有老友非常睇淡樓市，希望我可以理解他的意思，然後發文叫人唔好買樓。我話恕難從命，因為如果我叫人唔好買樓，一定會有人問我有冇樓，我事實的確有，而且數目不少，咁就大件事，一定會有人話我如果睇淡後市，點解唔將自己的物業賣走。我真的不知怎樣回答。如果老友可以俾到一個令人信服的答案，我會撰文叫人唔好買樓，老友話睇淡樓市，我話睇淡樓市不是一個理由，點解睇淡樓市才是理由。
老友話擔心加息，買樓的人供樓有問題，這算不算是一個理由，他自己供樓冇問題，即使加4-5%利息都唔怕，我認為咁樣同買樓的人講一定會被罵到失暈，我們又點知買樓的人供樓有問題，更何況銀行會把關，金管局亦要求做3%壓力測試，有樓的人不能夠預測別人供唔起樓，這是帶有侮辱性的建議。咁蠢的事，我唔知道點解有咁多人樂而為之。
有很多叫人唔好買樓的人真的是冇樓，但是千祈唔好以為自己冇樓可以叫人唔好買樓，一定會被打算買樓的人話食不到的葡萄是酸的，而事實上冇樓的人叫人唔好買樓的說服力根本不夠，甚至那人已經錯失了不少買樓的良機。雖然未至於是敗軍之將，但始終一個唔敢打仗將軍不會被人稱為一個戰無不勝的猛將。
