在東方明珠一案中，副主席尖啤除了涉及詐騙，洗黑錢，ICAC case外，本身亦與CY有過節，大家都認定尖啤打風都打唔甩，問題是律政司告得入邊條罪，以及刑期長短而已，結果出來，令全世界關心的人都大跌眼鏡，尖啤冇事，與案的兩位女士分別判刑五年，七年，究竟，當中的關鍵是什麼，可以有如此巨大分別。
有人話尖啤在堂上扮儍，話乜都唔知，有得飲就飲，有得食就食，有文件就簽，又唔識英文，開會時其他人講乜佢都唔知，更加唔知道俾人擺上枱，但我認為即使尖啤真的是這樣做，亦很難說服八位陪審員一致裁定無罪，還有什麼特別原因。
在宣判當日，報章出了一張尖啤與女朋友飲茶相片，並且報導尖啤的女朋友為了他將一層物業賣走，變現2,000萬助尖啤打官司，老實說，他的女朋友如此做，與將2,000萬掉落海一樣，尖啤單case，都九死一生，不過，我認為這段報導救了尖啤，因為今次的陪審員都是男性，見到尖啤有如此紅顔知己，就放尖啤一馬。於是，我打電話給一位大律師講我的意見，點知佢話錯，錯，錯，當他見到八位陪審員都是男性，認定尖啤今次唔好彩，如果八位都是女性，見到尖啤女朋友咁樣對尖啤，知道尖啤一定有情有義，將個人代入尖啤女朋友，才有機會冇事，所以，今次由八位男性陪審員決定，冇事就即是冇事，大家不必多疑。原來連律師都推測錯誤，有做心理分析的朋友話俾我知，如果尖啤在審訊期間將老婆拖出拖入，擺老婆上抬，就一定過唔到關，今次，尖啤誤打誤撞，竟然可以甩身，這亦是天意。其實，我相信尖啤都打定輸數，今次甩身，以後用什麼理由都不能夠飛甩女朋友。
