茶餐廳手記（#882）收銀機唔夠錢找續，老闆會點做

　　今日早上去到茶餐廳，見到有很多客人食完早餐之後用500元紙幣找數，收銀機本來有幾千元100蚊紙，但找下找下，已經所餘無幾，有客人擔心自己用500元埋單，老闆冇得找續，於是打算離開，老闆話千祈唔好走，收錢機100元紙幣只是為了方便找續，唔通擺幾萬元100蚊紙在茶餐廳，如果用哂，會去夾萬再攞幾千元100蚊紙，大家唔使擔心茶餐廳冇錢找續。

　　有客人擔心，港元處於弱方已經有一段時間，金管局不斷接港元，在星期三早上再接70億港元，令到銀行體系結餘由千多億跌剩570億，最令人奇怪就是結餘跌了咁多，但同業拆息仍然處於低水平，不少人擔心，當銀行體系結餘下跌至少過500億，甚至變成負數，金管局有何應對，會不會暫停接港元，或者大幅加息令有心人不做套戥，畢竟金管局是非常關心套戥活動。

　　老闆叫客人不用擔心，銀行體系結餘就是收銀機，如果唔夠錢找續，金管局會從外匯儲備攞幾百億港元出嚟應急，全世界都知道香港有4千億美元儲備，攞幾百億港元真係濕濕碎，國際炒家知道香港有這個實力，都費事搞香港，雖然不排除有人搞套戥來換取息差，相信金管是有監視那些炒家以及為他們做套戥的銀行，為了賺取蠅頭小利而搞到被金管局問話就唔係咁好。

　　今日在弱方保證沽港元的人，要用7.85港元來換取一美元，除非永遠唔再嚟香港投資，否則，屆時一美元最多可以兌換7.85港元，萬一港元轉為強勢，一美元只可以兌7.75港元，一億美元套戥就蝕了一千萬港元，國際炒家冇理由唔知道這個道理，就算沽港元買美元可以賺取高息，但有很大機會得不償失。