今早跑完步去到茶餐廳，老闆問我昨晚在會展睇煙花好唔好睇，我話如果有得揀，在會展睇煙花最多只能排第三，甚至三甲不入，而第一就是公司，我們寫子樓有無敵煙花景，第二就是銅鑼灣遊艇會，會展煙花景實在太近，睇唔到全景，又隔著一塊玻璃，不過，要容納千多人睇，又非會展莫屬。
我很奇怪問老闆點知我昨晚去會展睇煙花，老闆話在電視上見到我，咁奇怪，昨晚特首連所有問責官員全部都在會展睇煙花，焦點應該集中在他們身上，我昨晚純粹睇煙花，飲下靚酒，吹下水，不講樓市，不做淡友，風花雪月，非常開心，連不苟言笑的吳秋北都非常開懷，老實說，昨夜的煙花實在燦爛，而香港黃金週開始時不俗，有47萬人次訪港，希望勢頭可以延續下去，睇完煙花之後，回到家裡又要準備今日演講PowerPoint ，老闆知道之後，話私人醒一杯靚咖啡給我。
