今早去到茶餐廳，老闆話有一個親戚想買一個物業，但又唔多夠錢，想搵老闆合作，仲話如果蝕錢就歸佢，賺就兩份分，但老闆知道，買樓唔應該同人合作，所謂合作，只是買入的時候，賣出的時候很多時雙方意見一定有分岐，在升市時有錢賺，一方話賣，另一方話仲有得升，最好等多一會，跌市時一方話走，另一方話守，最後都是反面收場，到最後，老友隨時會變仇人，老闆知道，如果唔想老友變仇人，最好不要大家合作買樓，但如何推卻別人的邀請。
我話請我食早餐，我就教老闆一條橋，老闆當然冇問題，其實亦不是什麼好橋，只不過認低威，話自己運氣唔好，隨時搭沉船，唔想害老友，所以唔敢合作，老闆話掂，我知道一定掂，點會有人同一個運氣不佳的人合作。
上一則：
下一則：
Javascript must be enabled to use this form.
敬請留言者自律。本網站保留刪除/堵截任何留言的權利。
都是反面收場，到最後，老友隨時會變仇人，老闆知道，