香港文匯報訊（記者 鄭治祖）「禍港四人幫」之一、壹傳媒集團主席黎智英前日在金鐘「佔領」區被人投擲懷疑動物內臟，3名疑犯被「佔領」區糾察粗暴制服受傷，警方當日拘捕5人，包括2名「佔領區糾察」。反對派及2名糾察趁機大做文章，聲稱警方拘捕他們是「政治打壓」。警方昨日強調，警方處理任何案件必定不偏不倚，提醒市民協助拘捕疑犯時使用過分武力，須承擔法律責任。有律師認為，2名糾察在事件中所用武力超出當時情況，形同施用私刑，警方拘捕2人可向社會發放切勿濫用私刑的訊息。

兩名被捕的「佔領區糾察」分別為工黨的郭紹傑及民主黨的柯耀林，昨日清晨獲准保釋後返回金鐘「佔領區」。他們向傳媒聲稱，事發時只是協助制服懷疑搞事人士，不滿警方反拘捕他們。兩人代表律師、民主黨立法會議員何俊仁聲稱，根據法例市民可協助執法。

民陣非法遊行 無視「黃標」警告

民陣昨日也為此遊行，要求警方就事件道歉，並要求警務處處長曾偉雄下台。遊行期間，警方一度指是次遊行屬非法行為， 並向參與者舉起黃色警告標語，要求遊行者離開，一度引起推撞，但有關人等並無理會。

警方昨日發出聲明，指市民若有需要立即制止犯罪行為，甚至制服涉嫌人士，務須衡量當時的實際情況及自身的能力，更必須確保自己的人身安全。

警方強調，市民只可使用就當時環境而言屬於合理及相稱的武力控制疑犯，但沒有搜身的權力。市民拘捕疑犯後應立即知會警方，將疑犯交予警務人員處理，並提醒市民如在拘捕疑犯時使用過分武力，可能需要承擔法律責任。

警方重申，警方有法定的權力拘捕涉嫌干犯罪行的人，絕不容忍任何暴力事件，任何人如有違法行為，不論任何背景，警方一定會不偏不倚、公平公正處理，呼籲市民若目擊任何人干犯罪行，應立即通知警方。

簡松年：「擲豬客」無再襲擊「郁手」不當

就2名被捕「佔領區糾察」聲稱警方拘捕他們有「政治目的」，本身為律師的港區全國政協委員簡松年昨日接受香港文匯報訪問時表示，當時3名投擲內臟疑犯，在投擲穢物後只是指罵他人就離去，並無作出進一步行動和襲擊行為，沒有需要以武力再阻止其他罪行發生。然而，疑犯事後卻明顯受「糾察」弄致受傷並被綑綁，使用武力程度明顯不符當時情況，形同進行私刑。

簡松年指出，在沒有身體接觸的情況下，3名擲物疑犯一般只構成普通毆辱，是最低度的襲擊罪，「糾察」卻對他人採用過度武力，可能構成更嚴重的襲擊他人導致他人身體受傷的罪行。他說，警方拘捕2人說明社會不容許濫用私刑，制服疑犯亦需堅守法治精神。

陳永良：索帶綁手腳或犯非法禁錮

律師陳永良亦認為，3名擲內臟疑犯並無進一步傷害他人意圖，一般只涉普通襲擊罪，罪行相對輕微，警方亦鮮有綑綁手腳處理沒有暴力傾向的疑犯。然而，2名「糾察」卻令對方明顯流血受傷，更以索帶綁起對方手腳，不但涉嫌觸犯襲擊導致他人身體受傷罪，更可能干犯非法禁錮。

他強調，任何人目擊罪案發生，應第一時間報警，「佔領」者無理投訴警方拘捕他們，只會令公眾認為他們爭取所謂「民主自由」就有特權，對警方絕不公平。

康文署：有需要開醫委會查病假

另外，任救生員的郭紹傑持續請病假，卻「龍精虎猛」地當黎智英的「私人保鑣」，被質疑在「呃假」，有網民要求當局刑事調查。康樂及文化事務署發言人昨日回覆本報查詢時稱，為保障員工的私隱，該署不會評論個別人員的個案，但強調署方一向按照公務員相關規例、守則和既定程序處理員工的工傷及病假個案。如有需要，署方可以考慮根據相關程序召開醫事委員會，或拒絕批准因本身行為不當或故意疏忽而抱病的公務員放取病假。

回：e_kam

反佔中同支持CY、支持中央係兩件事，咁簡單道理咁難明咩？

如果你有睇開湯博文章，你覺得湯博士係唔係支持CY？

其實任何正常有獨立思想成年人，都係對事唔對人，反佔中唔等如支持CY，支持民主亦唔等如支持佔中。

但而家出面佔中果班成日標榜自己有獨立思考能力既學生，做事講野永遠都只得黑同白，你唔支持佢地，就一定係五毛共狗。你支持佢地，明明係大奸大惡都會比佢地捧做英雄。呢種咁特別既"獨立思考能力"，一般有正常思想既人都好難明白佢地。

回：e_kam

另外回一回你個收錢論。

唔係只講中共，大部份政權唔係最驚知識份子，因為知識份子可以講道理，可以協商，可以互換利益達成共識。從政、從商道理一樣，唔可能一邊贏晒，為求達成目的一定要有互讓空間。兩邊企硬最後得兩條路，開戰或共輸。

大部份政權最驚反而係"羊"，因為佢地只要有人帶頭就會跟住走，你同唔到佢地講道理，佢地亦唔會反思自己做緊乜野。所以你話派錢比全部人叫佢地走，根本行唔通，因為佢地根本唔會收，佢地覺得而家自己做緊既事好偉大，用錢係買唔到既。

中共都好怕"羊群"，你睇睇當年文革班"羊"，當時佢地無人覺得自己錯，同佢地亦講唔到道理。但當領"羊"人倒下後，每個人都唔想面對自己當時做過"羊"。

自我中心思考不等同獨立思考。

現時班學生用的是前者！

回11樓：狂

原來一位由2009年開始，每年都預測香港樓市會跌50%，每年都會講果年會爆股災既「經濟研究者楊衛隆」，真係有人信同有人會認真看待佢既文章架？？

如有興趣可上網搜尋「楊衛隆預測」，你會見到呢位經濟研究者好多精彩文章。

但而家出面佔中果班成日標榜自己有獨立思考能力既學生，做事講野永遠都只得黑同白

照呀哥的邏輯做事講野唔係永遠都只得黑同白唔等如有獨立思考能力 

回：e_kam

Sorry，係我講得未夠清楚，其實可以話，思想只有黑、白，係小朋友思維方式，但唔等如無獨立思考能力。而有獨立思考能力，又唔等如係有道理。

做個比喻，有位人兄，佢好有獨立思考能力，無人影響到佢對自己理念，佢從來唔受人影響，佢一出世識思考後，就覺得地球係平既，就算幾多人講，書本點寫，佢都覺得地球係平既......

我見而家好多人將「獨立思考能力」呢個形容詞推得太高，呢個唔一定係讚美詞。「獨立思考」獨立過頭，同「閉門做車」就無乜分別。

而家我見支持佔中既人好多欠缺既唔一定係獨立思考能力，反而驚佢地思考"獨立"得過頭。佢地好多最欠缺係虛心聆聽，虛心思考。

當你永遠只堅持自己一套，唔願虛心聆聽，你就好難做到反思，一個唔識反思既人，好難有進步。

支持佔中朋友，得閒上網睇睇「講清講楚」周永康個訪問，佢充份表現出乜野叫過份獨立思考，主持問乜佢理解唔到，答唔到，佢只堅持自己一套，人地同佢講道理，因為同佢理念唔同，所以聽唔入耳，理解唔到人問乜，自然問非所答。

許Sir返嚟喇！ 4點半見記者

警方做事令人失望  APEC 完了後回魂

回：e_kam

再一次Sorry，其實我又太認真，上網打咁多字，無著數，無錢收，睇唔明既人我打幾萬字都睇唔明，明道理既人無我講佢地全部都明。上網打咁多字，到頭來只純為發洩。

其實我打咁多，你唔o岩睇跳過得喇，你既疑問同反駁好難影響到我理念，就等如我講既影響唔到你理念，認同我講既人又唔會因你反駁變得認同你講既。

到頭來上網發表既各位都係純發洩，係網上對同自己相反理念既人太認真反而搞到自己無癮。

回：亮劍兄

你呢個推理幾有趣，細節未必同中央考慮一樣，但大方向應該相同。中央而家態度係借雨傘運動令泛民內耗。

中央之前已好表明立場：運動可以一直耗落去，中央唔會出手，因為而家既運動係拖垮緊香港，唔係拖垮緊中國。

我同意因呢個運動影響，就算有公民提名及一人一票，都選唔到泛民做特首。

另外，我覺得因今次運動，會減少下屆立法會內泛民議席。好多中產唔出黎嘈，唔代表佢地無不滿，唔代表佢地會唔做野，只不過佢地既反對方法唔係同你上街癲，係用手上既選票。

泛民把口而家仲好堅定，但你估佢地唔知實情？再拖落去佢地都知會影響佢地下屆選舉。但無辦法，泛民中無政治人材，而家運動能放不能收。

回：e_kam

真理只有黑、白，但邊個可以定何為黑？何為白？

戰國年代，秦國滅六國，殺人無數，但統一令戰禍止息，係黑定白？

日本當年覺得自己國資源太少，再發展落去會令國家資源不足，會令國民受苦，所以開戰去搶其他國資源。係黑定白？

無錯世上係有真理，但真理會因個人角度及時代有變，呢個就係現實世界。無人可以好自大話自己信既就係真理，現時世界無絕對錯，絕對o岩，所以需要妥協，需要互相理解。如果真理只有一面，人人可以明白，世界就唔會再有紛爭喇。

一百舊垃圾都係垃圾, 今次佔領的垃圾頻譜同垃圾頻寬都係之前無人能想像, 中央真係由鬼你。
劍哥, 會唔會想得太多? 香港人咁自大, 主席料理哩單野, 可能用左唔超過一個小時喳。
是非黑白, 都係 over generalised 的選擇, 這是包括我在內唔去投票的理由。
如果今日即選, 礙於民情洶湧, 犯民一定全炒。
兩三年後又會如何呢? 唔投開票的中坑義憤填膺說, 我一定出去投建制!
中坑的人數只會越黎越少, 但今日未夠資格投票嘅年青人, 兩三年後可以夠資格投俾犯民喎。
加上建制有啲人真係揀唔落手, 唔係大家唔想用國貨。
哩度又牽涉第二個核心層面嘅問題, 就係建制冇乜大空間發揮。
建制嘅 M&A 係要幫正苦政策護航, 有理冇理都要護航, 但係正苦公墓員團隊好似有啲貌合神離, 專搞啲難護嘅黎俾你護, 於是落得要賣身派蛇餅糉, 政績就係爭取綠公仔多一秒鐘, 提高自己支持度, 出線為的只是幫人護航。
建制同近建制哩兩年要加速做嘅, 係推多啲新人上同曝光, 要正苦全力配合, 提供一些地呀, 樓呀, 路呀, 社區設施呀, 新人工島呀, 咁樣護法才有可能有大面積的勝算。

法理之間——市民拘捕權

         警察有權拘捕疑犯，市民也擁有拘捕權。日前黎智英被擲動物內臟，兩名糾察行使市民拘捕權，拘捕三名疑犯。

        《刑事訴訟程序條例》第一○一（二）條，任何人可毋須手令而逮捕任何他合理地懷疑犯了「可逮捕罪行」的人。

           不過，市民若要行使拘捕權，須遵守一些限制。
           

           限制一：只可向觸犯了「可逮捕罪行」的人行使。按《釋義及通則條例》第三條，「可逮捕罪行」（arrestableoffence）是指法庭可判處超過十二個月監禁的罪行，例如強姦、非禮、盜竊、搶劫等。即是輕微罪行例如扔棄垃圾，便不是可逮捕罪行，大家無權拘捕垃圾蟲。

           限制二：在行使拘捕時不可使用過份武力，在當時環境而言屬於合理的武力。

           限制三：市民必須將被拘捕者交警員，在合理範圍內盡快將該人帶給裁判官依法處理。

           例如，在「陳鎮坤案」（HCMA63/2012）中，超市女員工拘捕涉嫌非禮她的顧客。她當時不准被告離開，又在被告要逃走時追趕及捉住他，然後報案法庭裁定該員工所用的武力合理，其拘捕合法。案中的小插曲是，裁判官竟然錯誤地認為「非禮」及「普通襲擊」均是可逮捕罪行。上訴庭指出，「普通襲擊」並不是可逮捕罪行，因為其最高判刑只是十二個月監禁。

        一般人遇上罪案，可能難以分辨當時情況是否可以行使市民拘捕權。故此，大家在見義勇為拘捕了罪犯後，應該盡快交由警方處理，方為上策。

        廖成利律師bruceliu1008@yahoo.com.hk

        執業律師廖成利係泛民中人，佢同小弟的理論依據一樣! ! ! !