茶餐廳手記（#814）新交所是否可以搶到港交所生意

　　今日早上去到茶餐廳，有客人話寧德時代上市，有參與抽股的人都賺了一筆小錢，上市兩日，已經成為香港市值第七高的公司，不過，客人話收到消息，新加坡交易所打算簡化上市程序，一於搶香港生意，據聞有不少打算在香港上市的公司轉去新加坡，香港要小心了，千祈唔好俾勝利沖昏頭腦。

　　老闆記得我曾經寫過幾篇文章關於港交所，其中一篇就是以有教無類作比喻，好似孔子收學生，總之有學費交就得，化三千七十士，總有一些公司是成功的，所以，港交所應該簡化上市程序，待公司上市之後，股民決定是否淘汰那間公司，而非港交所做把關工作，愈少公司在港上市，愈代表港交所失職，而非代表港交所把關成功，新交所當時唔搶客，現在才話簡化上市程序，實在令人費解。

　　新交所現在最緊要了解點解有咁多上市公司退市，而非簡化程序，吸引更多公司在新交所上市，否則，退市的公司多過上市，就算即申請即批都冇用，有客人話冇可能，從來未聽過一個股票市場，每年退市的公司多過上市，老闆是否亂作。

　　老闆話唔講大家未必知道，今年只有一間公司在新交所上市，有14間公司宣布計劃從新交所退市，而去年亦只有4間公司在新交所上市，有21間從新交所退市，所以，新交所應該安內攘外，首先要令已上市的公司唔好退市，待情況穩定，才想辦法吸引公司到新交所上市，而到現在，有180間公司正在審批，排隊在香港上市。