|
1. 路人 2015-05-28 09:52:23 |
|
儲蓄始終是好事，而是否能達到在香港置業是另一議題。 |
|
2. 生性的80後 2015-05-28 10:05:39 |
|
忠言一定逆耳 |
|
3. 引頸一切 2015-05-28 10:19:42 |
|
養成儲蓄習慣是必須, 任何情況都適用 不過劉公子不食人間煙火 , 相信儲蓄對佢黎講好抽象, 舉實例只係自暴其短 |
|
4. 打工仔 Andy 2015-05-28 10:20:33 |
|
劉先生講得無錯! 買樓從來不易, 只不過有d 人想要但又不想付出! |
|
5. 狗頭貓 2015-05-28 10:32:59 |
|
劉公子如能像湯博士般講儲蓄 , 必定令觀眾聽得耳順 . |
|
6. 丸子 2015-05-28 10:35:40 |
|
無論如何，叫人儲蓄一定沒有違反青年約章，說違反青年約章的人他們才是違反青年約章，令到時下青年人以為儲蓄是一個壞習慣。
忠言逆耳，實在無辦法>.< |
|
7. 亮劍 2015-05-28 10:52:03 |
|
(綜合報道)(星島日報報道)為助基層家庭有瓦遮頭，兩年前創立的社會企業「要有光」，推出「光房」計畫，鼓勵善心業主以低於市場租金，租出單位給單親或遭遇突變的基層家庭，吸引不少業主、名人、公營機構和地產商施援手，迄今為六十多個基層家庭提供安居之所。青年事務委員會主席劉鳴煒亦給予支持，提供個人名下北角一個約五百呎單位，透過「要有光」以低於市價一半以至更低租金，租予三個單親家庭居住。
社企「要有光」創辦人及行政總裁余偉業形容，他們扮演「二房東」角色，由於領有地產代理牌照，可把善心業主提供的單位，推出「光房」計畫，以合租形式租予有逼切住屋困難的單親家庭或基層家庭，租金水平按個別受助家庭的負擔能力及經營成本而定，但會低於市場租值一半，甚至更低，租約最多三年長，所有受惠家庭須由社工轉介。
參與「光房」計畫的業主，放棄單位在市場放租的正常租金收益，只收低廉租金行善。余偉業形容：「香港人並唔係個個都咁市儈」，計畫至今獲善心業主，包括不少名人，以及市建局提供三十多個「光房」單位，協助六十多個家庭解決急切的住屋需要。他直言：「現時個個月都有業主加入」，證明當初「我信有」的傻勁可行。
善心業主包括華人置業主席兼行政總裁、青年事務委員會主席劉鳴煒，他早前提供私人名下一個北角約五百呎三房一廳單位，透過「要有光」，以低廉租金租給三個單親家庭。
「好難得，我好感恩有一班熱心人士幫助有燃眉之急嘅基層家庭。」李女士與另外兩個單親家庭合租劉鳴煒的單位，她自從與丈夫離婚後，搬出原住的居屋，曾與就讀中一的女兒租住觀塘百多呎劏房，租金佔收入一半，負擔甚重，母女二人更曾被隔鄰的「醉酒佬」踢門騷擾，幸在社工轉介下租得劉鳴煒提供的「光房」，減輕生活負擔。她指，「光房」有多些活動空間，也與其他合租家庭互相照應，形容「唔夠膽諗有𠵱家咁好嘅居住環境」。
對於有兩成受助家庭可在一年半內遷出「光房」，重新過新生活，余偉業感到滿足，不諱言「我以為三年至會搬走」。
他希望「光房」計畫可發揮帶頭作用，繼市建局及政府以象徵式租金出租六伙永利街單位及深井九龍紗廠眷屬宿舍後，鼓勵更多有心人加入。「要有光」曾獲民政事務局頒發社企創新思維大獎，其服務獲廣泛肯定。
|
|
8. 黃絲帶 2015-05-28 10:57:26 |
|
黃絲帶係想行共產同獨裁 |
|
9. 舍神 2015-05-28 10:58:58 |
|
全世界都在印銀紙。 說得正確點是偷走大家的購買力。 在呢個不合理的世界(政府可公然偷竊),令傳統的智慧行不通。 現世界鼓勵投機, 懲罰腳踏實地努力工作的人。 懲罰儲蓄, 獎勵先洗未來錢的買樓人仕。 儲蓄是否再是美德，有時我也分不清楚。所以對他們的指控也要多一份體諒! |
|
10. 年青人不願或不習慣或完全沒有心態去儲蓄 2015-05-28 11:00:39 |
|
父母親的教導不正確, 子女平時的零用錢富足, 出來工作又不用付家用, 唔夠可以回家討錢用, 朋輩的影響, 自身對錢的概念不足等等, 都令大部份現金活在富裕的香港年青人, 完全沒有危機感, 也沒有責任心, 沒有著得有這個需要去儲, 你說他們怎麼會去儲吖??
節衣縮食??! 您傻架? |
|
11. B老 2015-05-28 11:05:18 |
|
|
|
12. 引刀一快 2015-05-28 11:14:36 |
|
既要節流，更要開源，15000蚊收入仲要儲錢，不如俾D錢老竇老母駛，績番D善因，搏下將來可以收番D善果好過喇。 |
|
13. Hong Kong People 2015-05-28 11:19:08 |
|
叫人儲錢買樓本身冇錯，但如果一個大把樓嘅人叫啲無錢又無樓嘅人『儲錢買樓』就非常非常錯，不但顯出這人的生活已和正常人脫節。也顯出這人的無知無覺無同情心。
大家試想想，如果一個大有錢佬酒醉飯飽之後，對街邊無錢食飯嘅窮人說『儲錢食飯』，你會有何感想 ？ |
|
14. Kitty 2015-05-28 11:22:42 |
|
博士提出這種儲蓄方法，我已實踐多年，是絕對有效的！況且，何止要懂得儲蓄，更要懂得將儲起來的錢如何有智慧地投資，方能打穏擁有財富的基礎。 如果我以前沒有實行以上做法，我四十歲前便不能擁有多個FP物業了。 |
|
15. Johnny 2015-05-28 12:17:31 |
|
原來博士從小就被訓練點使錢，唔怪得甘識搵錢啦 |
|
16. 自我陶醉 2015-05-28 12:31:11 |
|
買唔起樓就唔洗儲錢， 可以洗到盡， 呢個係咩思維？
只有富二代先會覺得唔洗儲錢， 因為錢對佢哋根本唔係稀有資源。 如果問番真正出嚟打江山嗰代， 除非佢撈偏起家， 否則相信冇幾多個敢講唔洗儲錢。 |
|
17. 朗晴 2015-05-28 12:38:40 |
|
近年社會歪理當真理，從前比不上人，叫技不如人 ，依家卻叫霸權橫行，即係唔係我廢而係你地全部都係老千、騙子。
人生最錯就係唔肯認錯，我認為只要係合法，用任何手段去獲取某的嘢都係個人問題，想買樓要用盡千方百計絕對不是現時獨有，相比以前為 儲首期，要夜晩加班，假曰兼職，今日年青人真係睬你都儍．
還記得第一次自已買樓係用7至8成人工供樓，正所謂No Pain No Gain.
|
|
18. 小師妹 2015-05-28 12:38:54 |
|
年青人好多都對前境感到失望，每每以消極態度面對，今朝有酒今朝醉那會儲蓄！加上近日漸濃的仇富心態那會聽得劉公子之言進耳？！ |
|
19. 自我陶醉 2015-05-28 12:44:00 |
|
12樓 引刀兄，
我同你睇法唔同， 父母有好多種， 有啲見錢儲錢或用來投資， 唔願亂洗， 有啲見錢洗錢唔會儲， 最好你借多啲佢洗㖭。
對於第一類， 你畀多啲佢會好放心， 佢有需要時一定有錢洗， 如果係第二類， 你有錢唔畀咁多佢， 幫佢儲起， 他們要錢時你還可幫他們一把， 如果大家都唔儲錢， 那不是一齊等運到嗎？ |
|
20. 知足 2015-05-28 12:46:28 |
|
多謝劉公子提點 |
|
21. 丸子 2015-05-28 12:57:36 |
|
對呢！博士所說的儲蓄也是我們所執行緊的，這樣才能儲到買樓的資金。No pain no gain, 不能不勞而獲的。我們也是這樣，才有安定的生活。 |
|
22. Oscar Lam 2015-05-28 12:58:52 |
|
小富在於節儉、努力，大富則要靠天。
只有儲蓄，才會有第一桶金。有了第一桶金，才有成就大富的可能。 |
|
23. 地盤佬 2015-05-28 13:26:49 |
|
終於有人為劉生講句公道說話，成班抽水怪扭曲劉生意思口誅筆伐。 |
|
24. Small Potato 2015-05-28 14:34:20 |
|
好坦白講，我自己當年都係死慳死抵咁儲錢，非必須品一仙都不會花上，劉生既講法我完全同意，一D有經歷既人一定會明。對於時下一D未有盡力或付出既人，就想即刻想"擁有"既思想，不但反感，亦同時反映現代父母太着重物質，去討好或滿足自己既仔女，而欠缺係呢方面灌輸正確思想同磨鍊，所以D人覺得劉生呢D富二代，不知人間疾苦，係到順口開河叫人慳D駛就得，其實咁様邊有講錯，但現時實情係D人太老馮同本末倒置！係崎型極點既社會現象！ |
|
25. 引頸一切 2015-05-28 14:50:05 |
|
其實係社會變左, 單靠儲蓄係呢個印銀紙年代已經追唔上, 可見劉公子仲停留係咩時空 唔好話增值, 要保本都要落下功夫, 投資產品五花八門, 又點能夠同以前比較
|
|
26. Peter Pan 2015-05-28 15:12:05 |
|
窮人儲錢，富人投資，無本事嘅儲錢，有本事嘅投資．
明白咗以上嘅社會現實，咁劉公子叫大家儲錢嘅潛台詞就唔洗講你哋都應該明啦 ，＂你們就是一班窮鬼＂． |
|
27. 使者無式 2015-05-28 15:25:35 |
|
儲蓄未即係又學前人又做守財奴實際一點,想買野有冇錢先>_<做善事同樣先討利而唯益
應該多教及分享經歷給後者認知,多留點錢防身的好處,及錢是如何流通及運用
|
|
28. 自我陶醉 2015-05-28 15:40:18 |
|
25樓：人地冇話叫你單靠儲蓄喎! 而儲蓄無話凈係存紅簿仔唔準投資， 現代儲蓄可以儲錢、儲股票、儲外幣都得， 叫人儲蓄有咩抵觸？ |
|
29. 老鳥先飛 2015-05-28 15:42:24 |
|
人無橫財不富，馬無夜草不肥，香港有邊個大富翁係靠儲錢發達架，係香港要發達不外乎行四條路，１）娶過有錢女，２）作奸犯科，３）屋企大把 ４）crazily Invest in the one way market without risk management．
如果無估錯，湯生應該係走第四條路，所以先可以咁短時間用大約５００萬博一個３００億物業王國返黎，唔係個個人可以行第四條路，因為呢條路要有足夠運氣先得，９９%行呢條路嘅都會陣亡． |
|
30. Oscar Lam 2015-05-28 15:54:09 |
|
回28自醉兄，
補充一點，現代儲蓄還包括儲樓仔。
共儲之，嘻嘻！ |
|
31. 曾經年輸過的人 2015-05-28 16:23:31 |
|
劉先生建議年青人要儲蓄, 是好的suggestion. 呢個與佢本身係富人與窮人沒有直接關係. 不要因為人家富, 便聽不進耳. 這一點要自我提醒.
至於儲錢買樓能力能達到與否,與1樓所說一樣,是另一議題. 如果連第一桶金/第一筆錢都無, 做乜要下下唸住買樓呢?
本人都在40歲前才買到人生第一間自己儲蓄買下的樓. 現在還在那裡住. 第2間係FP買的. 都係自己後來的SAVING來付的.
現在流動現金不多,但每月有現金流及人工, 所以, 希望過多幾年再買一間樓收租.呢個係要有計劃的. (我要講的, 仲係, 有計劃的, 也不一定可以買得到. 可能因應巿場變化而泡湯).
現在的SAVING拿去買股票了. 什麼都要有PLANNING. 如果咁好彩, 過幾年, 儲多一間樓就都差不多退休了. 時間唔等人, 要自己好好把握.
40歲前我仍在儲錢, 沒有想過買樓, 臨買之前半年才醞釀, 所以, 唔好睇少自己. 也不一定要買樓, 不要把青春全花在這些部份, 一邊儲, 一邊看機會, 也可以創業. 年青人是不怕輸的, 有的是光陰及無限的衝勁! 加油吧!
曾經年輕過的人上 |
|
32. 自我陶醉 2015-05-28 16:24:17 |
|
Oscar兄， 對! 只要你有首期。 還有月供基金，大前提是要有個開始， 才會有成果。每天自怨自艾， 望天打救， 最終只會得個吉。 |
|
33. 引頸一切 2015-05-28 16:24:31 |
|
28樓: 劉公子無提及投資, 你19樓都講到"見錢儲錢或用來投資", 儲蓄就係儲蓄, 投資就係投資, 你唔好過份解讀劉公子既"儲蓄"啦.
|
|
34. 亮劍 2015-05-28 16:34:19 |
|
在20多年前，我們呢班60後若要去買楼上車，方法不離儲蓄、投資，呢度主要係憑個人之努力及做化。 在呢幾年我定期問相熟地代，八下人哋點入市，佢哋不约而同咁話，呢家仲買野嘅人，一係兩小無猜 死慳死抵儲蓄，一係有父母輩助拳，一係之前投資股票獲利，再唔係就是公司出巨額花紅……但好多時係樣樣有D。 我亮劍講到口水乾了，在牛三時，就會出現財富效應，隨時出埋井噴才能結束牛市，而對上呢兩年，全港計最少八成業主賬面賺上一球，請問如果叫你每個月儲，同期香港又有多少無殼家庭有此能耐，儲倒一球？ 現在係唔理你任何地區，乜野楼宇，只要父母輩神早置業，呢家要佢哋「必」幾拾個首期畀子女上車，講真易如反掌。
好無奈咁講:「無殼蝸牛的子女，如果你們要力爭上游嘅話，講句衰D，冇行囉。」
因為你負重磅用腳行；人家就坐私家車！！ |
|
35. 引頸一切 2015-05-28 16:48:07 |
|
回亮劍兄, 你都話會八下地代(落區), 叫做知道而家上車情況呀. 劉公子日理萬機, 得唔得閒(落區)呀 都係要儲架啦, 唉, 仲要還多幾年GRANT LOAN
|
|
36. 亮劍 2015-05-28 16:55:49 |
|
引頸兄…… 你咪玩啦，劉少係發展商，同地產代理高層開會，你可以想像人家唔有碗話碗、有碟話碟嗎？
|
|
37. Sam Hui 2015-05-28 17:32:02 |
|
|
|
38. Stephen 2015-05-28 18:42:17 |
|
自己本身冇乜資產又冇乜資金，主要收入來自份工，當然要儲蓄。每個月儲唔儲到錢，睇自己有冇心啦。如果有心儲，可能係月入萬五，月花三千呢。 |
|
39. 愛香港hk 2015-05-28 21:53:44 |
|
講違反青年約章的人、真是不知所為。支持劉先生 |
|
40. Jerry 2015-05-28 22:24:33 |
|
同意32樓既醉師兄所言，不要自怨自艾，好好裝備自己，努力儲錢、努力學投資。儲錢是加法，學會正確投資是乘法。 的而且確有個有能力資助自己上車既老爸係會令生活得安逸些，但我不能認同無殼蝸牛的子女便不能力爭上游？有人創業頭幾年窮到褲穿隆，之後成功就發左達。另外，這世上投資唔係得磚頭，多觀察身邊既人和事，可以發現好多好好回報既投資項目。不要怨點解你阿爸唔係李嘉誠，積極D把自己變成另一個富翁。機會係自己創造，多賞試，不怕失敗，總有出頭天＾＾共勉之 |
|
41. 路人H 2015-05-29 03:09:37 |
|
其實, 我認為, 不是儲蓄問題, 是社會消費文化問題,
你地睇下近十年D廣告, 清卡數好似唔洗錢咁。回想那時剛讀大學, 行過又有張信用咭, 唔知點又差幾萬, 整個社會文化鼓勵消費享樂。到出來做野....
男既年青人儲不了錢小不免因為女人! 我夠膽講, 現在廿幾既女仔, 比較小會肯"捱", 你去大家樂見到有幾多對情侶,(去食成千銀日本野又見張張都係情侶), 現在同拖友吃飯至少300元吧, (300已經有點CHEAP..), 張單又多是男生埋吧, 另外, 唔知幾時開始, 俾廣告值入左節日消費, 情人節呀, 又多個白色情人節, 又唔知點又要勁慶祝聖誕, 又跟手又新年...等等...加上比較問題......例如MARY男友生日送個GUCCI銀包又點點點, (其實我唔明一個幾千至一萬的銀包有咩用, 仲要入面得幾百。), 旅行不在講, 仲有...男生就會明白, 出車溝女呢份吸引, 溝唔到女會唔會出車搏一搏呢...等等...。
唔好只講男, 又講下女仔, 以前D化妝品護品邊有咁鬼貴, 工序又多, 仲勁過做生化武器, 個個STEP都有唔同既化學消費品, 仲要去有美容院 買個唔知咩PACKAGE又話幾千, (為免不必要的戰爭, 做完我一定話白左喎, 其實我心諗有咩分別呢), 講來講去又唔係D廣告用完XXX就又白又滑。 以上全部都係成功商人以廣告建立出的消費文化。你睇下, 以前D劇做呀信, 唱呀LAM既莫再悲, 依家唱既歌, 99%係情歌, 年青人係咁既文化下成長, 又點儲錢... 佢地窮既儲唔到錢, 其實係間接保障了資產者..(下文再說, 因為突然想起件吹漲的事)
話說幾個幾個月見一次既FD出左去飲野, 其中撞到佢公司D同事, 咁坐埋吹水, (重申, 不是針對女生及基督教), 唔知講開咩, 她說無儲蓄, 我正正常常同佢講D儲錢既說話, 我話唔好話買樓, 有咩突發野都有幾萬銀傍下身。
點知佢話..大約是..上帝可以養活烏兒, 我們生命又咩貴重D, 自然會解決, 叫我唔洗擔心未來, 仲話咩現在唔去旅行老左又無得去 ( 廿幾咋..), 又話唔洗怕主會安排。
我即時呆了, (我對宗教不熟, 但我估多數都係曲解人執住一二句)。
結論: 社會文化害了大部份的一代, 有富爸的因為用資產作為生產工具, 而消費主義間接幫助資產增值, 有資產者越強。
最後點條好路, 假設你2X歲 , 中五, 15000個月, 住公屋, 儲3000元, 以上條件無得買樓掛。
立即唔做, 做地盤散又好, 酒樓散又好, 申請公屋, 排10年左右, 同時手上有360000元左右.
你上公屋看好情況就買居屋, 到時你都只不過係三十幾, 唔買就係公屋到休養生息。
講真, 真人真事, 我公司有D工作要用散工, 個次聽到國內老散同人嘈交, 跟著佢話我唔係好志在呢度開工咋...佢話他一到香港, 生幾個, 又開散工, 又綜援, 一個月二份加埋成30000元左右, 我搭咀又無咁多呀, 佢條數好簡單 一人500開廿日, 一家4口有萬幾, 我仲早幾年係鄉下買埋層樓一個月又收返幾千元。我問佢點解唔洗做, 政府無迫你咩, 佢話間中見下工, 玩下野, 又話腰整傷, 又話精神唔好, 我問佢咁都得, 佢話D同村兄弟都係咁啦。(此人已經到咱香港7-8年)....
後來, 我暗中叫工程部大佬唔好叫佢再開工, 我話我唔係咁順眼, 工程部大佬問我咩事, 我話左件事佢聽, 工程大佬講條友其實好做得野, 都幾搏, ( 又有另一問題...依家D年青人..), 人地又唔係直接嘈你大哥, 我話咁又係既....
所以, 我好支持年青人去申請公屋, 至少他們上一代對香港有貢獻。
你話我希望社會福利傾向本土D我都係咁話。
(可惜我已經是70後老人,又有二層蚊仔樓, 又讀過2頁書, 否則上述一招, 已經等於獲得400萬了....恨我當初9幾年讀預課時不懂得申請公屋)
|
|
42. 引刀一快 2015-05-29 06:46:32 |
|
|
|
43. 引刀一快 2015-05-29 06:56:29 |
|
” 依家唱既歌, 99%係情歌, “
邊有99％！起碼有20％係無釐頭，聽完唔知歌詞寫乜，邊度係情歌。 |
|
44. QQ 2015-05-29 08:18:41 |
|
大把身家嘅有錢佬可能趨向認同劉生嘅硬膠言論，但小市民就大多數唔多Like劉生對窮人所講嘅＂儲錢＂風涼說話囉． |
|
45. 引刀一快 2015-05-29 19:29:51 |
|
同意！計計數就知道喇！
3000蚊一個月儲14年，即係約五十幾萬，咁嘅樓市，一年就跌咗去喇。
14年低程度社交生活，亦即係最當打年齡嘅發展條件被大大削弱，總之點講都係慘。 |
|
46. 愛香港hk 2015-05-29 21:40:38 |
|
不同意樓上的講法、難道你14年不加人工嗎？如果怎樣做人、真沒出息！ |
|
47. 元朗人 2015-05-30 08:33:19 |
|
儲蓄是做人應有態度和習惯。我教小朋友要量入為出，買東西前想想是否真有需要，自己亦要以身作則。將來会較少担心他们成月光族。
小莫小於水滴，造成大海汪洋，细莫细於沙粒，造成大地四方… |
|
48. 引刀一快 2015-05-30 10:55:50 |
|
元朗人兄
儲蓄當然係利遠大于弊喇，呢點可謂無可爭辯，但係亦要視乎現實狀況，假如有理想發展自己專長，就要考慮應該纍積現金還是纍積人脈，15000元嘅收入，我唔覺得有咩問題，但係以今日樓價作爲標準，而又以買樓為目標嘅話，我真係認爲開源好過節流。 當然，安份或者冇條件開源嘅人，仲係踏踏實實儲蓄好。 |
|
49. 亮劍 2015-05-30 10:58:22 |
|
曾淵滄：儲兩年人工先投資 長綫持有 不理升跌
港股大時代，無論少年股民或大媽均渴望「騎牛」搵銀。財經專家曾淵滄卻不建議年輕人拿着數萬元短炒，起碼儲兩年薪金才入市；但同意以月供形式長綫買入優質股，點名推介盈富基金。 著名財經專家曾淵滄，前年辭去大學教席做自由工作者。其實他大可退休，手上十多個收租物業連股息，每月帶來逾十萬元被動收入，高過教書人工。他不缺錢但生活慳儉：一套衫穿五至十年才扔，時以十元一餐煎蛋公仔麵充飢。他絕非吝嗇，一年起碼去七次旅行，要大魚大肉隨時皆可；自言未到富豪級數，極其量只是個中產，慳家因感覺富足。
自我增值 月儲九成人工
曾Sir理財有道，卻甚少出鏡論股：「我無法滿足股民要求，這班投機者只問『冧巴』，像賭馬一樣，而非透過投資而達到『不為五斗米折腰』的生活，賺到錢便食魚翅、去旅行。」對於炒股搵銀、快來快去的生活態度，他不屑一顧。追問他廿來歲年輕人適合投資甚麼股票，更劈頭回應：「你們仲未到投資的時候。」 87年心雄買期指，曾Sir最終被股災一鋪清袋輸掉50萬，後拼命鑽研財金知識，自創「曾氏通道」，靠長綫低買高賣股票置富。這位過來人認為月入萬餘元的年輕人不宜心急入市，「一投資便很易分心，若為三、五萬元股本分心工作被炒，值得嗎？這年紀（廿來歲）應先儲錢，儲兩年人工才買股票；還要增值自己，增值包括你老闆欣賞你，並學識投資。」 月儲多少為合理？「愈多愈好，若跟家人住儲九成薪金不難。」而他本身就靠儲90％人工在股壇東山再起。
月供股票 推介盈富基金
雖不鼓勵短炒，但同意年輕人月供股票，「不理股價升跌、以平均成本法買入是可以，前提是你選的股票是長期穩升。（有何推薦？）盈富基金。」過去他亦在專欄讚盈富股息回報俱佳，值長綫投資。至於持有至何時，他說從不設定目標價，但曾在著作分享減持策略：「當股價升至買入價的四倍，就沽出25％，舉例一元買入，升至四元便減持25％，亦即你手上股票已拿回成本。」同樣原理，股價升一倍沽50％亦可拿回成本，日後股份升跌也不用擔驚受怕。如今他手上股票已是零成本，房貸也還清，還月月有收入，名副其實無本生利。 從前一家七口屈居板間房，自小立志「不為五斗米折腰」，現年逾六十的他錢有了，亦有時間做喜歡的事，既富且足，目標超額完成。
背景不同 沒刻意教子女理財
作為大師級人馬，以為曾淵滄定早早向子女傳授理財秘技，怎料他卻說沒有。「有想過教但不成功，他們一句話頂住我，話『我個老竇又唔同你個老竇！』」事實確是如此，曾Sir的理財哲學建基於有個窮爸爸，而他子女卻有個富爸爸，起跑綫截然不同，故無刻意將自己一套強加於子女身上；他又引用歷史指，學兵法也不等於懂得應用，會由他們自行摸索。 好奇曾Sir年老時如何處理資產，他自言與普通中產一樣留給子女。問他怕不怕下一代不善理財，散盡家財？他笑着搖頭：「因為我已告訴他們10元可以食到一餐。」花光了重頭再來就可，認真豁達。
何謂曾氏通道？
先將恒指換算為對數，用綫性回歸方程式計算出一條長期走勢綫作中軸，設立兩條平衡綫，兩綫中間形成通道，指數跌穿下綫（悲觀綫）入市，升至上綫（樂觀綫）退市。 攝影：冼偉倫 記者：周藹文 |
|
50. 小小業主 2015-05-30 15:29:29 |
|
路人H兄，小弟和你景況差不多。人將近四十，'七'人一個(意指七十後)。當時讀大學冇人教你伸請公屋，但據聞現在入O camp 己有師兄師姐教路伸請三寶(信用卡，grant loan 及公屋)，唉……
另外，多得現在廢青多，老细傾向請七十後，所以我地仲有好多工做，summer intern 則請外國人，我相信這是廢青的另類'貢獻'，但長遠香港就……哈哈，共哭之！ |
|
51. 元朗人 2015-05-30 21:39:07 |
|
48/F 引刀兄
行行出狀況，如果有位非親屬説他／她有理想要發展自己專長，我是非常十分尊重。但香港的還境是十分不利個體戶創業，簡單如開補習社、花店、咖啡店等，都很難維持。網絡推廣生意也是鬥平鬥刁鑽，前路崎嶇。
我覺得這裡網友大多有專長但都不是個體戶，開源主要是資產增值及收租。在QE年代，勝算較大。 |
|
52. 小小業主 2015-05-30 22:11:34 |
|
to 51/f, 非常同意，我朋友是中小企老闆，如標準工時立法，佢盤生意即時死得。反而大公司裏做打工仔可能更安全。佢都認為在香港靠投資及收租來歉錢才是王道。不知各位師兄師姐同意否？ |
|
