睇好樓市的人原來是塘邊鶴

　　昨日同老友食晏，佢話有一件事令他迷惑，據花旗委托港大做調查，有57%被訪問的人認為樓市仍然會上升，但只有1%的人認為是置業良機，老友認為港大調查失誤，否則，沒有理由有57個人睇好樓市，只有一個人話是置業良機，我今早亦睇到這段新聞，最初的想法同老友一樣，但當我靜下來，才發覺自己的分析未夠深入，那57個人當中，原來有56個是塘邊鶴，他們雖然睇好樓市，但最終都是得過睇字，只有一個人願意落搭，如果大家唔明白，就去澳門賭場，見到不少人可以整日在賭檯旁邊，以非常肯定口吻說下一鋪開莊或者開閒，但是他們沒有落注，那些人就叫做塘邊鶴。

　　我直覺上覺得港大沒有做調查，或者調查結果與事實非常吻合，在港大附近一個樓盤，在開售時收票600，有13個人揀樓，兩個人撻訂，百分比是1.83%，而57人睇樓市上升，只有一人認為是置業良機，百分比是1.75%，調查結果與現實如此接近，證明市場上有太多塘邊鶴，但很可惜，一般人包括那些經濟專家，都會相信塘邊鶴的說話，不足兩個%睇好樓市的人買樓，如何支持樓市上升，由此可見，指數公司的負責人的壓力實在很大，如果現在話樓市下跌，情況就好似淝水之戰東晉降將朱序，令到前秦苻堅兵敗如山倒，所以，任何人都可以轉軚，指數公司負責人不可以，因為影響實在太大。