亞視現在處於摺與結的邊緣，話熄燈又沒有熄燈，話有錢到最後亦未到，有人話亞視處於愛與痛的邊緣，我話唔係，應該是處於摺與結的邊緣，點解仲未摺，理由很簡單，因為亞視出了一個現代版張巡。
一定會有人問，張巡先生是何許人也，唔好問我，問文天祥，在正氣歌裡面十二個史詩式故事，張巡是其中一個，有阿嬸話未讀過正氣歌，只讀過關帝經，一樣有提及張巡，原來張巡與張飛，岳飛是前世今生，有師奶話佢唔識字，淨係睇粵戲，唔記得最近的粵劇有提及張巡，我解釋話李居明可能仲年輕，一樣唔識得張巡，否則，新光戲院就會上演「張巡殺妾饗三軍」。
在唐朝玄宗李隆基年代，安祿山范陽兵變，揮軍長安，當時，長安一片繁榮，根本唔能夠抵擋安祿山，而張巡守孤城，力阻安祿山，讓哥舒翰招兵買馬，直至彈盡糧絕，而粵劇中「張巡殺妾饗三軍」就是講述箇中慘況。
大家唔使我再講，葉家寶守亞視，一樣直至彈盡糧絕，英雄人物一名，大家不用心急，現代張巡答應3月23日，到我在明報會客室，大家拭目以待，一定會非常精彩。
