昨日情人節，我正在頭痛去哪裡食晚餐，誰不知老婆竟然話想去我寫「茶餐廳亂話」的那一間茶餐廳食，真的是考起我，我只是跑完步去食早餐，都唔知道他們有沒有做晚餐，而且，茶餐廳只適合一個男人去食晚飯，有人話這是男人的浪漫，是是但但，叫碟豆腐火腩飯，咁又一餐，點會同老婆去，仲要在情人節晚上，唯有打電話俾老闆，問有沒有好介紹，誰不知老闆話，此事簡單，好似食蛋糕一件。
昨晚去到茶餐廳，竟然有好多對鬼佬情人，我覺得好奇怪，問其中一個鬼佬，佢話被茶餐廳的廣告吸引，原來情人節晚餐的主菜是「Show me your love」，每位200元，有湯，沙律，咖啡，我同老婆講，茶餐廳食水好深，明日早餐一定要老闆找數，老闆當然開心，整晚Hello Hello，主菜出場，老闆請各位情人要求對方show me your love，但見鬼佬鬼婆立刻咀來咀去，伙計跟著送上粟米肉粒飯，全部鬼佬鼓掌，鬼婆就冇乜表情，情人節食粟米肉粒飯，只不過是鬼佬的浪漫。
上一則：
下一則：
Javascript must be enabled to use this form.
敬請留言者自律。本網站保留刪除/堵截任何留言的權利。
"情人節食粟米肉粒飯，只不過是鬼佬的浪漫。 "
^o^
原來情人節晚餐的主菜是「Show me your love」，每位200元，有湯，沙律，咖啡，我同老婆講，茶餐廳食水好深，明日早餐一定要老闆找數，老闆當然開心，整晚Hello Hello，主菜出場，老闆請各位情人要求對方show me your love，但見鬼佬鬼婆立刻咀來咀去，伙計跟著送上粟米肉粒飯，全部鬼佬鼓掌，鬼婆就冇乜表情，情人節食粟米肉粒飯，只不過是鬼佬的浪漫。