最近有評論員話，當經濟回復正常，股市就會下跌，很多人都唔明白評論員意思，他們認為雖然香港受到疫情所累，但股市仍然節節上升，倘若疫情緩和，股市又怎會下跌。
今早去到茶餐廳，有客人問我有冇股票貼士，我話唔炒股，所買的股票都作為長線投資，當某隻股票升到某一個價位，我反而會放售，所以冇乜所謂貼士，買一些大藍籌便可以，升幅雖然有限，但風險亦不高，問我都冇用。
客人話我唔炒股，即是我的生意尚可以，好似老闆一樣，佢都唔炒股，如果生意唔好，蝕皮費，做生意人就會話生意淡薄，不如賭博，最近股市上升，表面嚟睇是好事，但其實很多做生意的人都蝕緊錢，所以他們炒股票，所以，當生意回復正常，股市反而下跌，我相信這亦是評論員的意思。
