我亮劍講過幾次，本人好多時係用代入角色的方法來作預測。
例如我想買一隻股票，就代入想沽呢隻股既人之角度；想租間屋出去，就代入想租楼住既人的角度；估一塊地 AV 应值幾多，就代入想投地既發展商果度。
那麼想知香港的政制發展，我不能不代入習總角度。
大家不能否認的現實係，中央先係最後話事人，任何方案佢唔認可，绝不能成事。
咁俾着我係習總，我又點捉呢個殘局呢？？
在中國共產黨的政治體系中，能上到政治局常委，最後得成大统，政治智慧當然有翻咁上下，所以如果我有習總 1% 能量，我做咗特首啦，因此以下所講既嘢，係事後孔明馬後炮，再加少少推断。
首先香港有班在国共內戰後期走咗落來的国民黨殘餘部隊，加上在大陸三反五反、民化大革命等時期攀山越嶺及游水來香港既人，他們及其後代，不少係天生反共人士，所以民主派就算屎到核爆，坐底點都有三成選票。
而香港呢幾拾年，於港英統治時期，做就左一班吃洋奶大，唯西方国家馬首是瞻的学生，呢班人深受西方國家的政治薰陶，骨子裡係隱性泛民既支持者，因此如果香港就咁去攪普選特首，結果可能係習總的惡夢。
但中央前幾年又話香港人可以選自己既特首，所以習總就唯有部署呢個局。
第一步先拉雖然有親和力、辦事又能幹但無咁硬淨的唐唐落馬，換上聽教聽話既CY。
第二步係抛出一個連工聯會都唔敢提的政改方案叫你香港人硬食。
第三步習總都估計倒你泛民會反枱抗議，佔硬中。
第四步就係當你泛民支持者群情洶湧之際出硬功，迫你泛民要企硬。
第五步係扮見到港人同情泛民之時收韁。
第六步係用時間換空間，等泛民各山頭、佔中三子同雙學狗咬狗骨。
第七步係令最激進的雙学迫退相對温和既佔中三子，同埋以中產票源為主的公民與民主黨。
第八步係使主導革命的激進派，不斷地提出連小學生都知唔掂、绝無可能達成的條件。
第九步係拖到你成個雨傘革命，变成神憎鬼厭的名詞！
如此這般，泛民各政黨就會互相指責同攻訐， 推捨責任 去找替死鬼，然後泛民會四分五裂，而激進及中間偏泛民的選民，就會在立法會選舉中互相攻擊，不能有效配票。
當立法會選舉完畢，如按照劇本安排，定必係泛民激進派議席有增無減，但中間温和派的泛民就損兵折將，咁兩方唔反面就奇。
咁就算第二時中央真係咁好死俾你香港人真普選，基於激進同溫和泛民將會水溝油不能協調，那特首之位给反對派攞倒的機會，係等如零！
香港人玩政治，不過係小學鸡程度，点同大陸呢班經過千錘百鍊既政治家比？
在選區劃定無大變動，選舉方式蕭規曹隨 ，死硬泛民超過五成的情況下，點先可以令得票較少的建制攞超過一半的立法會議席？
現在當某立法會選區，有9個位，民調估算泛民得50%，中間派/遊離10%，親中40%。
理論上任何候選人得票 11.11%以上稳得一席，但實際上你攞倒 7-8%应可做立法會議員。
純粹照民調來計，你各派的議席分配應該係泛民坐四望五，中間派分一席，而親中係三到四席。
雨傘革命曠日持久，最大得益者係激進泛民，因為革命會使到年輕人及學生加入成為同路者，而佔領者在着了魔之後，就會成為激進派的鐵票，那麼呢班人會不會甘心情願同人做啦啦隊，搖旗吶喊唔落埸？做得激進派當然思想比較偏激，雨傘革命佔領區不断聽到的一句話就是：「你不能代表我！」可以想像到立法會選舉報名嗰陣，激進泛民随時每區兩叁條隊爭崩頭！
另一方面傳統泛民例如民主黨，佢哋經營地區工作已弍叁拾年，樁腳遍佈一定派人参選，公民黨擁大量70~80後中產擁躉，而工黨搖着為工人謀福利支旗無理由退缩；
泛民政黨如果在民調中發現有餘額，例如15%啦，咁他們一係派兩條隊搶兩席；一係力谷一條隊兩人同時入圍。
阿爺及CY政府現在應做的工作，係整到泛民各派鬼打鬼互挖牆腳，咁泛民就不能合作去調節出選團隊上限及配唔倒票，這會令到各條隊一係唔夠票、一係票数多過頭做成浪費。
咁樣出來的效果就係，泛民各派總票數勝利，但所得議席不成比例。
而喺上一次立法會選舉中，如果親中各派只用加一理論不冒進，而選民又聽話做到認黨不認人，可以根據指示將選票調撥，就可做到以弱制強、以少勝多的效果。
現今世界排名第七，我用有限葡萄牙語與西班牙教練溝通，教練居然叫瑪琳同我打番場波，我想我說的葡萄牙語教練並不明白，其實我想同瑪琳影相，在幾經轉折之後，卒之如願以償，講打波，真的不好，十年前還可以，現在只會出醜，我們做小業主，一定要識得量力而為，否則，輸到冇影。