今日天陰隂，遲了去跑步，去到茶餐廳的時候已經超過九點，人潮已過。老闆比較得閒，坐低同我傾閒計。佢話有件事想同我講好耐，但每一次見到我的時候都很忙，沒有空閒時間。其實，並不是只有物資供應才會有大造，購買力也有大造。以老闆的茶餐廳為例，早上7:30至9:00是最多人。無論自取外賣或者堂食都做過不停，過了九點，人潮就會突然散去，外賣還可以，但堂食的人就會少了很多。老闆話佢唔明白以新居屋有超過16萬人申請，超額認購36倍。分析員又話購買力澎湃，即是大造。點解地產商不趁著形勢開盤？今個月新樓盤總銷量去到22號只得411個單位，照計地產商是非常懂得睇形勢的人，老闆問莫非有一此特別原因他不知道？
其實，地產商的確是最懂得睇形勢的人，見到購買力澎湃反而會惜售，最低限度一般物業代理都會這樣
說。所以，地產商會減緩開盤速度，亦減低數量。不過，對外就要公布將會有幾多新樓單位在今季將會推出，數字都幾得人驚，大約有8,600個。不過，地產商講左等於做左，只不過向陳茂波交差，到了第二季季尾，大家又睇下總銷售量是多少。所以，購買力是否澎湃抑或是不足，不是靠講番來，而是睇實際數字。不過，在購買力大造的時候仍然不賣樓，我覺得有多少蹺蹊，但做生意的手法各有不同，沒有對與錯，只有賺與蝕，甚至是賺多賺少抑或是蝕多蝕少。雖然我覺得地產商在購買力在大造時仍然不賣樓是無理解，不過到最後，發覺樓價繼續上升，地產商的惜售策略原來才是正確做法。
