今早去到茶餐廳，水吧安哥話政府有冇搞錯，點解唔係有功者留飯不留餸，無功者飯餸不留，現在確診者打賞5千大元，我同安哥講，今次政府做得頂瓜瓜，在上一次做全民檢測時，我對同事講，如果唔去做檢測，稍後發覺確診，就唔好怪我，我後來發覺做得唔對，語氣太重，我應該話如果確診，入院的日子不扣減期假，並且有1萬元，但我的員工全部都有做檢測，所以我冇用這招。
上一次檢測，確診比率很低，因為去做檢測的人感覺自己沒有確診，如果有懷疑就唔去做檢測，尤其是的士司機，因為他們擔心如果確診，就手停口停，所以效果不是太好，今次給確診者5千元，起碼幫到他們些少，亦希望有關行業的人主動去做檢測，香港政府唔夠硬淨，唯有用一些軟功夫。
