今早去到茶餐廳，有熟客話我真的是不懂得睇樓市。不少專家以及業界人士話應該以投資者角度看樓市，眼界就會廣泛一些，會睇到樓市的升值潛力。所以，至今我雖然是一個物業投資者，但同時是一個失敗者。
事實勝於雄辯，中原指數又破頂，我講什麼也沒有用。但如果是以一個投資者角度看樓市，施永青都話現在是收割期而非播種期。事實上現在買樓的人，投資者所佔的比例極少。如果眼界廣泛，就會睇到利息上升、供應增加，甚至時局不穩。在可見未來，投資回報是會下跌，甚至出現負回報，投資者又怎會在這個時候入市？只有那些實力不足，擔心樓價繼續上升的人現在才會入市，但那些人絕對不是投資者，他們會話因為剛性需求，所以不得不入市買樓。如果是以投資者角度看，現在絕對不是入市時機。我估計說那些話的人是曲線警告大家，並不是要以投資者角度來看樓市，而是從其他角度來看，樓市有沒有投資者。如果沒有，入市之前就要審慎考慮。
上一則：
下一則：
Javascript must be enabled to use this form.
敬請留言者自律。本網站保留刪除/堵截任何留言的權利。
久未留言，最近留意到一個趨勢，全世界開始有默契地合唱：唱跌。
好似所有災難都將在今年、下年出現。
相當熟悉嘅氣味，同樣經歷在三年前嘅5月。被操控嘅傳媒，開始突然轉向，鋪天蓋地反映壞消息。
搞到我呢個立志做收租佬嘅耕田佬相當興奮，什至有d動搖，蠢蠢欲動。手上3塊磚就快過3年禁售期，心思思想丟兩塊。地產A老友拍心口話如果肯低市價3-5%，3日內即刻簽約，包賣。
多口問一問老叔父意見，點知俾佢省到暈。結尾一句係：買咗就好好過日子，安心做人，做嘢最忌半途而廢。識跳上跳落係叻仔，但多數會跌親，君不見股市專收叻仔？
我抗辯：投資者角度吖嘛！
結果差d被一個酒樽扑落來。
叔父大鬧：你老豆當日就係貪圖眼前嘅反謂暴利，所以賣田賣地，大大聲話日後跌咗再賣返，結果呢？d錢咪跌左囉！過去10年有幾十萬你呢d儍high！
我即刻笠水唔講，但心底計數，來回手續費三成，但保守估計會跌5成，樂觀d會跌7成，所以靜靜雞打電話俾地產A，話我預備好利是，叫佢發散手足金睛火眼𥄫實，呢排唱淡d專家嘅動向，睇下佢地點樣沽一間買3間，沽一幢入3幢。
邊有理由唔跌呢？衆志成城，麻煩大家一起嗌，一定跌⋯⋯ 七成！七成！七成！
哈哈，刀兄別來無恙！
小弟真係吹大咗，邊有3塊磚吖，得3塊瓦片仔，啱啱夠遮頭咋。刀兄攞來養貓狗都幾十萬呎地，邊有得同刀兄比吖。刀兄見諒，都怪小弟夜郎自大，有怪勿怪！
不過都係要怨刀兄，3年前日日夜夜出來嚇鬼，話賭乜Q118，又什麼再下一浪97，搞到當時小弟驚到手騰腳震，入市時慌慌張張，走咗去買大，如果走去買細，你話幾好呢？依家諗返起，真係「多得你唔少」！哈哈！嗰陣時如果肯聽你老哥點，而家⋯⋯，唉，總之⋯⋯ 總之⋯⋯命也！
刀兄轉型去大灣區洗底後，小弟又冇跟，錯失發財大浪，唉，總之⋯⋯總之⋯⋯ 就係悔恨啦！今見刀兄又日夜論壇出動，賣力依舊，天道酬勤，刀兄加油呀！共勉之，共勉之！
答刀兄第2個問題：
如果刀兄你明，咁刀兄已經係波叔或者菜生李生啦，明冇？(絕對冇得罪之意，實乃係真心話。）
不過阿刀兄，撈到個大灣區波叔都唔錯啦，我真係信你喺大灣有幾十萬呎養緊貓狗㗎！(呢句都係真心話)。)
自住樓都沽埋佢？
刀兄真係睇得咁灰？小弟最盡都只係諗住放一間出來，然後攞來full pay剩低兩間，學東尼嘅零成本操作咋，然點知俾老叔父省咗鑊甘！
老叔父話唔趁低息借錢幾時借錢？我話來緊息口將會升，佢就叫我走出去呢個世界望吓比較吓之後先講，唉！
刀兄真係睇得咁灰？真係咁灰？你知我一直都信你㗎，咁呢浪跌幾多？七成？
割期而非播種期。事實上現在買樓的人，