財爺在未宣布競選特首前，搞了一些親民show，行下街，食下飯，報導話財爺去到屋村冬菇亭食俗稱男人的浪漫豆腐火腩飯，要五十元一碟，如果連一杯飲品，我認為可以接受，否則，就真係幾貴，我問茶餐廳老闆，佢話如果是火腩就唔貴，如果唔係都幾貴。
水吧伙計同我講，豆腐火腩飯的並不是火腩，而是俗稱沙梨篤的豬屁股，燒臘舖的下欄貨，唔值錢，換句話說，就真的是幾貴。雖然大家話豆腐火腩飯是男人的浪漫，我認為不完全正確，在星期日，我老婆返了外家，子女各有家庭，雖然，他們希望一齊食飯，但我多數推了他們，我會話想一個人靜下，其實，我想享受男人的浪漫，就是一個人食晚飯，平常唔會叫的食物，一個人食的時候就會叫，如果唔喜歡食就再叫其他，我經常都會一個人叫三四個人菜式，我都知道是浪費，所以，我會叫伙計份量要少一些，錢就可以收足，這就是男人的浪漫，如果單食豆腐火腩飯，幾分鐘食完，只不過是短時間浪漫。
上一則：
下一則：
Javascript must be enabled to use this form.
敬請留言者自律。本網站保留刪除/堵截任何留言的權利。
闆，佢話如果是火腩就唔貴，如果唔係都幾貴。