個穩定以及有名租客之後，就將物業賣走，老實說，利潤是非常好，但好似有一種為他人作嫁衣裳感覺，就算賣得好價錢，又要搵其他舊樓做翻新，出租，忙來忙去，最終得個吉，最後老闆決定，翻新後又租得唔錯的單位只租不賣，期間我又用了一個辦法叫逢三退一，在市道最旺時候，將質素比較差的物業賣走，得到現金在日後執筍盤，老實說，這是一個很蠢方法，要用很長時間才睇到效果，而且，利潤是隱藏在物業升值之中，所以，唔係太多人採用這個方法，即買即賣，如果利潤高的話，隨時可以變成一個投資王。
去到小店，仍然由舊老闆招呼，佢話等我好耐，原來佢真係聽我講，落力做好間小店，皇天不負有心人，最後被小紅書唱下，立刻變成網紅店，每月有不俗利潤，老闆見到生意咁好，如果賣走之後變成終日無所事事，就算賣得價錢唔錯，可以再開一間小店，亦未必有把握做得咁好，老闆問，好唔好買咗個舖位落嚟，因為業主開價非常合理，我點會話唔好，小店老闆真係執得寶，從要蝕本頂讓，到賺錢買舖，老闆的心情真係難以形容。
