今早有老友到公司，佢話打算買一個物業，雙方已經傾好價錢，但業主臨時反口，話要再考慮，最後加了些少價，如此這般，已經試過兩次，本來今早以原價簽定，但業主又再一次話要考慮，老友問應該點做。
我話要學普京，俄烏幾次和談，本來已經有所進展，但小澤臨時又話要俄羅斯退回2月24日，未入侵烏克蘭之前的土地，已經試過兩、三次，普京冇耐性，不斷奪取更多土地，如果烏克蘭仍然唔肯談判，將會失去更多土地。所以，
我建議老友減價，當業主反口話要再考慮，就立刻將出價調低一些，業主不斷反口，老友就要不斷降價，直至雙方攞出真誠意，就可以稍稍提高一些價錢，屆時便會水到渠成。
老友對我辦法有質疑，我話老友不明白，並不是業主想反價，而是業主實戰經驗不足，收到一個offer好似打了一場勝仗，在朋友面前耀武揚威，一定會有朋友話價錢不俗，不過尚有上升空間，叫業主反價，老實說，不少業主都會照做，如果買家唔壓價，耀武揚威就不會是業主，而是那位叫業主反價的人，買家壓價，身邊的人就會收口，否則，就算買家照業主的意思加價，業主都會再反價，我曾經對業主講，我壓價都是為了他，業主明白，自然水道渠成，佢仲可以鬧那位叫佢加價的朋友。
