較早前有大學生在網絡發表沙田德記大排檔收費不合理，圖文並茂，有佢講冇人講，最後，好彩有記者見義勇為，令到該大排檔事頭婆可以反駁，列明該四十幾位大學生當晚所食餸菜，所飲酒水，大家明白合理之至，事頭婆好嘢，講明唔歡迎那些大學生，有網民將他們起底，但是沒有一個當晚參與的大學生行出來面對，連發表文章的大學生都唔敢，如果花蕊夫人在世一定會講，中無一人是男兒。
我在網上寫文章，不時被人身攻擊，除我自己外，家人亦被攻擊，我當然發牢騷，有網友認為我應該笑罵由人，我反問點解要笑罵由人，該網友冇答。德記事頭婆使我想起家母，有一次同我姑媽鬧交，我姑丈叫我阿媽被我姑媽鬧，仲話佢鬧完就唔記得，家母叫我姑丈同姑媽講比佢鬧，我阿媽話鬧完都一樣唔記得，姑丈冇嘢講，我在這種環境長大，我不會欺負人，亦不會被人欺負，我會保護我家人，同事，甚至朋友，叫我笑罵由大，一定唔可以。
我知道在網絡世界，真真假假，如霧幻化，不過，亦不是可以躲在一個假名後任意攻擊人，如果攻擊我的人，在他們自己的網站，如果不太露骨，我亦不會執著，但在我的回應箱內任意攻擊就一定不能，鏡子只不過好似愛國者導彈，是防禦系統，緊急披露令才是攻擊武器。我真的不明白，整天攻擊我究竟有什麼目的，得百幾二百人睇，倒不如用多些時間，寫一些好文章，這樣做比較實際。
前網友pp可能唔記得我們知道他的筆名，無端生事，提林一鳴做什麼，他講股市，樓市準唔準關我什麼事，而事實上股票他要向566股東交待，秘書已經跳船，公司又復牌無期，咁都唔使負責，不如叫證監處關門，佢叫人買細價樓，但又話香港變成二線城市，理由何在，我亦曾經應承蔡東豪不再提林一鳴，但大前提是唔好有人以他的言論攻擊我，pp真的是做錯，但我明白，受人錢財，替人消災，pp寫文的網站點撃率低，金主一定責罵，那個網站中小李已經整天不停單單打打，明嘲暗諷，做埋的小人行為，夠膽就用真名，其實我唔使用緊急披露令我都可以知道，我一發惡，那班人又一樣好似德記班大學生，冇一個夠膽行出來講一句話，唔通真係好似花蕊人咁講，中無一人是男兒。
