今個星期相當熱鬧，A股H股天翻地覆，希臘，歐盟做緊大龍鳳，
回應箱內網友熱烈討論，我只能夠答三條問題，似乎唔夠，唔夠都冇辦法。
13. David 問點解中國政府要救市？
我覺得今次中國政府救市，有多少為自己言行負責，在股市大升之前，不少官員表示A股有大幅上升空間，連人民日報亦表示牛市剛剛開始，中國股民聽到這些言論，不斷以高槓桿比率投資A股，不但一拖四，一拖九，而且還有場外投注，連國有企業都參加，否則總理就不會有禁售期。其實，任何參與投資股票的人都知道，股市是會隨時下跌，不過，中國政府又必定會救市，所以有持無恐，股價早已升致一個不合理水平，稍有風吹草動，就一定會大跌，倘若股價大跌，那些投資中國大媽，不但要生要死，而且一定會怪責政府，所以中國政府又不得不救市。總理今次以暴力救市，即是話俾國民知道，只此一次，下不為例，其實，政府官員，傳播機構，不應鼓吹市民投資股票，反而經常要人小心，有這樣做的話，總理就毋需暴力救市。
14. 懶人阿媽話，風吹伶仃樹，專殺孤寒注，所以，孤寒注排必輸榜第一位？
唔係，孤寒注排等三。排第一位是磨穿席，就好似現在中國大媽投資股票，贏咗錢不但唔走，而且不斷加注，總有一日輸凸。第二位是騎劉皇馬，用投資物業做比喻，就是那些已落訂買樓，還未成交的人，他們將準備成交的資金往股票市場走一轉，其實是贏一輸二的遊戲，因為輸，不但輸了投資股票的錢，冇錢成交，又俾人殺訂，甚至連以後享受物業升值的機會都沒有，唔值得搏。第三是孤寒注，贏咗縮，輸咗谷，即是有好運的時候唔敢利用，衰運時去到盡，有乜辦法唔輸。懶人媽講得亦冇錯，不過，正確名字是叫孤獨注，或者是孤注一擲，那些輸剰最後一注的人是明燈，買對家必定贏，但很折福，大家切記。
15. e_kam話沙士時冇人炒住宅樓？
不能夠一概而論，當時地產商將大量新樓以極優惠條件批俾一些炒家，我亦曾經接超過100個單位，在成交前全部賣走，而且獲利不菲，我們其實被迫接貨，因為如果唔接貨，地產商以批發價出售，市況更苦不堪言。
